(جميلة )
اول ما سمعت مريم هيچ كالت سديت التليفون
ابوجه من الاحراج
اباوع على قيصر گوة كاتم الضحكة
أو داير وجه للجهة الثانية
يا ربي شنو هل احراجات من امس لليوم
ما خلصت أو عود ليش
ياهو اليشوف العرسان يسئلهم
اشسؤؤ ابليلة عرسهم شنو هل فضول
ورة ما قفلت الخط ابوجه مريم
اتصلت علية مرة ثانية
سديتة ابوجه
قيصر _ نرجع للفندق لن راح ايئذن الضهر
جميلة _ اي نرجع
(قيصر )
أو احنة راجعين للفندق اباوع على جميلة
أو هي تباوع لمدينة الالعاب
قيصر _ هاي مدينة العاب السندباد
جميلة _ اول مرة اشوفه
قيصر _ صدك اول مرة
جميلة _ اي لن احنة ساكنين بالفاو
أو تدري هي ابنهاية البصرة
بعيدة فما نجي احنة أو اهلي للمدينة
قليل حتى الكورنيش اول مرة بحياتي
اجي اشوفة اليوم
قيصر _ ماكو مدينة العاب بالفاو
جميلة _ اي اكو بس امي ما چانت تقبل
نروح ابحجة تخاف علينة
(قيصر )
كسرت خاطري من دريت بيه ولا مرة
بحياته داخلة مدينة العاب
ضلت تباوع على المدينة
مثل الطفل
مع انو انا ما احب الاماكن
المزدحمة بالناس
بس كسرت خاطري
قيصر _ تحبين انروحله
جميلة _ صدك والله
قيصر _ اي عادي نروح بس مو هسة
باليل
جميلة _ خوش
(جميلة)
رحنة رجعنة للفندق شفت مرة چبيرة صاعدة
بالمصعد گتله خالة اريد تربة أصلي عليه
گالت عدي أو فعلاً راحت أو اطتني تربة
رجعنة الغرفتنة اتوضيت أو لبست
البرنص مال عرس أو صليت بي
بعدين قيصر صلى ورة ما خلصت
جميلة _ تقبل الله
قيصر _ منا ومنكم
جميلة _ قيصر انت شكد عمرك من التزمت بالصلاة
قيصر _ بعدني الحد الان ما ملتزم بصلاتي
جميلة _ صدك ليش ؟
قيصر _ يوم اصلي أو شهر ما أصلي
ما اعرف ليش يعني مرات اگول الله اخذ
مني اهلي أو ما بقى عدي شي
مرات اگول لازم أصلي علمود اذا
بيوم من الايام متت اروح يم اهلي
بالجنة لن همة چانو ملتزمين بصلاتهم
أنت تقرأ
جميلة و المشوه
Romantikقيصر شاب تعرض في طفولته لحادث خسر بسببه والديه و اخته وشكله مما جعله يعتزل الناس ويفقد ثقته بنفسه يرمي القدر اليه جميلة الجميلة فهل تستطيع ارجاع ثقته بنفسه وتخليصه من عقده النفسية
