تشعل النيران

الجزء الخامس

صبرك على الشدائد مهاره تستحق التقدير تذكر دائما (ان مع العسر يسرا) وان الفرج يأتي بعد الضيق والنجاح بعد الفشل
________________________________

تنظر اليها ملاك ببرود شديد وتقول.وهنسقر هناك بعد كده
تنزل علي سناء الصاعقة الاخره وهي تستمع لهذا الحديث وتقول بصدمه شديده.انتي بتقولي ايه
تبتسم ملاك بجمود شديد وتقول.اللي هيحصل
سناء بغضب شديد غير مبرر لجميع عادة ملاك.وانا مستحيل اوفق علي الكلام ده احنا هنفضل هنا طول عمرنا ومش هنتحرك بره المانيا خلاص
تبتسم ملاك ببرود شديد وتعود بظهرها الي الخلف ويقول كيان وهو ينظر إلي سناء.في ايه يا ماما الموضوع مش مستهل كل الزعيق ده
تنظر اليه سناء وتقول بصوت عالي.هو ده اخر كلام مفيش حد فيكم هيسافر مصر طول ما انا عايشه
مكه بغيظ شديد.ليه بس يا ماما احنا مصريين علي فكره وانتي عمرك ما خلينا نسافر هناك خالص ليه كده يعني الغريب واللي من بره البلد يستمتعوا بيها وانا بنت البلد مش قادره اشوفها مره واحده علي الأقل
تنظر سناء الي ملاك التي تتبع بجمود شديد وتقول.مفيش سافر لمصر يا ملاك
تنظر اليها ملاك ببرود شديد وتقول ياسمين بهدوء شديد.بس احنا عندنا شغل مهم هناك يا ماما ولازم نسافر اليومين دول
تنظر اليها سناء وترمي كأس الماء التي امامها علي الارض وتقول بصوت عالي.وانا قلت مفيش نزول لمصر حتي لو اتفقلت الشركه دي عادي فاهمين ولا لا
يتصدمون الجميع من افعلها التي لم يرونها في حياتهم عادة ملاك التي ابتسمت ببرود شديد وتبتعد يدها التي بها كأس العصير عنها قليلآ وتتركها من بين يدها ببرود شديد ينظرون الجميع اليها وتضع ملاك قدمها علي الطاوله وتقول ببرود شديد.براحه علي نفسك شويه يا سناء وبعدين الشركه اللي عايزها تتقفل دي انتي متعبتيش فيها لحظه واحده لو كنتي تعبتي مكنتيش قولتي الهبل ده واذا هنسافر مصر او لا دي قراري انا ومش من حق حد يتكلم كلمه واحده
سناء بغضب وصراخ عالي.بس انا امك والكبيرة هنا يا ملاك وانا اللي اخد القرار وقلت ان مفيش حد فينا هيسافر مصر وبس كده
تضحك ملاك بقوه كبيرة وترفع وجهها الي الاعلي وتنزل قدمها وتقف وتضع يدها علي الطاوله وتقول بضحك شديد.اه الكبيره اتصدقي كنت ناسيه حاجه زي دي
وتتغير نبرة صوتها وتقول بصوت عالي.كبيره علي نفسك يا سناء احنا هنصيع علي بعض ولا ايه واذا كان علي السفر لمصر احنا هنسافر بعد بكره حضروا نفسكم ومش عايزه اسمع كلام كتير في الموضوع ده
ينفخ كيان ويقول.ملاك اهدي شويه علشان نعرف نتكلم
تنظر اليه ملاك وتقول بجمود شديد وهي تذهب.مفيش كلام تاني بعد اللي قولته جهزوا نفسكم علشان هنطلع بكره بليل
تنظر خلفها سناء وتمسح علي جبهتها وهي تفكر في عدة أشياء ينظرون اليها كيان ومكه وياسمين التي قالت وهي تضع يدها علي كتفها.ماما انتي كويسه
تنظر اليها سناء وتقول بتعب شديد.ودوني اوضتي محتاجه ارتاح شويه
ينهض كيان ويضع يده علي رأسها ويقول.مالك يا ماما انتي تعبانه نجيب الدكتور
تنفي سناء برأسها وتقول.لا يا كيان بس وديني اوضتي عايزه انام الوقت أتأخر اوي
ينظر كيان الي ياسمين التي رفعت كتفها بعدم فهم وينظر الي سناء ويحملها ويذهب بها الي غرفتها تنظر ياسمين الي مكه التي قالت بحماس شديد.اخيرآ هسافر مصر لا وكمان هعيش فيها حلمي هيتحقق اخيرا الله ان
قطع كلامها ياسمين التي رمت عليها الملعقه وقالت بغضب.هو ده اللي فارق معاكي يا حيوانه والبيت بيولع قدمك عادي
تنهض مكه وتقول بصوت عالي وهي تضع يدها علي خصرها.وهو من امته والبيت ده مكنش والع يا ياسمين ومن امته وملاك وماما بيتفقوا مع بعض بس احسن حاجه أن كلمه ملاك هي اللي هتسير في اخر ودي اول مره اوفق مع قرار من قرارت ملاك بجد شابو ليها قرار فظيع وفي محله كمان
تنفخ ياسمين بقوه كبيرة وتقول.روحي يا مكه روحي يا حبيبتي انا غلطانه اني بتكلم مع واحده زيك
مكه وهي تذهب.ايوه صح انا لازم اجهز هدومي وكل حاجتي علشان منساش حاجه يلا تصبحي علي خير
تتنهد ياسمين بقوه كبيرة وتنظر خلفها وتنظر أمامها وتقول في داخلها.من امته ملاك وهي بتفكر تسافر مصر دي عمرها ما قالت انها بتفكر حتي في الموضوع ده ولا حتي بتحب انها تسافر ايه اللي حصل دلوقتي علشان تقرار انتا نستقر في مصر دلوقتي
وتبقي ياسمين يشغلها التفكير في هذا الموضوع والتي لا تعلم لماذا ملاك تصمم علي تنفيذ هذا الآن فما التي تفكر به ملاك وماذا التي تفعله آلان