جميلة و المشوه

الفصل (2)

ام اسعد  _  شنو كلتي انزوجة
ولچ يمة من صار الحادث الحد الان ما يقبل ايشوفة
بشر بلكوة قبل يمتحن ثالث أو سادس خارجي
أو انت تكليلي زوجو

جميلة _ انا قصدي لو زوجتو ايجوز يتغير
ايجوز المرة تخلي يختلط بين الناس
وتشجعة

ام جميلة _ ولچ يمة لو المرة تغير
چا غيرت مريم طبع اخوچ ابو طبع ما يبدل طبعة

جميلة _ يمة وضع قيصر مو مثل حسن
قيصر الي صار ويا صدمة
خلتة يعتزل الناس أتذكر قبل من چان صغير
ويجي يلعب ويانة بالمزرعة شكد چان حرك
أو وكح أو يكون صداقات ابسع وية الناس
بس بسبب الي صار وياه انا اشوف اتزوجونة
ابت الحلال التناسبة وتقبل ابوضعة

ورة ما خلصت كلامي اباوع على الحجية ضلت
بس صافنة علي
انا استغربت كلت شبيه ورة شوي ابوي صاح علينة

ابو جميلة _ شنييبيييي وين الغدة الحجي جاع

ام جميلة _ ان شاء الله هسة احطن غدة من عيوني

........................................................................

رجع ابو اسعد أو زوجتة لبيتهم بالمدينة
لاحض ابو اسعد زوجتة بس صافنة

ابو اسعد _ شبيج حجية عليش هل صفنات

ام اسعد _ لا هيج ماكو شي بس جميلة حطت براسي سالفة أو ضليت أفكر بيه

ابو اسعد _ يا سالفة ؟

ام اسعد _ كلتلي ليش ما تزوجون قيصر

ابو اسعد _ شلوووون نزوج قيصر
هو الي وضعة مثل قيصر مال زواج

ام اسعد _ حتى انا كلت هيج بس قنعتني بكلامه
كالت يجوز من يتزوج المرة اتغيرة
وتبدل أحوالة

ابو اسعد_ صح كلامه المرة الهة
تاثير چبير على الزلمة
بس انا وياچ نعرف قيصر ما راح يوافق
على الزواج

ام اسعد _ انحاول انقنعة

ابو اسعد _ لو كدرتي قنعيه

وصل ابو اسعد أو زوجتة البيتهم

ايعيش وياهم احفادهم اثنينهم
بعد ما توفو ابوهم أو امهم بحادث
قيصر عمرة 22 سنة أو سيف عمرة 10سنوات
ويعيش وياهم ابنهم علاء أو زوجتة مها
عدهم بنية اسمه رسل عمره 22 أو ولد اسمة محمد
عمرة 10 سنوات

أول ما دخلو للبيت ركض ناحيتهم حفيدهم
سيف أو حضن بيبيتة

سيف _ بيبي ليش ما خذيتوني وياكم