ما لم يكُن بالحِسبان

البارت الاول

#ما_لم_يكن_بالحسبان

الكاتبة لوزة علي

لتنسون التصويت +متابعة الحساب +التعليق بين الفقرات

Insta:2loza_ali8

★★★★★★★★★★★★★★★★★★★

"لقد واجهت في حياتي العديد من المشاكل التي لم تحدث أصلا".

★★★★★★★★★★★★★★★★★★★

<{ آمنة}>

بين ما آني نايمة ومستمتعة بالنوم رن المنبه مخلية اغنيتي المفضلة
عود حتى أگعد صرت حتى اغنيتي المفضلة
اكرهه من المنبه
گعدت اليوم نشيطة مع العلم آني ما احب اكعد الصبح
بس اليوم اول يوم مدرسة وحماس وأخيرا راح اشوف صديقاتي كلش مشتاقتلهن

ماما: آمنة گعدي گعدي الساعة بال6 ونص

:-اي ماما گاعدة هسه اجي بس أبدل

:-ها اليوم نشيطين وكذا

:-أي لعد غير اليوم أول يوم دوام متحمسة كلش مشتاقة الصديقاتي

:-تمام حبيبتي بدلي وتعالي سويتلج ريوگ

اوك جايه اكلت ولبست اجه ابو الخط مالتنه ووصلنه للمدرسة
وهناك التقيت بنت عمي منار وحضنة بعض بالباب والكل ضل يتفرج علينة

آمنة:شلونج ولج شخبارج مشتاقين

منار:الحمد الله والله حتى اني مشتاقتلج

آمنة:راح تبدي السنه شنو رايج نسوي تحدي منو تطلع معدل أعلى

مناو:اممم يلا اوكي ماكو مشكلة

وبعدهه بدة الاصطفاف طبعا اني حاليا خامس علمي وبلش المدير يلقي
خطاب السنة الجديدة وشلون لازم نكون
منتبهين
لدروسنة ونجيب درجات عالية وتفاجأت
من انطة
مثال عالبنية المؤدبة والشاطرة وذكر اسمي بينهم

والكل توجهت نضراتهم عليه كلش خجلت لكن بنفس الوقت كلش فرحت

خلص الاصطفاف وانسحبوا الطلاب للصفوف وهناك
شفت صديقاتي زينة ودعاء وبنين وشروق چانن متجمعات
اول ماشفتهن فرحت ورحت يمهم وسلمت عليهن

شروق: هلاو عيني شلونج

آمنه: الحمد لله بخير

دعاء :شهالجمال طالعه تخبلين

:-حبيبي جمال عيونج

زينة: بنات والله مشتاقتلجن چنت دائما بالعطله اتذكر سوالفنة واضحك

بنين: أي وعلي حتى اني واتذكر موقف من شروق
سوت بينه مقلب عود راح تبطل شگد بچينه بس بعدين
طلع مقلب وزاعلناهه كلنه