نجك ليا 💗
بقلم يحيى ادريس
انزلي ..
الاء . رضا اسمعني
رضا . قتلك انزلي ينعن ***
الاء . ترعش مع بعضها ونزلت عندي امتحان
رضا . مزال عندك وجه تحسبي روحك بتقري خذاها من ذراعها وفتح الباب حوش وعزقها ع الارض طاحت ع بطنها ناضت امال وفاء طلعن يجارن
وفاء حطت يديها ع بعض وتفرج ..
رضا . صبي ياساقطه يامنحطه
امال . كنك مع اختك
رضا . محد يدخل مركبتلي قرون ياوسخه
الاء . خطاني حول يدك عني
رضا . دفها وقعد يخبط ف راسها ف ساس
وامال. تحز رضا محد يدخل
وفاء . تمسك في امها خليه يربيها
امال . حرام عليكم واللهي حرام
ولاء . خلاص يارضا
رضا . اطلعي را نضربك معاها
طلعت ولاء تجري ورضا يسلح ف سيره
الاء . تشوفله وتوخر
رضا . تسخسخي بي ومع من مع صاحبي
الاء . والله مانحكي معاه هو قعد بروحه جنبي والله
رضا . اسسس
الاء تبكي . باهي فتش تليفوني
رضا . ضحك تحسبيني غبي اكيد حاذفه ومنظفته
الاء . لا واللهي لا نا اختك تعرفني انت مش بتاع خبر
رضا . قعد يشلط فيها وهي تعيط
ولاء . برا تبكي وحاطه يدها ع فمها
وفاء . تسمع ف العياط مبتسمه
امال . كلمت عبد الله جا يجري
عبدالله . خش لحوش شاف رضا طالع من دار
رضا . كلبه هذ لا تطلع لا تخش لا تاكل ولا تشرب
عبد الله . شن درتلها خش شافها طايحه ع الارض
عبد الله . الاء الاء
الاء . طايحه ع الارض وتأن رفعها ع سرير
وجت ولاء دهنتلها مرهم ع ضهرها ..
الاء شافت لبوها انا مادرتش حاجه شوف تليفوني
عبد الله . مصدقك انا اللي مربيك لو شفتك بعيوني
نكذب عيوني ونصدقك ..
الاء . مصدقني صح
عبد الله . ابتسم وحضنها وهمس ف وذنها انتي القرعه الزايده مهما ديري وتفعلي نسامحك ومعاك
ماتقوليهش لحد سر بيني وبينك عشان محد يتحسس
ابتسمت ومسحت دموعها انت احسن واحد
عبدالله . بنتي الغاليه وباس راسها وتي شنطة دبشك
الاء شافتله بخوف . ليش وين ماشيين وين بتشيلني
عبدالله . نغيرو جو يومين عند العزوز
الاء . في قندوله
عبد الله . كنك مش عاجبك
الاء . باهي يومين بس
عبد الله . يومين هي
وتت شنطة دبشها وطلعت مع بوها
امال . وين ماشيين
عبد الله . وين كنتي وولدك يضرب فيها
امال . انت وين ماشي بيها
عبد الله . محد يدخل هي الاء
طلعت الاء مع بوها وهي ساكته
وفاء . زغرتت احسن مالا فكا من ووجهها
ولاء . حرام عليكي
وفاء. فنصت فيها را نخليك تلحقيها
ولاء. خشت لدارها
وصلو لقندوله ..
نزلت الاء ومعاها عبد الله
عايشه شافتهم مرحبا توا تذكرت ان عندك ام
ياغضيب الوالدين ..
عبد الله. امي تحب تبصر ديما معاي
الاء . ابتسمت
عايشه . هذي بنتك
عبد الله . بنتي الوسطانية تشبهلي صح
عايشه . هذ وين عنست كان تشبهلك
تعالي بوسي ع يدي وراسي يابنت شن لفعه امك
ماعلماتكش الادب والاخلاق والاصول .
