البارت الرابع
چان يوم متعب وما گدرت اركز بكلشي لا محاضرة ولا شي .. و المشكلة ندى اكلت راسي ، كل ساعة تسالني ليش ما جاي استاذ وسيم ؟!!
رجعنا للبيت ومن التعب والتفكير بمسجات المجهول ... الي خبلني ...
ثاني يوم
گعدت مسطورة ورحنا للدوام واني بعدني اتسائل منو هذا المجهول الي دزلي مسجات ... ؟ شو چنة يعرفني !! صراحة خفت اگول الندى لان هذي متسرعة وتروح تچفص ...
گاعدين بكافتريا الجامعة ، بقت اخر محاضرة يامن يخلصها اول مرة احس روحي محتاجة ارجع للبيت ... وما طايقة كلشي ...
باوعت بالصدفة شفت استاذ وسيم بس بعيد ونظرة علية ، شافني باوعت عليه ، حسيتة استحى وراح و اتجه للكاشير راح يشتري چاي او گهوة كالعادة ..
ندى سالتني و هي تتلفت
: باليوم الي ماعدنا بي مادة علم النفس ، نفسيتي تصير زفت ، لان ما اشوف استاذ سوسو ...
اني شفت استاذ وسيم بس ما كلتلها ، لان تفضحنا .. وتتغير كل تصرفاتهة ..
فما رديت بس باوعت عليها صفح و اني بالي مشغول وسارحة ..
بديت اشك الي ديراسلني يمكن استاذ و سيم .. لان اكثر من مرة احس بي يراقبني ... و يبتسملي .. ردت اگوم اروح اسئلة .. بس فكرت و گلت لا ما معقولة استاذ وسيم يسويها ، هاي سوالف واحد مراهق ... وفارغ ..
