🔥💖وهبتك نفسي🔥💖(بلهجة الجزائرية)

بدايتي 🤍🤍

نضت صباح رايحة للجاميعة اما انا مهدودة و نعسانا ميتا راح تقولو علاه لانو ماما و بابا طول ليل متعاركين لانها لقاته يخونها مع اسف مش جديدة  و انا نحوس غير نغم روحي لانو انا  مليت حياتي كاملة غير عنف عييت من نفسي من روحي من اي حاجة مننكرش انو عندي جزء ضاوي في حياتي رح تتعرفو عليه 

بدلت لبست دجين نواغ و تريكو نواغ كسرتهم ببلازاغ غوز كلاغ لانو نهار باي 

ماريا : طفي ضو 

انا : نوضي مابقا حال 

ماريا: ني نايضة فهاد دار مكان راحة ياريت نموت و نتهنا 

انا قعدت نشوف فيها و نخمم كون وحدة فينا تموت شراح يتبدل زعما لي تبقا راح تتهنا  قربت منها و تنهدت تنهيدة لي يفهمها راح يعرفها عنقتها : ماريا يا قلب اختك شجاعتي بيك خليني نكمل لي بديت فيه و نخليك تعيشي لحيات لي تسحقيها انت و لي باغيتها و حتا واحد ماراح يجبرك تعيشي لي مراكيش باغياته 

ماريا : انا تعبت رغم سني تعبت حتا نوم لنهربو منه مكاش معدناش ..... مجبورين نعيشو هكا ؟؟؟

انا : ايه مجبورين منروحوش من متوسط للادنى وعد 

ماريا : انا مصدقاتك و عارف يجي نهار و نرقد هانية و نوض هانية 

انا:....... قاطعتنا ماما :هيا تحركو منقعدش لهيا بيكم ولا بروحي حتا انا كرهت 

ماريا : خليني نروحو مخصناش شكايات 

خرجنا في رحبا وصلتها وكملت طريقي ندي طاكسي حتا حسيت انو واحد جبدني ليه محسيت بروحي حتا طبقت فنوني قتاليا (تعلمتها من يوتوب )ضربتو فمنطقته حساسة 

مصعب : هبلتي نتي مراكيش كامل تاع رمنس و حنانة 

انا : ياعمري والله سمحلي حسبتح واحد باغي يخطفني نعيش حيات الوردية معاه هههههههه 

مصعب : نتي تاعي معامن حابة تعيشي 

انا : تغير عليا ويااااا حكمتك 

مصعب : ديلارا رانا برا حشمي ..... وين بيها 

انا : وين نهرب باينا 

مصعب : حاب نطلب منك طلب.... راني حاب نجي نخطبك امااا عندي شرط

انا : انا نحبك و نموت فيك اما هضرنا و قتلك مزال حابة  نامن حياتي و حياة اختي و ماما راهم في رقبتي 

مصعب : و انا ديلارا .... وينتا تخمي فيا وينتا تعطيني وقت مش مهم في حياتك انا ؟؟؟

انا : انت اكثر واحد لازم عليك تتفهم وضعي راني ضايعة و تاعبة والله عييت تواحد مراه يفهمني ولا يحس بيا علاه 

مصعب : انتي انانيا تخمي غير في روحك و عايشة حياة الوردية 

في لحظة سكت ملقيت منقول لي عرفته حتا حبيب عمري و صديقي محسش بيا علاه ياربي 

مصعب : انا عييت عييت كل منقرب خطوة ترديني عشرة علاه راكي ديري هكا 

ساكتة انا نهضر بيني بين روحي نحبك اما عندي وعد يلوكان نضحي بنفسي و بروحي علاه يادنيا علاه ارحميني خليه يحس بيا ....... حتا نحس بيه جبدني لزنقة فارغة حسيت بيه يديه دافيين غير معاه نحس بالامان قرب مني حتا حسيت بنفس سخون على وجهي 

مصعب: نحبك انت ليا يلوكان نستناك حياتي كامل وحتا اخر نفس ليا انت اولى بيه انا معاك انا خايف نخسرك نخسر فرحتي الوحيدة من بعد امي انت غجريتي انا منسمحش هم الدنيا يمحيلك برائتك و حبك للحياة و طفولتك 

انا مسكرة عنيا وساكتا ودموعي نازلين يحرقو فيا دموعي لي عمرهم ولاطفو ناري و كرهي و طموحي بلعكس دايما نخليهم قدوة باش ناخد قرار لاول مرة كلمات يخونوني  قاطع تفكيري شفافه دافيين على شفافي قلبي حب خرج من مكانه 

انا : مصعب عمري خليني نروح منحب نتكلم منحب نبرر عييت 

صضيتو و رحت مقدرتش اني نواجه كلامو او نصدقو لاني تعبت من الناس تعبت من كذب غدر والخيانة....... مرانيش حابة نضلمو معايا.......... تفكيري قطعني محسيتش بروحي لين وصلت للجاميعة بحكم قريبة لنا مش بعيدة  .........ساعات انا نقرا و تفكيري بعيد تفكيري في اختي تتمنا الموت و هي مزال صغيرة ......كملت  دراسة ليوم خرت شديت تاكسي لدار 

حليت باب ماما : هادي انت حسبت مغضوب تاع بوك يجي يبين خيانتو و يروح 

انا : قوليهالو ليه انا منحبش نسمع اكثر يكفي لانو انا مرقدش لبارح 

ماما : عرفي كي تهضري معايا انا مك يكفي لاني حاملتكم و نخمم فيكم كرهتوني حرمتوني من شبابي 

انا : مزال تنجم تغير مزال هاراه باب باغيا تبدلي بدلي باغيا تخلي خلي لي تحبي ديريه حتا حد فينا ما راح شدك ماعادش تلومينا و معدناش ذنب .........خليتها و مشيت دموعي راح يغلبوني منحبش نبينلهم انو عندي مشاعر معرفت لي ندير فيه صحيح اولا 

ماما : وين رايحة نهضر مكاك .......

رحت لدوش حليت لما نازل عليا و دموعي معاه منحبش نبين ضعفي او شهقاتي  تعبت مسؤولية مش تاعي حرام ,....... خرجت بدلت رقدت هزني نوم لاحلامي لورية ........

________________________________________________________________________

قولولي نكمل او لا  🤍

تحبوها طويلة او قصرة متنساوس تقولولي فكمنت ..💌💟