بسم اللّه الرحمٰن الرحيم
لااله الا اللّه ولا حول ولا قوة اله بالله
اللهم صلى على محمد وال محمد
--------------------------------------------
بنوتات الحلوات اليوم
نطرق الحياه بطله من بطلات القصه وهية
تقى زوجة ادم
كل بطله كتبت شلون كانت حياتهة قبل
دخولهة بيت حجي غازي جد اسد
وشلون دخلت العائله حجي غازي
----------------------------------------------
تقى
اني تقى اعيش عيشه بسيطه وحلوة
في محافظة الاعماره في منطقه ريفيه
حياتنه حلوة وبسيطه ابوي عنده گاع
وبانين بيهة بيت النه صغير عله گدنة
ديوانيه (استقبال)
وغرفه ومطبخ وكراج زغير
الوحيده الاهلي ويانه گاعده بيبتي ام امي
مدلوله خوالي كلهم سافرو للخارج بحرب
الكويت وبقت بس امي وخالتي
عدهة وهيه تحب ابوي كلش
اجت گعدت يمنه ابيتنه
امي وابوي بعد عشك دام اسنين خذاهة
كلهة عارضت وماقبلت عله زواجهم بس
ابوي عارضهم وتخارب وي ابو حجي غازي
واخذ امي جدي گاطعه وكل عمامي گاطعو
بقه بس عمي علي الله يرحمه وعمتي
زهراء تواصلنه وتسئل علينه
امي بعد زواجهة بفتره طويله
ماصار عدهة بزر والناس تعاير بيهة جي
ماعدهة فرخ
من حملت بيه الگاع ماسايعتهم من فرحتهم
ابوي دللهة دلال كلهة حاسده امي عله دلال
ابوي الهة
جنت دوم اگعد يم جدتي مدلوله وضل تحچيلي
عله عشك ابوي لأامي وهواي غصص
اضلن استمع واتونس عله حجاوي جدتي
ابوي رزقة عله گده وخاف يدخلني مدارس
وتطلع عيني عله گولتة
ضليت بدوم علام اشوفن البنوات
يزهبن روحن گبل المدارس
وهنة فرحانات واني اضلن بحصرتي
ومااتحچه استحي من ابوي اطلب منه شي
اطلع اساعد امي وابوي بحصد الزرع
واعلف الهوايش مالتنه
عدنه هايشتين وعجل
امي تحلبهن انا اخافن اخاف ترفسني مااحلبهة
تسوي حبوبتي جبن وگيمر من حليب الهايشه
وبيض وسياح وتبيع عدهة بسطيه
عله الشارع العام تبيع للسواق والموضفين
رويك
اتعجب عله النساوين جي اطلع رجلهة بلايه
ريوگ جي اشوفن امي تگعد من قبشت الله
تريك ابوي وتدخل للحمام تليفه واول
مايجي من شقله تتلگاه من عتبت الباب
وگلاص المي بدياتهة بهوساتهة المعتاده
وچنه جان بل اسر وطلع فراج
هله ولا گولتن كش
يابعد البيت والعش
هله وكل الهله بل جاي لينة
اضلن اصفك وفرحانه مثل فرحت امي
بجيت ابوي وهوة احسنه حته التعب
يروح منه تگعد تغسل رجليناته بماي
دافي وملح تگله يروح التعب منك
وابوي متعلم عله دلال امي
كلهم يگلوله اتزوج وجيبلك ولد يحمل اسمك
مرتك بطنهة بعد ماتشيل فرخ
بس هوة مايغبل يگلهم ابني اريدنه من ام تقى
واذا الله ماقسمنه انا راضي بحكمة
أنت تقرأ
#سجين من دون قيود
Romanceالحياه عباره عن تجارب كل شخص يمر بتجربه قاسيه مؤلمه من الحياه نصف من البشر يتحسن ويكون قويآ والنصف الاخر يصبح اسوأ لتتمكن القسوه من قلبه فيصبح جاني بدل من مجنى عليه ام النصف الاخر يصبح تائهآ من تجارب الحياه ليكون مصيره الاخير الهاويه
