المعالجة النفسيةو الوريث المكتئب🔥🖤(بالدارجة المغربية🇲🇦)قيد تعديل

part 4 💋

#زوجي💍الغريب🔥
#الأعداء❤ الأحباء💋
#بارت 4 🦋

تذكير
منكذبوش أنه جنات فسرات الموضوع مزيان ولكن كان غالب على صوتها نبرة الخوف...يعني و هي كتهدر و كتمتم و صوتها تيتهز لي خلا الأستاذ و طلبة يعرفو أنها مرتبكة و مخلوعة على أين قدمات مزيان وخلات أدهم مصدوم فيها و حال فمو

(بعد الحصة)
جنات:شفتي شنو دار هاد المتخلف...تفو تيسحاب ليه غادي يحشرني قدام الأستاذ ولكن مخليتوش ههه
نسرين:ههههه....ايوا دابا صافي سالينا الحصص شنو غنديرو
جنات: هيه..شنو غندير متلا..غنمشيو لدار ونراجعو هاد شي لي كتبنا..باش نڤاليديو..
نسرين: و جنات زعما يله بدات مدرسة وحنا بنيتات خاصنا حوايج و ميكاب جديد أو لا لاء...عفاك يله نخرجو..عفاك
جنات: نسرين متخلينيش نتعصب راه..
مكملتش جملتها حيت قاطعها هذاك صوت الحاد وهو تيقول: جنات طلعتي قراية ها...واخا باينة فيك مكلخة ونية
ليث:ههههه..واصاحبي مكتشوفش راها عورة دايرة نضاضر باينة فيها قراية..ههههه
أدهم:هههههه جنات..شحال هادو.. ربعة ولا جوج
جنات: هاد لبراهش هادو...سمعو انا معنديش لوقت لي غنضيعو مع براهش فحالكم...عطيوني تيساع
قالت جملتها ودارت ناوية تمشي فحالها هي و صحبتها ولكن وقفها داك صوت مرة أخرى وهو يقول
أدهم:اوووه...هاذيك لعورة شنو تيصحاب ليك راسك
جنات:ياكما تنشوف بعينيك وأنا مافراسيش
أدهم:هاي هاي قبيلا دايرة فيها متبتة ومرزنة قدام لمدير ودابا لسانك ولا طول من صاحبتك ماتنسايش راسك نتي شكون
نسرين:جنات متتسنعيش شي صوت فشكل...همم
جنات: اه بصح فحال...فحال
نسرين:اه بحال شي كلاب تينبحو.....ههههه
لبنات لي تفرشخو قدامهم بالضحك أدهم لي تعصب لدرجة عروق يدو ولاو بارزين و بقا مخنزر فيهم
نطق ليت وقال :اووه...حتا نتوما صحاب لمنحة وليتو تطاولو على سيادكم أل***
نسرين لي بغات تجاوبو وتسمعو خل وذنيه ولكن قاطعها هاذاك صوت الأنثوي الرقيق لي قال:جنات هاذي نتي توحشتك بزاف..أشنو كديري هنا؟
جنات لي تصدمات و فرحات ملي سمعات هاذاك صوت وشافت هاذاك لوجه من بعد 8 سنين اه كانت صديقة ديال جنات المقربة سلمى...سلمى واحد لبنت لي ظريفة و زوينة ومحبوبة ولكن غبية لواحد درجة لي ميمكنش المهم عنقاتها جنات وحتى نسرين ما إن كانو باغين يمشيو حتا قاطعهم هاذاك صوت رُجولي الحاد وهو تيقول:جنات حبيبة ماتنسايش ليوما بليل...ماتعطليش عليا تنتوحشك 💋
جنات(بغضب): كيفاش واش نتا حماقيتي ولا مالك؟
نسرين لي استغربات من لجملة لي قال
أما سلمى فكان باين علا وجهها ملامح صدمة وشك...اه شكت بلي جنات البنت المرضية و المتدينة ولي والديها تيخافو عليها.....تكون فعلاقة محرمة معا شي واحد
أدهم لي اقتارب لجنات بخطوات جريئة وحط يدو على كتفها يمين وقال:اه حماقيت من نهار شفتك...هاذي 3 سنين وانا حمق فحبك أحبيبة جنات❤

جنات لي محسات براسها حتا لقات يديها كاملة مُكورة فوجه سي أدهم
جميع طلبة لي كانو تما شافوها وهما مستغربين تيقولو أويلي؟...كيفاش؟...شكون هادي؟...واش مكتعرفوش؟...
أدهم لي وقف فحال صنم مصدوم من فعلتها
شافيها بواحد شوفة لي خلاتها متوترة ومخلوعة منو كتر ما كانت معصبة...ادهم قرب ليها وهو معصب عروق يدو بارزين..عينيه حمارو من شدة الغضب...حياتو كاملة وناس ضاربة ليه ألف حساب وحساب وفلخر تجي وحدة وتحشمو قدام طلبة و الأساتذ لا لا ميمكنش يدوزها ليها (لا أمبوسييي😂)
أدهم زاد قرب لجنات اكتر من اول ونزل حدا وذنها وقال بصوت رجولي حاد:غادي ندمك...غتمناي الموت ومغتلقايهاش..سمعتي أ حبيبة ج...ن...ا...ت
جنات تجمدات فبلاصتها ومنطقاتش بحتى حرف
أما ادهم تخطاها و مشا و تبعو ليث وهو مصدوم

نسرين:يا ربي بغيت غير نعرف واش هادي مدرسة..ولا مستشفى المجانين..مالكم تتشوفو عمركم شفتو بنادم....دخلو سوق راسكم...يارب سلامة
جنات:ننننسريين..نسرين سسكتي بغييت نممشي عفاااك..يله عفاااك
سلمى:اويلي..جنات مالك على الحالة...جنات واش تتسمعيني..جناات

جنات لي صدماتهم للمرة تانية وسخفات ليهم تما
ولكن هاد لمرة نسرين متصدماتش...المهم حاولو لبنات يفيقوها وفاقت ومشات نسرين و جنات لدارهم و سلمى حتا هيا

09:00 PM
نسرين: دابا كيف بقيتي شوية...جنات عفاك دوي معايا ..متخلينيش مخلوعة عليك
جنات(ببكاء):نسرين.. ماقاداش تنحس براسي مخنوقة عفاك غير خليني دابا...من بعد وندويو عفااك
نسرين: واخا يله نعسي...تصبحي عل  خير

فواحد لغرفة شبه مظلمة وباردة كان تيتسمع صوت طقطقات قوية...كان أدهم تيتمرن او نقولو كان تيفرغ الغضب ديالو فتمارين القاسية

ياترى علاش أدهم قال ذاك لكلام؟
واش غادي يعاقب جنات؟وعلاش سلمى شكت فصحبتها؟

فراشات يا لفراشات 🦋🫶
نتمنى يعجبكم هاد لبارت من رواية الأعداء الأحباء
بدلت اسم و صورة رواية حيت حسيت بلي ملايقش عليهم قولو لي كيف جاوكم و قولو لي واش عجبكم البارت وشخصية سلمى الجديدة؟
كنلوڤويكم❤
متنساوش نجيمات⭐وكمنطيرات 💬
722 كلمة 🍉