تقدموا لمى وهنوف وخلفهم ريوف يدخلون الصاله ، ابتسمو من نطقت دانه : كل ذا الوقت عشان شهاب والله لو انه ايش
تقدمت تجلس ريوف : والله الصراحة من زمان ماشفنا اخونا
جلست هنوف تناظر ريوف : بنات في عزيمه في البر تدرون
دانه : لا ماندري عنها حنا بس قالوا لنا عزيمه شهاب بس
لمى : لا في عزيمه ثانيه جدتي مسويتها
سندت راسها عنود على كتف هنوف: يالله مالي خلق عزايم
دخلت امل : بنات عندي لكم خبر اوههه
قامت امل تسحبها : قولي ي حبيبتي وقلبي
ناظرتها امل تبعد عنها : انتي عنود ولا لا ، ضحكت تناظرهم لثواني : بنات وانا في المدرسة اليوم سمعت اخت عناد تالا تعرفون عناد صح
هزه راسها دانه بأيه : ايوه خوي نايف كملي ، لفت تناظر ساره وكملت : بيخطب ساره
شهقو كلهم بفرح يناظرون ساره إلي صار وجهها احمر ،و كملت امل : ولا بعد بيخطبها عند البر
ناظرتها هنوف تضحك: يعني راح يكون عندنا عرسين ، بعدين ماتوقعتك ي امل نقالة علوم
عنود : اقول اسكتي بس ، بنات مالاحظتوا شيء جدتي سوت العزيمة مو كذا لا سوتها عشان عناد يعني هي تدري
وقفت دانه : بروح اسألها ، شهقت من سحبوها البنات : يا غبيه بتروحين تسألينها عشان تقولك من وين دريتي
تكتفت دانه تناظر ساره إلي في عالم ثاني : هيي ي انسه ، ماردت ساره ، تقدمت تنطق: بنات عناد جاء
ردت بسرعه ساره : ها ، لفت دانه تناظر البنات : ها شفتوا ، بتجلطني برودها الحين اناديها من اليوم ماترد لكن سبحان الله من نطقت عناد جاء فزت ، انا اقولكم من الحين البنت ذي خفيفه لأبعد درجه
ضحكوا من كلام دانه ، لفو من دخلت شيخه :جعلها دوم الضحكة وش فيه
سكتوا يناظرن بعض ، نطقت لمى : بس كنا نفكر نطلع للكوفي اي صح شفتي شهاب
ابتسمت شيخه : اي شفته والحين بيروح هو و العيال ل الملعب يلعبون على مايخلص العشاء
لفت لمى ل البنات : بنات شرايكم نروح الكوفي ابي اروق
وافقوا البنات ، ونطقت شيخه : خلاص ل خلص العشاء اتصلت عليكم ، هزه راسها هنوف:تمام ، طلعت شيخه،
لفت دانه تناظر ساره إلي ماسكه امل تبيها تعلمها كل شيء : الله يعينك ي امل عز الله ما تفكك ،ما اقول الا مصقوع اخذ مصقوعه استغفر الله
وسعت عيونها ساره : تراب ي دانه
ضحكوا كلهم ناظرتهم دانه وضحكت معهم: والله اني صادقه
_______
الملعب
وصلوا العيال ينزل من سياراتهم ، تقدموا يمشون ل الملعب ، لف عليهم خلف : وشرايكم نلعب كورة بدال التنس لان واضح من بيفوز
ضحك بندر يضع يده على كتفه : اييي شكلك تعبت من الهزيمه
وقف خلف يناظره : اول شيء بعد يدك ، ابتسم بندر يبعد يده ، كمل خلف : ثاني شيء انا كنت اعطيك فرصه تفوز يعني انا إلي فوزتك
ابتسم نايف ،يرفع جواله إلي يتصل : ارحببب
ابتسم عناد : الله يحييك ، الا وينك انت
نايف : والله مع العيال فالملعب ، حياك تعال
عناد : لا والله ما يمديني
مسك الجوال شهاب: تعال ي رجال نكسر روسهم ، رفع حاجبه بندر : والله ماضني ي الدبلوماسي
ضحك عناد : خلاص ابشر جايكم الحين
قفل نايف : يلا دخلنا
ركض خلف يمسك الكوره : ياخي والله اشتقت ل احمد ما احد يفهمني غيره
