ماغليت مثلك من البشر غلاك على كل البشر الاول

البارت الخامس

وجلس بعيد من انغام وجلس الصغير بحضنه:فصولي الحلو وين رايح
فيصل: ا انعام
ضحك ادهم:اجل انعام هاه
انغام ناضرت فيه ونوت على هوشه:اييه وش فيه اسمي ان شاءالله!!
ادهم انخرع:اعوذ بالله ترا ماقصدنا اقول روحي لا اجيتس
انغام تخصرت:يعني بخاف الحين وش وش يعني!!
ادهم:لا اله إلا الله خذي خذي فيصل وديه وقولي لكل الي داخل يله يمشون
انغام اخذت فيصل وكان ادهم يتأملها بس يحاول م يبين فجاه صوت
فجاه يقاطعه صوت حاكم:يبدو ان دودو طايح في الغرام
لف عليه ادهم وهو مايحب ذا الاسم:الله يخليك تقلع اركب السياره كلهم جايين الحين
حاكم حط يده على كتف ادهم ومشوا السياره
جاء الكل وركبو وبنص الطريق تتكلم انغام:يوه نوارس وش تحسين يناسب مع لبسي حق المخيم الي قلت لتس لون مناكير؟
نوارس:احمر احس بيطلع مره يهبل!! انتي كلتس تهبلين
انغام استحت:انكتمي خلاص استحي!
ام جاسم عطتهم نظره:ماودتس تعضين على شحمه انتي وهي؟
ادهم ضحك:القمممممم بس احس احس يناسب فسفوري حلو؟
ام جاسم صفقته في كتفه: بس سوق وانت ساكت
وصلو ابدو يأخذن ومن الاغراض والي من هنا والي من هنا والي هنا لين خلصو مقاضي
‏أنغام : تحسون باقي شي؟
‏نوارس :ما ظنتي والله
‏ادهم: بسم الله خلصتوا السوق كله وش بقيتته
‏أم ادهم : قص امسك الفلوس وحاسب وأنت ساكت
عند الجد في البيت
........................................
‏أبو جاسم: تعالي لعن ابوس
ايلان:اهلين جدو
ابو جاسم:كلي تبن الذبيحه وصلت بنشيلها معنا اليوم المخيم وغسلي الكرش!
ايلان الي تتصنع الدلع:يوه ياجد مقدر اتخيل المنظر!
ابو جاسم:كلي تبن الله يرحم ايام اول يوم كنتي تعشقين الغنم!
جت رند وقاطعت كلامهم:معليك منها ياجد متى المخيم ؟
ابو جاسم:عقب صلاة المغرب ان شاءالله اجهزوء بدري!
رهف الي نقزت من الحماس:يسسسس
.::....................................
بعد م جت ام جاسم ومعها البنات بعد ماخلصو مقاضيهم وجو بحماس وبدو تجهيز والي تعلق الزينه والي يتضاربون عشان تنظيف المطبخ والي تكنس واالامهات يجهزون للمخيم
لحد ماخلصو تنظيف وتجهيز وصار البيت يجننن من الزيين
جلست انغام بتعب وزفرت بتعب:اف خلصنا الحمدلله قبل صلاة الظهر بتروش وأجهز بنات
وبدو الكل يجهزون ب الغرفه
العمه فوزيه دخلت عليهم:صبايا من تسوي لي مكياج؟
ايلاف؛أنا بس خن اخلص استشوار
العمه فوزيه:تمام انتظرتس برا واذا خلصتي تعالي لي
قفلت الباب والكل انفجر ضحك عليها وعلى طريقه اكل علكها
لين وهي تضرب لمى وهي ميته ضحك:شفتي كيف تاكل العلك
لمى:لا لا شيكي لي على الوك الاخضر حريقهههههه
انغام وهي تجفف شعرها:شيكو لي على الورده الي ورا اذنها
وخلصو ضحك عليها وكلهم بدو يتجهزون والي تسوي شعرها
والي تسوي شعر الثانيه والي تاخذ راي الثانيه
والي محتاره في الوك
بينما ايلاف خلصت شعرها الي مسويته ويڤي وميكبها الي خفيف وبرز ملامحها الي تجذب وبنطلونها اللي لامس فخاذها من فوق وواسع من تحت
لفت عليهم:شرايكم؟
ايلان بقهر:مو ذاك الزود صراحه يجي منه
رند:كلي تبن يجنن
انغام:مشاءالله تبارك الله الوفتي تجننين! يويلي
نوارس:أدوخ أنا من الجمال أدوخ!!