الاء . باست ع يد وراس حنها
عايشه . بنتك هذ ماتشبهش امها ولا تشبهلك الحمدلله تشبهلي مش كيف باقي بنات الكبيرة والصغيرة شينات طالعات لاامهن
الاء . نا مفش كيفي اصلا
عايشه . انتي طالعتلي كيف مافيش كيفك
الاء . انتي بس ياقلبي
عايشه . نجك لي قعمزي ياحنه حذاي شنو مزال ماعطيت بناتك
عبد الله . لا
عايشه . هذي الوسطانيه وقاعده اطول مني شن ترجى تبيهن يخللن حذاك انتي يابنت كم عمرك
الاء . 21
عايشه . طاح سعدك وفيش ترجي نا 21 بوك كان ف الاعدادي
الاء . رفعت حواجبها ولقرايه
عايشه . قرايه البنت مالها الا حوشها وبقيراتها ودجيجاتها وطنيجيراتها
الاء . ابتسمت مجامله
عايشه . باتك تحقي فيه هذ كان شعر سايح من اول مازوج امك وهو ركبه الهم وصلع قعد تقول دحيه مطبوخه
الاء. تضحك
عبد الله . ضحك وهز راسه يمين ويسار
عايشه . ف واحد اصلع جاته فكرة ازحلقت
الاء . تضحك
عايشه . تصفق وتغني بو صلاعه طار كراعه يدلع يبي رضاعه صفقي يابنت
الاء . لا عيب ياحني هذ باتي
عايشه . مالا نغنو على امك الهبله
الاء . لا نغنو على وفاء ه الفتانه ه نشواله طرطش يامولاي عظامها
عايشه . حي حي خطرها انتو عليش جيتو هنا لزوكم
عبد الله . رضا ضارب الاء وقلت نجيبها تغير جو
عايشه . عشان هك ونا مستغربه كيف السوسه كبيرة امك طلقاتك هنا
الاء . لا ماهي ماتعرفش ان جايين هنا
عايشه . خايف منها يابو صلاعه مش قادر تقول ماشي ل امي
عبد الله . امي كنك معاها
الاء . تشوفلهم
عايشه . مخوفتك وليه ياكبيري ياراجل
عبد الله . خلاص ياامي قدام بنت
عايشه . طاح سعدك وووه يويي يالاصلع ياشايب يا عايب رجاله ماتو زمان باتك الله يرحمه خزره منه
نجمد ولا حس مش نخاف منها وعلى زعلها
عبد الله. استغفر الله العظيم واتوب اليه
..
معاذ . رضا اسمعني
رضا . ولا كلمه ياموسخ الحرده مركبلي قرون
معاذ . رضا والله ما صار بيني وبينها حاجه لكن نح
رضا.صكر فمك انا مايشرفنيش نعرف حد امسخ زيك
معاذ . اسمع بس والله ماصار حاجه قصة بدت قطوسه خبطتها و ..
رضا . تقنعني هذ كله صدفه اها صدقتك نا تمام
معاذ .والله جد صدقتني
رضا . تي اقلب وجهك غادي ياوسخ ياتافه
معاذ . عدي ملح يرا فجأة رن تليفونه داره صامت
..
روان . كنه مايردش هذ
وجدان . بالك مش فاضي
روان. له اسبوعين هاملني ومايدورش في
وجدان. روان معاذ واضح مايحبكش بس مصالح و
روان .فنصت فيها تعرفي تسكتي ولا تروحي حوشكم
وجدان . الحقيقه محد يحبها
روان . احتفظي بالحقيقه لروحك
وجدان. على كيفك شدخلني بيك
روان . خذت تليفونها بتتصل بيه لقاته مقفل
حطاته ع صالون اوفف وتشوف اظافرها ..
..
كوثر . حبيبي من دار فيك هكي
معاذ . سراقين
كوثر . سرقو منك حاجه
معاذ . لالا
كوثر . باهي حمدلله اركب تريح ام سعد توا تحطلك غداك
معاذ . انتي وين ماشيه
كوثر . لنادي هي سلام وطلعت
معاذ . او ام سعد حمدلله ع سلامه
ام سعد . الله يسلمك شن نديرلك
معاذ . زنجر كان في
ام سعد . عنيا
وناض معاذ لداره طاح ع سريره ويتأمل ف سقف
..
اجميعه . هيييه
ولاء . شفتي
اجميعه . خزي عليه اكيد من وفاء تفتن فيه
ولاء . ضربها ضرب قريب ماتت لو ما بابًا جا خذاها
اجميعه . تليفونها قافلته
ولاء . عند رضا
اجميعه . حسبي الله ونعم الوكيل فيه
ولاء . بارد هذ كرهته هو وفاء لما طلعت زغرتت
اجميعه . نزغرتو ف عزاها يامولاي يالله
ولاء . امين يارب
اجميعه . اه ياصحبتي ياقليلة الحظ مزالت ماانحرفت وصار فيها هك كان انحرفت شن دارلها خوك المتخلف ياريتها حكت معاه اقل شي تنضرب ع حاجه صح صارت
ولاء . ياريت
اجميعه . الله غالب
..