تقدم ياخذ الكورة منه : لأنكم نفس بعض مجنن الله يصبرنا عليكم
نايف : اي والله
شهاب : طيب يلا من مع من
بندر : انا وياك و نايف و عناد وخلف الحكم
سند راسه خلف على العامود : ازين شيء
لفو من دخل عناد : يلا
بدو العيال يلعبون صرخ خلف من شهاب إلي سجل هدف بعد ساعه تقريبا لعب لان كل شوي يقولون استراحه ، صرخ بندر بفرح يحضن شهاب : ياجعلني فداك حي والله ذا العين
شهاب: حي نباك
لفو من هز جوال شهاب ، ابتسم يناظرهم : جدتي ، فتح المكالمة ، الجده مزون : وينكم فيه العشاء خلص وانتم ماجيتو
ابتسم شهاب : ابشر ي الغاليه جايين في الطريق
________
لف محمد على سلطان: وشلون الشركه للحين على الوضع
تنهد سلطان يناظره : والله ابو فواز جمع بعض الشركات ضدي و ضد شركه عبدالعزيز
زفر عبدالله : الله يعينك ي اخوي وإن شاءالله ما تكبر المشكلة
محمد : الا صدق وش السبب ليش قلبوا ضدك
اعتدل بجلسته سلطان : يقول اني اسرق من رواتب الموظفين واستفيد منها
استغربت سلطانه إلي تو جايه : وش ذي الكذبه ي اخوي شركتنا معروفه من ايام ابوي الله يرحمه
سلطان: الله يرحمه ، لكن هاذي واضح منافسه بيني وبين فواز يبي يخسرني، عموما انا وضحت ل الشريكات عن ذي الكذبه وشبه صدقوا بس انا متأكد بيطلعلي مشكله ثانيه
طلعت الجده مزون تناظر عيالها: تراني اتصلت على عيالكم ، جايين بطريق لا تاكلون لين يوصلون
ضحك عبدالله: ترا حنا عيالك مهو هم
الجده مزون : كلكم غالين ، لفت ل سلطانه : البنات راحو
سلطانه : لا كانوا بيروحون بعدين يوم شافوا العشاء قرب يخلص كنسلوها ل بكره
الجده مزون : بكره وين حنا بنروح ل البر بعدين يروحون
وصلو العيال يسلمون على جدتهم ثم اتجهوا ل العشاء يتعشون وينامون بعد يوم متعب
_____
<<المركز الساعه ٣. >>
رفع يده يركزّ ب إنظاره على ساعته تنهد من شديد إنزعاجه من يومه الطويل إلي بلقوه خلص ، وقفّ يمشي بخطاه وهو يدعي ربّه مايلقى إحد من العساكر ويعطيه ملفّ أو مهمه حاليّا لأنه بَأشد حالات قسوة مزاجه ، طلعّ مفتاحه من بدّلة دوامه يضغطّ على أحد الأزرار ينتشر نور السيّاره بظلام المواقفّ مشى يركبّ سيّارته ويحركّها صوبّ قصرهم
—
نزل من سيارته يسوق خطاه للمدخل وهو بالكاد يشوف طريقه من الإرهاق ، يرقى للدور العلوي يفك أزرار بدلته تتسلل يده لقبّعته العسكريه ينزّلها عن راسه ينكشف شعره الكثيفّ ، فتح باب غرفته يشغل التكييف يترك اللمبات طافيه ويكتفي ب نورالسيب كونه بينام إساسا ، من بدل ملابسه يعلق بدلته العسكريّة يلي يزيّنها الإسم المُهيبّ « ذياب بن عبدالعزيز آل سعود » يحطّ قبعته بجانبه ، إرتخى جسده على السرير يدعي ربّه إنه ينام شوي قبل صلاة الفجر .
انتهى .........اتمنى تحطون نجمه اذا عجبكم البارت ⭐️( اعتذر منكم اذا اخطئت في الإملاء)
أنت تقرأ
تصيبيني بسهامك يا مترفة آل براق
General Fictionروايه تبدا قصتها من الأخوياء سلطان وعبدالعزيز إلي تفرقهم الايام بسبب كثر اشغالهم في شريكاتهم وتجمعهم حادثه جعلت ابنائهم إلي هم ابطالنا يتقابلون وينجبرون على شيء يغير حياه كل واحد فيهم
