ف قسم اليازيه البنات كانن يسولفن
فطيم : إلا ما شفتوا ذياب وااايد تغيير
ترفه : هيييه
اليازيه : يعني ما شفتنه من سنه ونص اكيد انه بيتغير
ريم كانت ساكته وتسمع بهدوء
حمدة : ها ريموه شو ياج صخيتي من سمعتي طاري حبيب القلب
ريم : اقول جب منو قال اني احبه ما أدانيه أصلا
مريم : هيه مبين انتي بس من قالوا اسمه ويهج تغير
اليازيه : بس عاد عن قلة الأدب شو تبنها ما عليج منهن ريموه
ريم : فديتج يزوي (ما يقولون لها عموه لأنها صغيره)عالعصر تيمعوا كلهم ف الميلس اليده موزة : ذياب ابويه ريحت
ذياب : هيه امايه ، شو مسوين اسميني مشتاق لاكل البلاد
اليده موزة : شو تبا انت بس بنسوي لك ، امايه حصه قومي غرفي لولد عمج
حصه : ان شاء الله امايه
اليد حمد وهو توه راد من العزبه : السلام عليكم
الكل : وعليكم السلام ، مرحبا ابويه
اليد حمد : استريحوا استريحوا ، سهيل صب لي قهوه
سهيل : ان شاء الله ابويه
اليد حمد : ها ذياب شخبارك ربك إلا بخير
ذياب : حمدالله بخير وسهاله
اليد حمد : الحمدلله ، إلا خبرني شو بتسوي ف موضوع الشغل
ذياب : والله ابويه ببدا أدور هالاسبوع ان شاء الله
العم علي : تعال اشتغل عندنا ف الشركة جانك تبا
ذياب : والله عمي شورك طيب عيل ان شاء الله باجر بقدم والاسبوع الياي بداوم ان شاء الله
اليد حمد : زين عيل
ومن بين السوالف
زايد : إلا بقولكم شي
اليد حمد : تفضل
زايد : دقولي الدوام اليوم ويبوني ف مهمة برع البلاد شهرين
كلهم انصدموا واولهم حمده اللي بانت على ويهها ملامح الحزن
العم حمدان (بو زايد) : شهرين ؟!
زايد : هيه ابويه ، وانا لازم اروح
اليد حمد : الله يحفظك يبويه وحاسب على عمرك وانتبه
زايد : ان شاء الله يديه
وراح زايد يرتب اغراضه
ولاحظن البنات ان حمدة متضايقه ف قررن يطلعن يغيرن جو
ف السياره
كانت اليازيه تسوق وحصه حذالها وورا البنات مرن يأخذن كوفي ووقفن يسولفن
ريم : بس عاد حمدوه لا تتمين جي ماده بوزج بيسير بيخلص مهمته وان شاء الله بيرد
اليازيه : حمدة بسألج صدق تحبينه
حمدة وهي شويه وبتصيح : هيه بس ما أعرف إذا هو يحبني بعد
اليازيه : لا ما عليج يحبج وإذا ما يحبج بخليه يحبج غصب أصلا يا حظه دامج تحبينه
ضحكت حمدة
فطيم : حمدوه اكيد يحبج أصلا انتي ما تشوفينه يوم نيلس ف الصاله ولا الميلس ما يصدق يشوفج مره عيونه بتطلع
وضحكن البنات وسولفن شويه وخلاف ردن البيت
وعلى ردتهن كان زايد طالع والعايله طالعه تودعه
حمده كانت تحاول تتهرب من لحضة الوداع
و كان زايد يتريا ردتهم عشان يودعها بس
فموتر اليازيه
حصه : يلا حمدوه نزلي عاد لين متى بتمين
ريم : حرام عليج حمدوه الريال يترياج ما سار
حمده اللي بدت عينها تدمع
فطيم : حمدوه لا تصيحين يلا عاد بس سلمي و دخلي داخل
حمدوه بصوت مخنوق : خلاص روحوا و أنا بي
راحن البنات يودعن زايد و كان زايد يدور حمده من بينهن لكن للأسف ما حصلها و بدت تتغير ملامح ويهه
العم مكتوم ركب فالسياره عدال زايد و سكر الباب
مكتوم : افا زايد ليش متضايق ؟
زايد : مافيني شي
