نجك ليا 💗
بقلم يحيى ادريس
البارت 2
كوثر . وين كنت الايام اللي فاتو
معاذ . عند واحد صاحبي
كوثر . عليش قافل تليفونك تعرف قريب تخوخمت عليك
احمد . شن يبي يصيرله ولدك لمدلل هذ
معاذ . استغفر الله العظيم
كوثر . فنصت ف راجلها احمدد
معاذ . بنرقد نا وركب لداره
كوثر . عيب عليك تحرج فيه راجل را كبير توا
احمد . ماردش عليها وشرب من قهوته
كوثر . تغمس ف الدحي وبعدين كلت فطيره
احمد . سادك ياوليه وكال تبيني نغير الباب
كوثر . شن قصدك
احمد . ضحك شي شي
كوثر . لا قول شن قصدك قصدك انا سمينه
احمد . نبصر معاك
كوثر . فنصت فيه انا سمينه
احمد . لالا بصاره بصاره انتي ملكه الرشاقه
كوثر . مزالت تفنص فيه
احمد . اوباا تأخرت ع شغل تبي حاجه حبيبتي
كوثر . مزالت ع نفس تفنيصه لعند طلع احمد
...
الاء . وهذ اللي صار
ابرار . قصدك نفسه اللي يومتا هذ هزبتيه ف جامعة
الاء . ايوا بتاع قطوسه
ابرار . حي عليك طلع صاحب رضا
الاء . شفتي حظي الاسود
ابرار . وخشيتي مربوعة ع اساس رضا
الاء . ماهو رضا لحمار ما قالش جايب صاحبه ولا قال ف واحد بايت معاه ع اساس بروحه
ولاء . خشت بصفره نسكافي شن هلبني
الاء . فنصت ف ابرار وقالت شي شن يديرو برا
ولاء . كساد وفاء ع تليفونها وخالتي وامي يحكن ع عيت مشكلة عيت قطعاني ونماء ع تليفونها ..
الاء . خرف مشكلة عيت قطعاني كل ما يتلاقن يحكن فيها
ولاء . كساد خلني معاكن شن تحكن
ابرار . حاجات كبار
ولاء . ع اساس نا صغيره بيني وبينكن سنتين بس
الاء . هل يوجد حب ف قلب ولاء
ولاء . ضحكت وقالت في
الاء . شن اسمه وكم عمره
ولاء . فريد كورهان
الاء . عزقت ف وجهها مخده مبردك وشافت الابرار وانتي
ابرار . هو هو انا وين والحب وين
الاء . الحب يجيب الهم مالنا وماله
ابرار . صدقتي صدقتي
...
الاء . في كوجينه دير ف عصور جبنه مالحه قريب يركبنا ضغط من وراها
ابرار . تضحك عليها
الاء . واللهي جد
ولاء . وهي تقرض ف طماطم اطلعي ياحنه جيبي نعناع
الاء . مش طالعه امشي انتي
ولاء . حتى نا مش طالعه
الاء. كنك مستفزه هك امشي يابنت احسنلك مانضربك بسباط اللي اكبر من راسي هذا
ضحكت ابرار سباط من هذا ..
الاء سباط باتي ..
حطت ابرار يدها ع فمها وهي تضحك
الاء . شن سهوكه هذي انتن الاثنين
ولاء . مش جايبه شي تبي تجيبي بروحك منحبش نعناع نا
الاء . تشربي منه نوريك شاهي فاهمه نكبه ع راسك
ولاء . مانيش شاربه
طلعت الاء وسباط اكبر من راسها تكر فيه كر
تمشي وتمتم انا نوريكي ياولاء خززي بارده هذ
ام ظلوف فجأة سمعت الباب يخبط غمضت عيونها
بنفاذ صبر هذ اكيد مؤيد ديما ينسى مفاتيحه ..
مشت شور الباب وهي تكركر بسباط فتحت الباب
معاذ كان مطبس راسه ومتوقع رضا يفتحله الباب
رفع عيونه شاف الاء شاف شعرها جسمها ب توته
ونزل بعيونه ع سباط وهي ف حاله صدمه ..
فاتحه فمها وعيونها مفنصات وطلعت قطوسه
تموي حذاها ..
معاذ . معش قدر يمسك روحه وضحك
الاء . ع شن تضحك ياامسخ ياعديم امروه خززي وصكرت باب ف وجهه .. ومعاذ زاد ف ضحك
الاء . حي شافني هك وشافت لمنظرها
وهو يضحك ..
