#سجين من دون قيود

الجزء العاشر

بسم الله الرحمٰن الرحيم
لاحول ولا قوه الابالله
اللهم صلى عله محمد وال محمد

كنت اعلم"
اني سااصل الى هذهِ المرحله
التي ينطفئ قلبي وتبرد روحي
الى حد لن تعد هذه الارض برمتها
تعنيني بشيء مطلقآ

اريد ابجي
بچي يهد الحيل
واريد اگعد بوحدي
واسهر تواليي الليل
احس مو زينة اني
وكلشي بية يعيل
اشو هل زمن ضدي
وشفت منة الويل
اريد ارتاح اريد افرح
ما اشبه صرت هل جيل
كلشي وياي يمشي اعوج
الوكت وياي مثل الميل

جمان

كعدنه الصبح وبدينه مهامنة اليوم وشغل البيت
المايخلص
بس كلي نشاط واستبرق بس تتمضحك
عليه وكل اشويه اذب عليه حجايه

خالي من الصبح راح جاب ساره
مايقبل بناته يباتن بره البيت بس خجلته گدام اهل سرمد واضطر يقبل
حضرنه الغده وزوج استبرق كل اشويه
يتصل يريد يجي عليهة وواني اتوسل
بيهة تبقه عدنة بعد

اجة العصر واني مثل النار
احوس ماكدرت ارتاح ادري
مارح تمشي الامور بسهوله

اندگ الباب بس گلبي احسه يريد يطلع من مكانه
استبرق اتشوف وضعي شلون تخربط
وكل اشويه تهديني
اجة سرمد وابو وتوته واخو جعفر
امة مااجت وياهم توقعت متجي لأن مستحيل
تقبل

تلگتهم مرت خالي وخالي ودخلهم للاستقبال

صاحت عليه مرت خالي اسويلهم جاي
دخلت للمطبخ اريد احضر جاي بس مدري
شبيه ايدي ترجف مااگدر اسيطر عله رجفتهة

ساره راحت گعدت يمهم بل استقبال

گوه اتمالكت روحي

استبرق_اشبيچ ترجفين انشاالله كلشي يمشي مثل ماتحبين

_ولچ والله گلبي احسة راح يوگف

_گولي ياالله وانشاالله خير
رايحه اني اكعد يمهم انقلج الاخبار
اطيني اني اصب الچاي

_صبت جاي واخذتلهم للاستقبال
واگفه بل مطبخ واستمع بل بدايه
صوتهم ناصي شويه شويه
بدات الاصوات تعله روحي تلوب
ماخليت دعاء حافظته
ماقريته مااعرف شسوي احس انسحنت
روحي من القلق
علت اصواتهم اسمع صريخ سرمد
وابوسرمد صوته واضح يصيح
متت بدمي وضعي كلة تخربط

طلعت حوراء مفزوعه من غرفتهة شافتني
واكفه اباب المطبخ

حوراء_شكو شنو هل صوت

_ماادري سرمد وابو واخته بل استقبال

رادت حوراء بعد تحجي وتسئل واجت استبرق
تركض من الاستقبال وجهة اصفر كركم

_ الحگي سوي شي ابوي قاري فاتحتج
لواحد مااعرفه

حوراء _شكو شبيجن وحده تفهمني

استبرق_ولج جمان مو وكت صفنتج لاتسكتين
روحي گليله انا رايده سرمد روحي لاتسكتين

حوراء_ولج ياسرمد فهمني