نجك ليا 💗
بقلم يحيى ادريس
الاء . حي علم انا قعدت مشهورة
يسرا . صاحبتي المشهورة ايامك
ولاء . يومك اسود ياالاء انتي فرحانه ناس تضحك
الاء . عادي شن فيها نضرب مش طالعه نرقص
اجميعه . هاهاههيههه وووووووووه
وفاء . وانتي تضحكي شوفي روحك قبل
اجميعه . كني نا يالحوله
وفاء . مدتلها تليفون شوفي يالدبه
اجميعه . فنصت وهي تشوف لتليفون نهار اسود
تفاحة . اجميعههههههه
اجميعه . يمييي حي عليا
الاء . شن في وتشوف لتليفون
ولاء . هاه هذ نا واجميعه
بنات يتعاركن عشان راجل ..
تعليقات يموتن ضحك ووووه
ولاء . يومي اسوددد
الاء . والله بنات شارع بوعطية انشهرنا ع نت
ابرار . ادربك ع طاوله وتغني بالمصري شهره عاوزه مني ايه
والاء . تزغرت بعدين قالت دقيقه دقيقه توا معاذ حلف انه مش هو اللي قايل لروان مالا من اللي قايللها
وفاء . بالك عرفت بروحها
الاء . بس هي تعرف حاجات معاذ مايعرفهنش زي قصة بوعجيله معاذ فاهم انه بوعجيله راجل شرير
ومش كويس ونقذني منه بس هذي عارفه تفاصيل
زي بوي بيعطيني لبوعجيله ورضا سبب وحاجات
ولاء . بلعت ريقها
الاء . انتن حاكيات لحد برا
كلهن هزن راسهن بالنفي
الاء . بسيطه هنجيبه العميل اللي يسرب ف معلوماتنا برا العاويني
وفاء . وحق الله جعني نتلقاها ف صحتي مانا
ابرار . متبحتيش فيا هك امتى عمري بصيت نا
كلهن شافن لولاء
ولاء . انا نعست بنمشي نرقد هي باي
...
ولاء . ترن ع نادر الرقم مطلوب مقفل
استغربت وقعمزت ع سرير ..
تفكر بحزن ناضت خشت ع نت لقاته حطها حظر
فتحت ايميل اخرى لقت صفحته دزتله طلب لقت من ضمن اصدقائه روان ركزت نفس اسم لقب العيلة
ولاء . حي طلعو يقربو لبعضهم
يخش رضا صكرت تليفون
رضا نزلتي ع نت مفضحه بينا ياامسخه هذ اللي مشيك لجامعه تضاربن ويشلط فيها وتجري
خشت امال تحز ورضا شلط امال وقعدن يجارن
امال ولاء وفاء شافتهم يجارو قعدت تجري وراهم
فجأة وقف رضا انتي عليش تجري
وفاء . مدرعن شفتكم تجرو قلت نجري معاكم
رضا . معناها اشلطي معاهن
...
اجميعه . خلاص ياامي خلاص يااامي
تفاحه راقده فوق من اجميعه وتعض فيها
فضحتي بينا قعدتي ع نت ودرتينا طيطا توا
بتقعدي ف رقبه انتي بشكلك هذ ومحد جايك
ما بالك نزلتي ع نت وتضربي اخرى يافرحتي يافرحتي
اجميعه ماهو انتي اسمن مني وباتي خذاك
تفاحه تعايري فيا ياكلبه وبدت تضرب فيها
واجميعه تعيط نفسي انقطع ياوليه
تفاحه ان شاء الله تموتي الله لا يردك ااه نا ينعلي من دون صبايا لا جيت بنت مقسمه ولا جيت ب راجل مسقم ولا جيت بحاجه قهر قهر ياتفيفيحه ..
..
معاذ . فرحانه توا نازله ع نت وانتي تضربي فيها
الاء . اووو هذ وين انمسح كبدي كذا وريني الله نقني نهبل طالعه ريت كيف نضرب بطلة الاء عاش سلم ايديا ماشاء الله عليا مرات ناس يعطوني بعين شوف تعليقات يشكرو فيا انظر الموضوع من الجانب الايجابي ..
معاذ بعصبيه . الاء
الاء . معاذ
معاذ . ساد قزاز سيارة اللي كسرتيه انتي بتكلبيني ساد جو نووو حرقتي اعصابي
الاء . اشرب موخيتو يبرد عليك عمايل ايديا وحياة عينيا
معاذ . خبط كتبه بكراعه وطلع من دار
الاء . ضحكت هاه وفرت عليا اصلا دايرته لروحي
نشرب 4 كبابي بروحي يا سلام وصبت كبايه وشربت منه الله منعش شن نسميه اختراع الاء اختراع يا كوتش هاه الاء يالزيز يارايق ..
