#سجين من دون قيود

البارت السابع

بسم الله الرحمٰن الرحيم
لا اله الا الله ولا حول ولا قوه الة باالله
اللهم صلى عله محمد وال محمد

____________________

جمان

كعدت الصبح عله صوت مرت خالي
مثل العاده

_جمااااااااان جمااااااان صخمااااااان

_اي اي گعدتتتتتتت

استغفر الله شوكت الله يخلصني من هل عيشه
مكعدتني من صباحيه الله شعدنه هوايش نحلبهن

گمت شلت افراشي ولميت شعري وطلعت
للحمام غسلت وجهي ورحت اشوف الانتقام
النزل عله راسي شتريد
لكيتهة فارشه بل حوش فراش وگاعدين هيه وخالي
ومنتضرين خدامت الخلفوهم تجيبلهم سم
طلعت للكراج اصبح عليهم
_صباح الخير

الخال_صباح النور
مرت خالي_ياهله والله بست الحسن همزين هزيتي
طولچ وگعدتي

_خاله بعد وكت تره شعندي اكعد من الصبح

_وعله لهل صوت وترادد بعد روحي لابارك الله بيچ
سوينه لگمه متنه من جوعنه الهسه بدون ريوگ
منتضرين حضرت جنابچ استعجلي يله
عدنه طلعة

_اي هسه
رحت للمطبخ احضرلهم ريوگ وادردم عله مرت خالي
معطب گلبي منهة
_غمه التغمچ شكبرچ بعد تصيرين هنة بيضات
هزي طولج وسويهن لو اله صخمان تسويلكم
زقوم بگلبكم

حضرت ريوگ ووديته الهم
ردت اگعد اتريگ نايمه البارحه بدون عشه

_شو گعدتي كومي گعدي البنات وراهن مدارس
انتي شوراچ تلحگين اترسين بطنچ

_من حركت كلبي عيوني احسهن يطلعن نار
اباوع عله خالي مو يمنه عينه بموبايله
مرات اگول معقوله هاذ خالي معقوله هوة وامي
اخوان ماعنده ولا ذره محنه
كمت گعدت ساره وحوراء حتة يرحن للمدرسه
راحن يتريگن واني صبيتلي چاي
بل مطبخ وطلعتلي خبزة وضليت اغمس
چاي وخبز واكل
خلصو ريوگ والبنات راحن وحده للمدرسه والثانيه الجامعتهة
وخالي ومرته طلعو لزياره الامام الكاظم

بقيت بس اني بل بيت شغلت اقرايه بل
تلفزيون الباسم الكربلائي وضليت انضف

خلصت تنضيف البيت وطلعت انضف
الكراج
سمعت الباب يندگ رحت اشوف منو
وصحت بصوت من وره الباب

_منوووو

_جيشش جيششش تفتيش

بهاي الفتره بين فتره وفتره الجيش
يداهمون البيوت ويسون تفتيش عله الاسلاح

_محد موجود بل بيت مااكدر افتح الباب شويه وتعالو
خليت اذني عله الباب اسمع شيحجون

علاوي:اسمع عبالهة نلعب وياهة محيبس

تفتيشششش افتحي لاافلشه عله راسچچچچ

حسن _صلبوخ اعصابك يابه امشي يجوز صدك
محد بل بيت