🔥💖وهبتك نفسي🔥💖(بلهجة الجزائرية)

هل ساواجه المصير....؟؟؟

مر عليا اسبوع اسبوع مخرجت من دار معرفت لاهو لي خاني ولا انا لي خنت عاهد لي مديته لروحي ....دنيا مرمدتني كيف بغات هيا جا ليوم لي لازم فيه انو انا نمرمدها ......عييت من نضرة شفقة لي راني نشوفها .......تحديت روحي و تحديت دارنا علاجالي علاه انا ......لا اعتراد على قدرك يا الله ولكن عوضني انت غفور رحيم ........ياليتني كنت في ضلمات و ظهرت كنور لي ....كلمات ردة فوق شفاهي "سيعوضني "

قررت ليوم نقوم من فرشي نخرج نتحدا روحي قبل منتحداه مراننيش غالطه انا هو لي غالط ........لبست حطيت ميكب خفيف يخبي ضعفي و حيرتي و كسوري الروحية .......نزلت كانت اول مرة من اسبوع نحبس في دموعي ......حليت باب حومة هادية ما نعرف كان بنسبة ليا او لناس الكل .....ضربتني نسمة باردة رضيت بيها قوتي ..... صدفة شفته خانوني رجليا " انت الذي حلفتني و حلفت لي انك لن تخون فخنتني و حلفت انك لا تميل مع الهوى اين اليمين و اين ما عاهدتني " 

مصعب : ديلارا شبيك نعيطلك و نبعتلك مترديش ..خليني نفهمك جاويني متبقايش ساكة .... احكي جاوبيني عيطي ضربي اما متبقيش ساكتة راكي تقتلي فيا بسكوتك عاتبي كوني ديلارا لي ماتسكتش 

قاعدة نشوف فيك معرفتش  شنقول اما لي عرفته و تاكذت منه اني مستحيل نسامحه اني مستحيل مزالني نبغيه ...انا:معدنا حتا كلام مع بعض انت خترت بداية انا خترت نهاية ......اما على حساب تتحاسب عمري لخليت انا دين ورايا متتقلقش على رزقك .......ماشي انا لي يغدرو بيا 

هو: يعني نفهم من كلامك انت سمحتي فيا مش هكا .......كلشي كمل في رمشة عين ..؟؟؟

انا : حسبها كيما تحب ............حتا حسيت بيد تسحب فيا من شعري لا مستحيل بابا قاعد يجبد فيا حتا دار هو يجرجر فيا بلا حتا حس غير دموعي انا نازلين و نترجا فيه 

بابا : اسكتيي انت عار ليا كنت عارف انك .....متسويش تربيتي وين راحت انت عيب و عار عيا لا انا مربيتكش دروك انا نربيب ياااا *** 

انا : لا بابا والله مراك فاهمني انت مش هكا خليني شرحلك ....."""" ماحسيت بوالو غيد دمي لي يسيل من راسي وشفتي و هو قاعد يضرب و يسب زعما هاذي هيا نهايتي """

بابا : من ليوم مكانش قراية و تقعدي فدار لي يجي لول نزوجهلك 

انا : لا بابا حمبوك مدمرنيش ضربني كسرني اما قرايتي لا بابا حمبوك .....ماما هضري معاه ماما حمبوك قوليلو انت علابالكي انا بنتك بن لحمك  .....بابا نبوس رجلك لا بابا متحرمنيش محياتي بابا انا بنتك بابا .....امي ساكتة امي ساكتة نشوف فيها معطاتني حتا ردة فعل اما انا بنتها انا 

بابا : كلامي معادش يتعاود نزوجك ليوم قبل غدوة مخصنيش عار في حياتي ....انا لراجل و ماشي انتي لي طيحيلي راسي بين ناس 

انا:اما راجل اما اب يعني لي تعمل فيه انت رجوليا والله نموت و نديرش لي قلت عليه ....كان انت جيت اب بصح كان وقفت مع بنتك كان شي نهار جيت و حنيت فينا ...دروك جاي تحاسب فينا وينتا كنت معانا و وينتا ربيتنا باش تحكي على تربيا ....."محسيت غير نزل عيا بضرب و يكركر فيا سكر عيا في دار خردة """"كلمات يتردو بين شفاهي : مستحيل انو نهايتي هكا مستحيل """""

بابا : خلوها كيما الكلبة هنا لي يحل عليها لي يعطيها تاكل و جلالته تكون فاعدة تحت رجلي  

نسمع في باب تسكر بالقاوي .............ماريا :: اختي سامحيني مقرت نعمل شي سامحيني اما راح نخرجك من هون وعد 

صوت خوفها و شهقاتها وصل لعندي و انا قاعدة نهدي فيها ::: اختي عادي مشكل صغير و يعدي و مدخليش روحك في مشاكل معاه حمبوك ماريا انا نضبر راسي .....شهقاتي كاتمتهم و دموعي نازلين احلامي ضيع مابين عينيا حياتي ضاعت انا .....نخمم في وعود لي عطيتهم اختي و نمسح في دمي متسايل عيا ......."""ياربي لطف بيا يا ربي سلكني ياربي """ حتا هزني نوم ..................

______________________________________________

شراح يكون مصير ديلارا ""؟؟؟؟

كومنت و قولولي رايكم 💟💥