عند ريهام بعد ماقفلت ليا ابتسمت وهي تتذكر الي صار
بعد ماطلعت من بيت ليا كانت تحس بحراره ونبض بمنطقتها ركبت سيارتها وحاولت تسيطر على نفسها ومع ان بيتها قريب بس حست المسافهه طويله جداً
اول ماوصلت البيت جرت لغرفتها قفلت الباب بالمفتاح و .....
جاها نعاس من التعب والجهد الي سوته ونامت
ولمن صحت ماوقفت تفكر ب ليا واتصلت عليها
ريهام: مو طبيعي كيف جذبتني بذي السرعه
..................
وقفت مشي وطلعت الدخان ولعته وبدات تدخن خلصت نص البكت كانت بتكمل بس اتصلت تارا عليها
تارا:وينك الحين تجي طولتي
هيلين:اوكي الحين جايه قربت من البيت
تارا : انا عند الباب انتظرك. وقفلت
عند هيلين:نسيت العطر الحين ايش اسوي ريحة الدخان لصقت فيني اففف مافي حل غير اني احاول مااقرب منها. شافت بسه صغيره مره بنص الشارع خافت سياره تدعسها قعدت عندها تنتظر ام البسه تجي وتروح
عند تارا كانت تنتظر عند باب البيت وكل شوي تشوف الساعه كانت خايفه هيلين يغمى عليها او احد يسوي فيها شيء مرت ربع ساعه من دقت لها وقالت انها قربت من البيت رفعت جوالها تبي تتصل عليها بس لمحتها جايه وبيدها شيء ماشافته كويس
تارا بعصبيه:تاخرتي ربع ساعه وين كنتي
هيلين مدت لها البسه:كنت انتظر امها بس ماجات وخفت احد يدعسها او يضربها ف اخذتها عادي صح؟
تارا:اخر مره تطلعي بذا الوقت امشي ادخلي ريهام جايه بعد شوي
هيلين دخلت وهي مطنشه كل كلام تارا وتلعب مع البسه الي بحضنها
تارا دخلت وراها وقفلت الباب بقوه و رمت نفسها على الكنبه
تارا بصوت واطي:بزر مخليتني اخاف عليها عشان بسه حتى مافكرت تتصل وتقول .حست احد واقف قدامها رفعت عيونها حصلت هيلين
هيلين تحط البسه بحضن تارا:بطلع اتروش واغير ملابسي واجيكم
تارا ماردت طلعت هيلين وتارا بعدت البسه من حضنها وحطتها بالكنبه
اتصلت عليها ريهام وقامت تفتح الباب
ريهام تدخل وترمي جزمتها جنب الباب
ريهام:فاتككك ياتارا شفتت اليوم تحفه فنيه اههه تجنن صورتها انتظري بوريك بس قهر كانت مغمضه عينها ماامداني اصور عيونها .وفتحت جوالها على الصوره ومدته لتارا
تارا وهي تكبر الصوره على وجه ليا:مين هذي ؟
ريهام تجلس :بنت صحبة امي اهخخ وقعت لها هذا الحب من اول نظره
تارا رجعت لها الجوال وقالت بمزح:مين يلومك حلوه حتى انا وقعت لها
هيلين كانت نازله وسمعت اخر شيء قالته تارا حست بضيق بس سوت انها ماسمعت وعادي لان مين هي عشان تتضايق وتغار
