جميلة و المشوه

الفصل (5)

بيت قيصر بعد ما خلصو غدة وچانو يشربون چاي
راد قيصر يصعد لغرفتة

ابو اسعد _ قيصر ضل هنا عندي موضوع وياك

قيصر _ اذا على الحسابات و الملفات اليوم باليل
اخلصهن ان شاء الله

ابو اسعد _ لا الموضوع ابد مو يم الشغل غير شي

قيصر ضل يباوع لبيبيتة
هي اشرتلة بعيونه بمعنى اگعد

ابو اسعد _ انت شنو رايك ابجميلة

قيصر اتفاجئ اخير شي اجة على بالة
يسئلة جدة على جميلة

قيصر _ جميلة !

ابو اسعد _ اي جميلة

قيصر _ ما بيه شي خوش بنية

ابو اسعد _ ما دام خوش بنية نخطبه الك

قيصر _ شنووووو ..... لا جدو لا شتخطب ما تگلي
انا ويني وين الزواج

ام اسعد _ ليش شناقصك أو ما تتزوج

قيصر _ مو قصة ناقصني شي بس بعدني صغير
توني عمري 22

ام اسعد _ يمة احنة نريد انشوف يوم عرسك
قبل ما نموت

قيصر _ عمرچ طويل بيبي لا تگولين هيچ

ام اسعد _ لا يمة هاي الدنية فوت أو موت
أو احنة نريد نطمئن عليك

ابو اسعد _ المراة بحياة الزلمة شي مهم
أو لو تزوجت راح تعرف قيمته

قيصر _ بس انا ما امفكر بالموضوع هاذ كلش

ابو اسعد _ ادري انت بعدك بس البنية
مثل السلعة الزينة بالسوگ اذا ما لحگت
عليه يشتريه غيرك
أو جميلة خوش ابنية احنة نريد
نخطبه الك قبل لا احد يخطبه

فكرت ابحچيهم أو ما انكر اعجابي ابجميلة ذاك اليوم مع انو انا ما حاط فكرة الزواج ابرأسي

قيصر _ مثل ما تردون

ام اسعد _ يعني موافق

قيصر _ اي بيبي اموافق

ابو اسعد _ على بركة الله نروح باچر نعقد

قيصر _ شنو السالفة غير اتخطبون البنية بالبداية
تاخذون رايه اتوافق لا

ام اسعد _ يمة موافقين البنية أو اهله

قيصر _ هااااا ..... يعني خاطبين البنية قبل
لا تسئلوني