مكتوم : حافظنك حفظ يا زايد خبرني شو فيك ؟
زايد : كنت اتريا شخص اي عشان اودعه و اقبض خط بوظبي لكن هالشخص ما قرب صوبي ولا ودعني
مكتوم : ماعليه فديتك انت الحين حرك وراك درب
زايد : ان شاءالله
و دع مكتوم زايد و رد عند أهله داخل
كان في شي يقول ل زايد اصبر يمكن تي و تودعك
يلس زايد يتريا ربع ساعه لكن محد يا ف ركب زايد الموتر و حرك و هو فالدرب و صل له لنك لكن من حساب وهمي و كانت أغنية :لا تبتعد يا حبيبي اكره الابتعاد
الهجر ناره تولع في ضلوعي كمااجروم سمرن تضوت لين صارت رماد
وعيني على شوف غيرك كن فيها عمااخوا على شوفتك مثل الخوا للقناد
وانا على دلتك خاوي وميت ضماشغلها و عرف أنها من حمده و رد عليها ب أغنيه :
مرت ليالي العمر ايام وشهور
وانته محلك ما حد بقلبي يسواك
اقولها من قلب ع البعد مجبور
لو دارت الدنيا بتلقاني اهواكيحفظك ربي ع المدى عمر ودهور
الغالي اللي منفرد في مزاياك
وتعيش عمرك وين ما كنت مسرور
والله يحقق يا الغلا دوم مسعاككان زايد طول الدرب يفكر ب كيف و ليش لا يكون هي فقلبها شخص ثاني؟ بس لو فقلبها شخص ثاني ما بتطرش لي أغنيه وايد اساله كانت فباله
فالميلس اللي الكل كان يالس اللي يسولف واللي يلعب واللي ياكل
اليده موزه : ذياب ابويه دق ل اخوك زايد جوفه وين وصل ابطا وايد
ذياب : ان شاءالله امايه
من سمعت حمده طاري زايد تغيرت ملامح ويها و قامت تربع لين ما وصلت قسم عمتها اليازيه
اليده موزه : بسم الله شمه قومي جوفي اختج بلاها
حصه: لا امايه ما يحتاي أنا بسير أجوفها
اليده موزه : زين امايه فديتج
و سارت حصه قسم عمتها اليازيه ، اول ما فجت الباب لقت حمده عالكرسي و كانت تصيح و صياحها ما كان أبدا طبيعي
حصه : حمدوه شو فيج حبيبتي
ما كانت حمده ترد على حصه بس كل ما تسألها هالسوال تصيح بصوت اعلى
حصه فجت تلفونها و اتصلت على عمتها اليازيه و قالت لها تي ضروري بس بدون لا احد يحس انه في شي
يت اليازيه و انصدمت من صياح حمده
اليازيه : حمدوه فديتج خبريني شو فيج، يبيلها ماي
يابت حصه ل حمده ماي و بدت تهداء
حمده بصوت مخنوق : شهرين وايد
حصه: حبيبتي حمدوه هذا الشغل و لازم يسير و تراه بيرد ان شاءالله
اليازيه : حمدوه بيرد ما بيطول ان شاءالله
حصه: انتي ودعتيه؟
تذكرت حمده الاغنيه اللي طرشتله اياها و تبا تعرف إذا رد عليها ولا اول ما فجت التلفون و شغلت الاغنيه اللي طرشها لها بدت تبتسم و فنفس الوقت زعلانه
حصه : يزوي جوفي جوفي الابتسامه على ويها
اليازيه : شكلها اهداء من زايد ولا ما بتبتسم
حمدوه : خلاص عاد
و ضحكو و ردوا ل الأهل فالصاله
![](https://img.wattpad.com/cover/368089315-288-k468140.jpg)
YOU ARE READING
قَلبٍ صُوَيبّ تُوَلّعَ فِي هُوَىَ احَبآبهَ
Adventureقلبن صويبن تولع في هوى احبابه بالقو دقه على فرقى محابيبه هم غادروني وخلوني في نشابة واحترت مادري ولا ادري كيف اسوي به ياوليف القلب طاري الهجر وش جابه عذبت قلبن يحبك وانت تدري به ياكم عذلته وعذلي فيك مايابه افاد عذلي ولومي لا ولا اييبه حبك تمكن في قل...