هلااو عيوني
لا تنسوون التصويت والتعليق🥲🫦💋
(شذى عمة تالين الاصغيرة وعداوته معروفه الامه على الرغم محبته التالين )
تالين:ها عمة
شذى:توتايتي حبيبتي لاضوجين من بابا هسه هو تعبان ومشغول بس يرتاح صدكي راح يعرف كل شي ويجي يصالحج
تالين باوعت اله صفح
شذى:لاتباوعين الي هيج بس امس بيبيتج سامعه عركة امج وابوج من صوتهم الرقيق وطبعا كالتلي هي حاجته من نازل وكايلتله الحقيقة واشلولن امج جبرتج بس هل مرة جنه مسوية شغلة لقطة مخ...
قاطعته: عمه ماقبل تحجين على ماما عادي انا وياها نزاعل يوم يومين عسى ما اكثر نرجع نحجي وشصير خلي يصير مو معنى اقلد على امي
شذى :يايمه اللسانج وين هسه أنا شكلت ومديتي الي الللسانج ولج اللسانج صاير شطوله
تالين :مديت اله اللساني وكتله والله ماقيسته قيسي حسب معرفتج...
غمزت الها وركضت للدرج سمعته أصيح
شذى : ايا ادب سز هاي منين متعلمه هل سوالف
رجعت اله مديت بس راسي
تالين: والله اخوج الحلو فديته علاوي يكول هل ايام اتعلم سوالف مو زينه من كعدتي وياجن
وطكيته ركضه ماللكه غير علاوي شايلني خنزرته وكتله نزلني
علي(ابوي) :الحلو زعلان عليه
أخذني للصاله وكعدنا يم عمه شذى
شذى :ولو انا اريد اخنكه بس كلمة الحگ تنكال يخوي ترى مايصير تحجي هيج وياها وانت تدري بنوته ماجذب جان جذبت بهواي أمور من زمان مو هسه تريده اجذب واحن سمعناها باذنه اشلون ضلت أصيح سحر عليه وأخذته بالجبر شوف انا اكوله بوجهك ماحب سحر واموت منه وعندي اعاشر بليس ومااحجي وياها بس يخوي وداعت جهالي الي داخل احشائي جذابه سحر وتالين ماجاي اجذب
كام ابوي وراح الغرفة بيبي اشويه واجت عمتي حنان وكامت شذى ودخلت وياها وحجن وي ابوي انا مادخلت
أجى ابوي صاحني وصعدنا لفوك
الاب:تالين بابا اخر مرة اسئلج وعديني تحجين الصدك على كل سؤال
تالين :وعد احجي الصدك على اي شي تسأله
الام :اهوووو ماتسد السالفة اشكد لحيت
الاب بتجاهل :تالين بابا عيدي الي صار وياج
عدت اله كلشي واشلون كل مره ماما ماتقبل تجي تأخذني
الام ضربت على صدره وكالات :يمه يمه الحكي الي بنتي جذب عليه وكل جذبه اكبر من الخ
الاب :ماكو واحد يجذب غيرج وكلش زين فاهمج وليش جاي تسوين هيج وقسما بالله هل مره رحتي بشفاعت امي انت مره وعيديه وشوفي شسوي بيج انا اريد اتعيديه
ابوي جر امي من شعره وطلع اجت امي اتولتني ضرب امي اخر فترة من تغيرت صارت تضربني بس هل مره كلشي جان يختلف الضرب اقوى واقوى
الام :ولج انا اعلمج تحجين عليه وتستكوين بعماتج بيه هااااا سهله سهله.
دفرتني بالكنتور وراسي انجرح ورى شوي اجت وسحلتني للمطبخ وحمت الخاشوكة وخلته على أيدي ماحسيت بالم الخاشوكه اكثر من الم الي بكلبي امي ليش هيج تسوي وياي شمرتني بالمطبخ ابجي وراحت امي صح راحت بس اثر جرحي للان ماراح
أنت تقرأ
ورثة الصمود
Actionهذه القصة تتحدث عن امرأة قوية وصامدة، تحملت أعباء الحياة بكل شجاعة وثبات.. بين ظلم الظروف وجمال الصمود، تبرز قصتها كدرس ملهم يجسد قوة الإرادة والصبر في مواجهة العواصف. فقدت عائلتها وواجهت صعوبات كثيرة. بالرغم من ذلك، تمكنت من تحقيق نجاح كبير انظلمت...
