سُخام"حَالك السُخم"
-نور الهُدىٰ
سِكة الصبر نهايتها جبرك، مَهما طالت.
ضوضاء،ضياع،خذلان،غَدر
كلعادة طلعت ادور شغل واني اصلا بالي مو يمي بالي يم حَبيب القلب والروح
بس اعرف كلشي ضدنا ومن سابع المُستحيلات ننجمع بس بعد شسوي
القَلب ومايُحب وادري اذا احجي لاهلي راح يرجعون ويكتلوني ويمكن يزوجوني غصب وهمَ بس لان اجه وخطبني جنزوني فَ شلون اذا اگلهم احبَ شسوي ياربي شسوي طَفلة وضايعة
غَريب:شبيچ ماتشوفين؟
شاه:شبيك انتَ اعمىٰ ترا انتَ الي انطگيت بيَ
غَريب:دحك دحك الصلافة يول اكضبچ افصمج
شاه:دطير هوَ انتَ ياهو وتفصمني دولي منا
غَريب: دحكِ يول انه بحياتي محد حاچي وياي هيج اگضبچ هسه وكافل الخِدر ازوعچ العافية
شاه:طيط
غَريب:شوفي يول اذا تجرين زيج مره ثانية اگضب هل حلگ وافركو
شاه:انتَ شتريد جاي تتعارك وياي
غَريب:دحك الصلافة هيَ الغلطت وجايه تحچي هيچ
شاه:يابة اسفة يس امشي من گدامي
غَريب:ديلا روحي بس بعد لاتجرين زيج عيب البنوات يجرن زيج
شاه:تمام عمو
كملت مشي وشفت ومحل معلگ لافته محتاجين عامله رحت اركض فرحانه للمحل دخلت
شاه: السلام عليكم
صاحب المحل:وعليكم السلام تفضلي خيتي محتاجه شيء
شاه: الله يزيد فضلك محتاجين عاملة بالمحل؟
صاحب المحل : اي انتِ تردين تشتغلين
شاه: اي عمو
صاحب المحل : تعاي باچر وأبدي شغل
شاه:صدگ عمو شكراً
صاحب المحل:العفوا
شاه: تحتاجون واحد ثاني ؟
صاحب المحل :اذا عندچ جيبيهه وياچ
شاه: صديقتي تريد تشتغل هم چا راح اجيبهه وياي
صاحب المحل:خوش تعالن من وكت
شاه:اوكي
شاه:طلعت من المحل فرحانه وانگز والناس مستغربه ورحت طيران لبيت صديقتي ابشرهه
شاه ادك الباب واكول: نوررررررر افتحي الباب نوووووور
نور: لا تصيحين جايه
فتحت الباب
شاه:ابشرچ
نور:لكيتي واحد صاگ
شاه:لااا شبيچ
نور: چا شنو
شاه: لگيتنه شغل سوه ونبدي باچر الصبح
نور:كلللللليش اگلچ الي يشتغلون بالمحل حلوين لااا
شاه: ويين كله بنات
نور :حرامات ردت اسحر واحد بجمال ونزوج واخلص من العيشة الفگر هاي
شاه:والله بطرانه
نور:اهوو
شاه:اگلج شمسوين اكل؟
نور:دولمة
شاه:شنهاي اويلي
نور:يلا طبي ناكل سوه
شاه:اويلي شگد احبچ
نور:مصلحتك يم الچلب گُله حچي چليب
شاه:ههههههههه
دخلت لبيتهم ولگيت امها گاعده تمشط
ام نور:ياهلاا بشاه اهلا وسهلا
شاه:شُكراً خالة
اكلت الدُولمة وجانت لاجعة وتخبل
ودعت نور ورجعت واني فرحانة بلشغل وفرحانة اكثر لان نور وياي
طريق البيت كُلش بعيد اضل امشي تقريباً 40 دقيقة واني امشي شفت بزونة دنگت عليها ضليت امسد على راسها چانت عيونها كل وحدة لون تخبل وهي سودة تجننن ضليت العب وياها بدون مااحس
گمت امشي ولاگيت شلة عطلات بلطريق
العطلات:شعده الحلو وحده
شاه طلعت الحربية من حذائي وخليتها على رگبته ضلو صافنين ماتوقعو هيج عبالهم راح اخاف وابجي
شاه:توخر من وجهي لاوحگ ابو راس الحار هسه انحرك هنا ومحد يسمعلك حس انتَ وهذول العطلات الوياك من گبور تلفكم ان شاء الله ياريت وجوهكم تساعد تتحرشون شو لاخلقة ولااخلاق
سمعت واحد يصوفر وراي انداريت لگيت واحد واگف ولابس كاسكيته
شاه:انتَ شبيك شتريد
الغَريب:ول يابه نچره
شاه:اهوو هم انتَ شتريد
الغَريب:يوم كامل افتر وراچ ماتگليلي انتِ شنهي
شاه:وانتَ شعدك تفتر وراي مخلفتك وناسيتك
الغَريب:لايابة هسه خليج مني احچيلي ذولة شنسوي بيهم
شاه:شمدريني
الغَريب:ذولة مبينين يتعاطون لو سكرانين راح اخابر المكافحة
خابر المكافحة واجو
الضابط من شافني حاطه الحربية على رگبته ضحك وگال
الضابط:سَبعة بوية بعد ايدي النسوان الزينة
شاه:شُكراً
اخدوهم وصارت هوسة وانحلت قبل لااروح انداريت علي وگلت
شاه:شُكراً
الغَريب:عَفواً
وكملت طريقي وبنص الطريق فجأة انسحب واتخله شي على خشمي شميته وبعد ماحسيت على شيء..
يَتبع
نُور الهُدىٰ .
أنت تقرأ
سُخام"حَالك السُخم"
Mistero / Thrillerسمراء جَميلة سوداء الاعين رَشيقة القَوام تَقع بين قَبضتي ذاك الوَحش عَديم الأحاسيس والمَشاعر لايهتم بِمشاعر الاخرين كُل الذي يُريدهُ ارضاء نفسهُ فَكيف تُخلص نَفسها مِن هَذا الوَحش؟
