*ممكن تليفونك اعمل مكالمة ؟!
..اه اتفضلي
مسكت التليفون وانا عيوني مليانه دموع وقعدت ارن عليه بس ببساطه مش بيرد مشيت وانا هم الدنيا كله علي كتافي..
..يا انسه يا انسه
وقفت وبصيتله ..
..التليفون ؟!
*اه اسفه اتفضل ...
اديته التليفون ورحت قعدت علي البحر هوا الوحيد اللي بيسمعني ولو كان ليه لسان كان اشتكي مني ...
*شوفت يا بحر شوفت اتخلي عني زي كل الناس طول عمري لوحدي بس لما قابلته حسيت ان ربنا عوضني بيه بس طلع زي كل الناس وسابني ..
..صدقيني ما يستاهلش
بصيت ورايا لقيته نفس الشخص ..
..ممكن اقعد ؟!
*ما انت خلاص قعدت
..انا اسف اني اتطفلت عليكي بس العيون دي مالهاش تزعل
*اه انت جاي تستظرف بقا
..صدقيني لأ انا عايز اساعدك ..
*تساعدني ازاي ؟!
..اسمعك صدقيني لما بنتكلم بنرتاح وانا واحد غريب وهاتحكيلي وترتاحي ومش هاتشوفيني تاني.
بصيت له وسكت..
..طب بصي انا هاحكيلك ونشوف انهي قصه تستاهل
*وانا جايه عشان تصدعني
..اشتري مني
*احكي ..
..بصي يا ستي انا اولا اسمي عمار عندي 24 سنه من كام سنه حبيت بنت جدا كانت معايا في الجامعه كنت بعشقها ما كانش يومي يبقي ليه طعم من غيرها من غير ما اشوف عينيها اللي بتسحرني كانت جميله بكل معني الكلمه بس انا ماحبتهاش عشان جمالها حبيتها عشان ضحكتها وجنانها اللي جننوني انا اكبر منها بسنه كنت بشوفها حبيبتي واختي وبنتي وكل حاجه حلوة في الدنيا كنت بشوفها العوض من ربنا ..
*لحد كده ما فيش حاجه؟!
..ما انا جايلك في الكلام اهو
*تمام كمل..
..انا الحمد لله ربنا فاتحها عليا غني في يوم كنت سايق عربيتي وعملت حادثه بس كانت صعبه جالي شلل مؤقت واتعميت اول ما فتحت عنيا وماكنتش شايف حاجه وماحدش كان جمبي استنيتها تطمني وتقولي انا جمبك انا موجودة بس للأسف مالقتهاش انا والدي ومامتي متوفيين كنت لوحدي فلوسي مانفعتنيش ولا خففت جرام من تعبي ولا من خنقتي اللي كنت حاسس بيها ولانورت الضلمه اللي كنت عايشها كنت مستنيها تقف جمبي سابتني اكتشفت انه حب خادع ماينفعش يتسمي حب بعد شهور من دماري النفسي والبدني اكتشفت ان انا لازم ابقي قوي عشان نفسي ماتستحقش مني كده انتظرت كتير اسمع صوتها بس ماحصلش كنت بموت من غيرها بس ماهمهاش حاولت بكل اراده وعزيمه عشان ارجع واقف علي رجلي واقولها انك خسرتيني وماكنتيش تستحقيني عملت عمليه في عيني وربنا اراد لي اشوف النور تاني اراد مايحرمنيش من كرمه انا اتعشمت فيه وجبرني وست شهور وانا بتحسن مع العلاج والعلاج الطبيعي لحد مارجعت لوضعي الطبيعي ...