مشاءالله
والكل بشكل عام بدو يمدحون فيها من قوة جمالها إلا ثلاثه الي هم راما الي تحاول تقلد لوكها عشان تصير زيها
ونجاه الي ودها تخرب شكلها
وايلان الي غارت من اختها وتبي المدح كله لها
ايلاف:وايييي احبكم بنات يلا بضبط عمتي فوزيه واجي اخذ عبايتي طلعت وهي مبسوطهههه من مدح البنات لها
راحت لعمتها:هاي عمه خلصت يلا ببدا فيس وش تبين لون ميكب؟
العمه فوزيه:مكياج برتقالي
ايلاف:هاه؟
العمه فوزيه يله
ايلاف:عمه ماودتس اسوي على ذوقي؟
العمه فوزيه:مالتس دخل  سوي وانتي ساكته
ايلاف:من عيوني
ام سيف خلصت من المجلس وطلعت وشافت ايلاف تمكيج عمتها ناظرت في ايلاف:تبارك الرحمن مشاءالله عليك تحصني يابنتي
ضحكت ايلاف:ياعيوني ياعمه
عند البنات في الغرفه
.........................
خلصو كلهم وكل وحده تمدح في الثانيه إلا انغام لسى ماخلصت باقي لمساتها الاخيره فتحت البكره من قدام حقت الشعر
لبست اكسسوارات خفيفه ولفت عليهم شرايكم؟
نوارس:افففف تبارك الرحمن يا انغام!! بنهارررر
نجد شهقت:مشاءالله مشاءالله وش اسوي يويل حاليييي!!! تحصني تكفين
نوارس  قربت منها:نذر مايحصنها غيري
وكل البنات بدو يمدحون فيها ومبهورين من جمالها وكيف تعرف لنفسها وتعرف لنفسها وتعرف تلبس وتعرف وش نوع الملابس الي يناسب جسمها
أبرار:اخخخ يا انغام اليوم ولا احد يبقفل ملفتس محد!!
انغام ضحكت:ياعيوني انتي
دخلت ام ادهم:بسرعه البسو عبايتكم بسرعه ترا بدو يحملون الاغراض السياره
والكل بدأ يجهزون والي من هنا والي تروح وتجي والي م كوت نقابها والي تدور عبايتها
ودخلت ايلاف ترجع الميكب والحوسه
والجد الي معصب لانهم ما تجهزو من بدري لين خلصو والكل وكل اغراضهم جاهزه وقفو في الحوش عشان يتوزعون في السيارات
الجد بحده وعصبيه:الي بيجي معي يمشي بسرعه مافيه وقت!
راحو ام هناي وام بندر وام ادهم وبناتهم مع الجد وقدام مع الجد راكبين بندر وبدر
وبسيارات الثانيه توزعو الكل وسياره توزعو فيها العيال
نجد حطت يدها على خصرها:خير واحنا نروح مين نروح
انغام حطت يدها على وجها: جد كلهم ركبوا السيارات ولا فيه اماكن !!