..
اسامه . شخبارك وين شهره لكن
اجميعه . اها صاحبتي مجنونه
اسامه . لكن محبوبه
اجميعه . ضحكت وجهها انحمر
اسامه . خطرها ليش تضرب فيك وانتي بعدها ضربتيها شن صار
اجميعه . قالت انك عجبتها ونا متحملتش فيك ف ضربتها لاني نغار
ضحك اسامه بسخريه
اجميعه كنك تضحك
اسامه . شي
اجميعه . قول كنك تضحك ضحكني معاك
اسامه . تنهد اني يا ولاء خشيتي دماغي اكثر وبنجيب هلي يخطبوك اسمي
اجميعه . شنو بسرعه هذي
اسامه . كنك مش نحنا نحبو بعضنا
اجميعه . لا قصدي اه بس
اسامه . بس شنو
اجميعه . تسأل عليا نسأل عليك
اسامه . نا سئلت عليكم عرب تنفعو و
اجميعه . فنصت واغمى عليها انقلبت بالكرسي بكل
تفاحه . وهي طالعه من كوجينه خبطت يدها ع صدرها بنتي ماتتت ووووو عليا وووووووووه
...
الاء . مقعمزه ف صاله وتفرج ع تيك توك انا رائج الان ياشهرة عاوزه مني ايه وووه عليا مبروك عليا
لترند
كوثر . يابنت انتي حطي عقلك ف راسك وحافظي ع زوجك الف وحده تتمناه خلي راجلك تحت عيونك
خير ما يطلع يبحت برا ويفوتك بذات انتي هلك عزقوك هك لا فرح لا شي مبيوعه بيه لذلك حافظي ع زواجك وريه وجهك واضحكي وانتي ديما مشاكل لين هرب معش قعد ف الحوش بكل
الاء . تمام ياعمتي ! لو كان راجل ينربط ف الحوش
بالضحكه كان عمي احمد هرب من وجهك الكئيب
لدرجة من انك مفرفشه ومهتمه خانك هاااه ههه
كوثر . تضحكي عليا اضحكي بس هيجي يوم وتندمي
على سهوكتك وضحكك وقلة ادبك اسكتي انا بعد 30 سنة زواج احمد خاني وبحت برا
الاء . مطبسه راسها وتضحك
كوثر . امشي غيري لبسك واهتمي بروحك نا خايفه ع مصلحتك ياغبيه
الاء . شقلبت عيونها وركبت فوق وين خشت لدار
جت بتغير بس تذكرت انه عندها بحث لازم اديره
نديره توا بعدين ندلعله جو اكيد مزال هو يطول
مايجي نبي ورقة طلب اوف اكيد معاذ عنده بدت
تفتش شافت ورقة مشروع تخرج جاها فضول تشوفها وهي تقرا بدت تركز اكثر يحكي عن تنمية ف المجتمع بدت تقرا بتركيز الكلام مكتوب يشبه حالتها بزبط بنت عشوائيه ونفس قصة الاء بزبط
وان الاسرة تحتاج تنمية فكرية وثقافية من اجل يربو الاطفال مش يجيبو وخلاص وكيف البنت هذ تزوجت وحالتها فيها نوعا من الاستهتار بدون وعي
ثقافي وكانت هتزوج واحد من الارياف وبوها استغني عنها عيونها امتليو بدموع حست بحرق ف رقبتها لمست رقبتها خذت الورقة ونزلت تحت كانو كوثر
ومعاذ ..
كوثر بهمس . خلاص تقريبا قتلي شهرين شوف لك كم
معاذ . امي وطي صوتك
كوثر . مش ساد جبتها ع حوشي وناس كلها عرفت انها مراتك وخششت عالم من طبقة نائية عندنا غريبين الاطوار هذ كله عشان مشروعك ينجح بس
خلاص يامعاذ مش قادره نتحملهم اكثر معقوله هذ كله مزلت دير ف ابحاث
الاء . دموعها طاحو وهي تشوفلهم نحنا تجربة ولا شنو
معاذ . برم وشافلها الاء
كوثر . تصرف انت وركبت وسيبتهم
معاذ . الاء اصبري نشرحلك
الاء . تشرح شنو انا حبيتك وثقت فيك اول مره نصدق ان حد يحبني دير فيا هكي يامعاذ ..
معاذ .
الاء . معش نبي نشوف خلقتك بكلل هذ مشروعك شرطاته نا مش تسليه عشان ديرني ف مشروعك
وابحاثك وضرباته كف ع وجهه لعند برم
الاء . اللي بينا انتهى عزقت الخاتم ف يده
للحديث بقيه
