...: كم مره قلت لك تطلعي العلك ؟ اطلعي برا
هيلين: انا؟!
الدكتوره: ايوا انتي اطلعي برا وتعلمي الاحترام مره ثانيه قبل تدخلين الكلاس
طلعت هيلين وهي متفشله من الموقف اكثر مماهي معصبه
هيلين:يع هي ليش عينها علي هذا وانا قاعده اخر شيء مافي شيء اسويه محاضرتي الثانيه باقي عليها ساعتين ارجع البيت ولا انتظر؟ ولا افضل اني امشي واحرق السعرات الي اكلتها الصباح اي صح افضل
دارت هيلين بالجامعه وشافت بنت قاعده بزاوية وحاطه سماعه جذبها شكلها وحست انو تبي تتعرف عليها بما انها حتى هي وحيده
رحيل لنفسها: مخليه لهم الكراسي ونشبو لي حتى بالارض
هيلين لنفسها: احسها تضايقت اقوم ولا اكلمها؟ بجرب حظي واكلمها يارب ماتفشلني يكفي الدكتوره فشلتني
هيلين: هلو كيفك؟
رحيل: ياصبر الارض مو بخير شتبين
هيلين وهي منحرجه: بس شفتك قاعده لوحدك قلت اتعرف عليك
رحيل: قلت لك ابي اتعرف على احد ولا جبهتي مكتوب عليها تعالي تعرفي علي!!
هيلين :معليش ازعجتك . وقفت بتروح
رحيل بعد مااستوعبت انها كانت وقحه: مو مشكله اقعدي
هيلين رجعت تجلس
رحيل :ايش اسمك؟
هيلين: هيلين وانتي؟
رحيل: رحيل
هيلين:اسمك حلو ومعناه واضح مايحتاج ابحث عنه ايش تخصصك وكم عمرك خلينا نصير صديقات مااعرف احد بالجامعه
رحيل:قلت لك اقعدي مو تكلمي ياكثر كلامك
هيلين: جاوبي على اسئلتي
رحيل: ادارة اعمال 20
هيلين :اكبر مني بسنه توقعتك اصغر
رحيل: وانا توقعتك بنت دكتوره وجابتك معها الجامعه وضعتي منها
هيلين: ماتضحكي على اي حال تخصصي اداره عامة عطيني رقمك
رحيل: ماسالتك ومافيني فضول اعرف
هيلين: قلته لان ابي اقول ماانتظرك تساليني. سحبت الجواب من يد رحيل واتصلت على نفسها ورجعت الجوال لها
هيلين:باي ياقلبي اشوفك بكرا بروح امشي على بال ماتبدا محاضرتي
رحيل بعد ماراحت هيلين ابتسمت:ليه حسيتها شخص لطيف ؟!!
بمستشفى الجامعة....
....: وينك امشي نطلع نتقهوى
ايلان:لسا باقي لي موعد اخلصه ونطلع
تارا:تمام بنتظرك بالكافيه الي تحت الحقيني لمن تخلصي
ايلان: تمام
دق الباب اول ماقفلت ايلان من تارا
ابتسمت ايلان:تفضلي اجلسي كيفك من بعد اخر جلسه
رحيل بعد تفكير: يمكن اني افضل من اول بس باقي ماحصلت سبب يخليني اكمل
ايلان:يمكن لو توقفي ترفضي الي حولك تحصلي سبب
رحيل:اول شيء هم الي يرفضوني بالمقابل ليه اوقف بالنهايه بينتهو زي كل شيء من البدايه ارفض واريحني واريحهم من النهايات
ايلان: محد يرفضك قاعده تتوهمي هذا الشيء الحياه ماتمشي كذا يارحيل تحتاجي احد جنبك والنهايه لا بد منها كل شيء بينتهي بس على الاقل فتره من حياتنا تكون حلوه افضل من حياه ساده ونهايه حتميه
رحيل بعد تفكير: كوني الشخص الي بيكون جنبي مااحس برفضك لي زي كل احد بحياتي
.........................
تارا تتامل قهوتها وتفكر بالشخص الي تشوفه يمشي طول الوقت بنفس الوقت ايلان كانت تمشي جهتها وعقلها بمكان ثاني
ايلان جلست جنب تارا :لو مريضه عندك قالت لك تصيري صديقتها ايش راح يكون ودك؟
تارا باقي بعالمها دقتها ايلان عشان ترجع للعالم الحقيقي
تارا بعصبيه خفيفه: الله يلعن شيطانك خربتي افكاري المهم انك سالتي الشخص الخطأ بس اذا تحسي تبي ليش لا ايش المشكله ومو راح تقدري تفهميها افضل لمن تكوني اقرب لها استغلي الفرصه.
ايلان بتفكير: بس اخاف يصير بينا شيء وتوقف العلاج وتوقف تجي عندي ماتحسي لازم حدود بين المريض والدكتور؟
تارا:مشكلتك تفكري كثير ماراح يصير شيء ولاتفكري بالمستقبل من الحين المهم انا راجعه البيت اشوفك بكرا .
وهي تمشي لسيارتها لمحتها تمشي للمره المليون
تارا لنفسها:ليه دايماً اشوفها تمشي شكلها مرهق .
ركبت سيارتها وقربت جنبها فتحت الشباك
تارا وهي تناظرها:بترجعي مشي؟