عايشه . صح نوم ياحنه
الاء . ساعه كم
عايشه . ساعه 9
الاء . وين بابا
عايشه . عند اسيادك ف نجع هنا
الاء . قعمزت حذاها
عايشه . اييه امتى بتحكيلي
الاء . شن نحكيلك
عايشه . شلفيطه اللي متشلفطتيها واضحه عشان راجل
الاء . لالا مافيش منه كلام هذ
عايشه . طريق اللي انتي ماشيه فيه نا مروحه منه
الاء . كيف
عايشه . متعبطيش كبسك تضبطي ولا احبيبات
الاء . نهار اسود شن هذ ياحني
عايشه . بلا نوطره مش كان ازوزت صغيره منعرفش خبر لا نعرف كل بصيره
الاء . لا لا احبيبه ولا تضبيطه
عايشه . نهارك احرف ف لفراش كبسكم
الاء . لالا مقعمز جنبي ف جامعة بس والله حتى علاقه مادرت معاه
عايشه . ضرب هذ كله عشان قعمز جنبك خيتي هابا
الاء . قصدك عادي
عايشه . كان كبسك ف لفراش را زوزك غصبا عن خشمه
الاء . لا مانبيش نتزوج نا
عايشه . تبي تعنسي
الاء . فنصت بضحكه وقالت حني
عايشه . ماحن لا والي صبي فزي ديري عشاء
الاء . من عيوني
..
ثاني يوم صبح
معاذ . يبرم ف جامعة شاف ولاء مشا وراها
ولاء . نعم كنك ايش تبي
معاذ . الاء
ولاء . كله منك ياحقير رضا قريب قتلها وكسرها وحرمها من جامعة ومدرعن وين خذوها اكيد ميته وعظامها متحللات
معاذ . خاف وجه انصفر
ولاء . حسبي الله ونعم الوكيل فيك خربت حياتها
معاذ .
..
عايشه احلبي كويس يابنت
الاء تحلب ف البقرة وتغني يابقرة صبي لبن
صبي لبن صبي لبن
عايشه . احلبي مالك ومال لغناء
خير ياعمتي
عايشه . شن حالك يالفعه
سلوى . ابتسمت
عايشه . هذي مرت سيدك جت مع امك لفعات كي بعضهن
الاء . مرحبا
سلوى . الاء صح
الاء . اها
عايشه . الاء جيبي اللي حلبتيه وماتعطي حد وصكري البيبان زين
الاء حاضر وهم ماشيات وقفت سيارة قلع
نزلت منها
غاليه . خير ياامي
عايشه . خير خير يامرحبا يامية مرحبا
وسلمت وعرفت غاليه ع الاء هذي عمتك
الاء . ابتسمت
بوعجيلة . يشوف ل الاء ومبتسم
الاء . خافت منه وخشت
غاليه . شنو حالك يالولي
الاء . حمدلله ياعميمه
غاليه . جبت معاي فطيره درتها من 6 ف صبح
الاء . ماشاء الله ودير ف اومليت
غاليه . هذ ايسما
الاء . اومليت
غاليه . ايسما
الاء . دحي
غاليه . دحي قاري برا قيسه
والاء تضحك وتن صفرة فطور وقعمزو كلهم
عبد الله وبوعجيله وقيس وتيم ورضا ف صفرة هذول كلهم عيال غاليه وعايشه والاء وغاليه وعايشه وهناء بنات غاليه مقعمزات وكلهم يفطرو وجو سمح
غاليه . ماشاء الله عليها بنتك ياخيي ادب واخلاق وجمال واومليت عليه مية طعمه
الاء . تسلمي
بوعجيله مطبس راسه مبتسم مره مره يشوفلها
عايشه. عاجبتك بالحيل ي غاليه والله ماتغلى عليكي
الاء . عيونها قريب طلعو من مكانهن
غاليه . ماناخذ اعز منها ماينشبع منها
الاء . شافت لبوها
عايشه. الاء هذي بنتي وبوعجيله وليدي هذول يلمو شملنا وفرحهم شوري ويندار هنا اخرى
الاء . بابا
عبدالله ابتسملها
غاليه زغرتت
بوعجيله الله واكبر
للحديث بقيه