سمعوا صوت الباب يقفل ب المفتاح وطلع ادهم وانفجع:بسم الله انتم للحين مارحتو؟
نجد:وش نسوي يعني السيارات كلها مليانه
ادهم يناظر انغام بطرف عين يبي يناشبها:وانتي وراتس جايه؟
انغام زفرت بطفش:يعني خمن وش الي جايبني ؟
ادهم:ياكرهييي
نجد: بدت تعصب:ياخي انت الي جاي تناشب وتتملقف
انغام اشرت بيدها من فوق لتحت:الحين انت تودينا ولا كيف ؟
ادهم ضحك:اسلم يا التهديد يالله يالله امشوا
ركبو بسيارته الكزس نجد قدام وانغام وراء وحركو
.......................................
بسياره الأعمام الي كانت جمس وفيها كل العيال
حاكم:الحين وش نسوي ياعم ضيعنا الموقع شوفو يعيال هو عندكم؟
سيف وهو مكتوم:الله يأخذكم حشرتوني وخر انت يا الدب
حسن:شايف فيه مكان اقولك مافيه مكان تحمل هانت باقي ساعه!
سيف:ساعه!! ساعه ي الظالم بتنفس
العم ظافر:اقولكم بسسسسس
وانت ياقاسم دق على احد من السيارات الثانيه يرسلون الموقع
حاكم:ترا ارسلوه في القروب بس ضاع!
العم قاسم:طيب لو شفت القروب وطلع موجود ؟
حاكم: شف وانت احكم وش تسوي 
العم قاسم:تروح وتجيب كل المسلزمات الي يمكن يحتاجونها ب ذا الجمس
حاكم:معليك تشوف
فجاءه صرخ عبدالرحمن:ياحاكم يا فاهي ترا الموقع موجود ومثبت بعد
حاكم:وين؟
عبدالرحمن:ياغبي في القروب الثاني
الكل ضحك عليه وعلى فهاوته و العم قاسم ضحك ضحكة انتصاررر
..............................
عند سيارة الجد
ايلان ب استغراب :بنات وين انغام ونجد ماشوفهم
نوارس ناظرت فيها بطرف عين وكرف:ليه ما شفتيهم راحو مع ادهم !
ايلان:سألتس بالله!
نوارس :وش تحسبين اكذب؟
ام بندر: بتصل عليها بشوف هي جابت جهاز التنفس حق بندر الاحتياطي
بندر لف عليها بحكم ان عنده ربو وكان يتفشل ويحس انه غريب وهو الوحيد الي عنده ربو ورجع لف قدام
رند بغيره وصوت خفيف:وش ذي كل مره شافطه حظي ويكون حظها مع ادهم اف!
الجده ام قاسم لفت على البزران الي آخر الجمس يتهاوشون:بس انت وياه لاجي ب العصا
ليان ضحكت:نطي عليهم ياجده احسن ازعجونا
واسمرت الهواشات بين البزران وبين الجده لين وصلو
...............................
عند ادهم وانغام بسياره
نجد وهي مخترعه:ياحيوان خفف السرعه!
انغام تضحك:وناسههههههههه
ادهم حس بكره تجاه انغام بنفس الوقت شعور غريبببب بنسبه له:خلاص بخفف سرعه
وقفوا عند بقاله لان نجد تبي اغراض
نجد:بنزل انا بشتري حاجه وارجع تمام؟
نزلت نجد وبقى انغام و ادهم بسياره انغام تنفست بتوتر و سوت نفسها على جوالها و

هااااااييييي حبايبي؟؟؟
وحشوتني اوي اوي اوي 🥹
الصدق ذي الفتره أبدا غيابي ماله عذر أبيكم تسامحوني 🥹
واسدحو افكار لروايه ابي اتحمس وانزل بدون ملل👍🏻
ذي الفتره تفرغت ل كلشي وفضيت وتأكدت وقتي كله فاضي عشان كذا استعدو للبارات الثاني الي بيتفجر كله احداث ومصايب وفرح بنفس الوقت
ومين تتوقعون بيكون مناسبه للبارت الجاي؟