شيبه وعشرون عام

رسالتي الئ لله

:-جنت ما اريد اتطاول علئ ربي بكلمه وحده بس هاي الازدواجيه تعبتني كلش لحد ما اجه حيدر بحياتي

حيدر :-  صفاء ليش تكتب هيج شغلات وشنو الي يخليك هيج تصير سودوي

صفاء:- بديت اكره روحي حيدر ما اعرف شعور الي يخليني اكتب هيج عقليتي جاي تكلي اكتب

حيدر:- حاول تتخلص انت بطل بس ب الاول سولفلي شصار بيك

صفاء:- اسولفلك قصتي بعدين اكملك الحجي الي بداخلي والانفصام الي عانيت منه
:- اني امي مفصوله عن ابوي واني بطنها اجيت للدنيه بيت خوالي كبرت سجلت ب الاول ابتدائي وجنت سعيد جداً بمرور الزمن جان عدنا درس فنيه وكعت الاصباغ ب البلوعه القديمه ونزلت اجيبهم وشمرتها مره خالي ع راسي ونضربت بوجهي اكثر من ضربه وسكتت

حيدر :- كمل اخوي شبيك سكتت

صفاء:- موكل الحجي ينحجي بس راح احاول
حيدر اني الي اخوان واخوات اني ما اعرفهم بسبب انو ابوي ابد ما سئل عليه بس خوالي جانو مددليني لفتره من الزمن بعد ما صرو عدهم اطفال نسوانهم خلتهم يشدون وياي

حيدر:- صفاء بس الي اعرفه عليك انت انسان قوي وابد ما طحت

صفاء:- الحديد من تبقه تدك عليه يلين حيدر المهم اكملك اني مالي ب الدنيه بس امي شدو ويانه حتئ تعرضنا للطرد اكثر من مره وكل لازم اكوم واوكف علئ حيلي وكمت وصار عمري ١٩ سنه تعاركت ب المدرسه ونضربت بوجهي بدرنفيس ، وبعدها شفت ابوي اول مره بحياتي

ابوي:- صفاء اني ابوك ولا تخاف بيوم من الايام لان عندك ٣ اخوان حزام ضهرك

صفاء:- خليهم الك يفيدوك انت ما سئلت عليه بطفولتي جايني هسه ما اعرفك اني وماعندي اخوان اني اجيت وحدي واموت وحدي

خالي علي:- انجب صفاء ونزل بوس ايد ابوك

صفاء:- محد يجبرني وهاي الناس الي كاعده كلها تسمع الاب الي رباني مو الاب الي خلفني ، وبهاي الحظه خالي علي حس ب الفخر لانو ما ماضاعت تربيته الي .
رجعت للبيت واني مكسور لانو ضيعت شي جنت منتضره من سنين هو حنان الابو الي جنت ادور عليه طوال الـ ١٩ سنه

حيدر:- غوركت عيونه وكال ماعرف شحجي وبعدين

صفاء:- المهم حيدر واني مكسور قررت اروح واشرب اني ولولد باقر الي جان اقرب شخص عليه وحسون وحمودي ومحمد  وجنه منتفقين اجيب بطلين واجي كلتلهم اروح يومين وارجع اجيبهن وياي ونتفقنا نكعد بمكان ونشرب، رحت يم خالتي اخذلي كم يوم ارتاح بيهم

اليوم الثالث
خابرني حسن الي هو خال صديقي باقر
حسن:- ها صافي حبيبي شخبارك انت وين بس جانت اكو رجفه بصوته

صفاء:- هلا خالو اني بيت خالتي شني صاير شي صوتك كلش ما عاجبني

حسن :- لا صفاء ماكو شي حبيبي بس باقر شوي تعور