ماغليت مثلك من البشر غلاك على كل البشر الاول

البارت الثاني

نطت ام ادهم وقالت:وراك ياولدي محرك المرايه شوف السيارات!
ادهم الي ارتبك ورجع يناظر قدام:ابشري يمه
نجد همست في اذن انغام:يابنت الولد شكله راح فيها من صوتس
انغام فزت وتحسبها سبها:وش قصدتس هاه؟
ضحكت نجد وقالت:يغبيه اقصد ذاب بصوتس الولد
انغام بصدمه:اقول اخوتس ذا مافيه اثقل منه اثقل من الحجر
دقت عليهم نوارس:بنات وصلتو البيت؟؟
انغام:لا باقي شوييي ونوصل
نوارس:امي وافقت يا انغام انا عندتس
نجد:متفقين ياحيوانين بدون ماتقولون لي؟
انغام:اسكتي كنت بقولتس بس انشغلت ومع الوقت نسيتس
نجد تخصرت:والله تنسيني طيب طيب يا انغام
انغام وهي تضحك:وي نمزح شدعوه
نجد ناظرت بجهة السياره الثانيه وشافت السياره الثانيه وفيها حازم
تعريف بسيط عن حازم"
حازم ولد العم شاجع
ثاني اعز الاخوياء على قلب ادهم
عمره ٢٩
عنده هيبه بين الكل وماخذ من طباع ادهم
ادهم فتح الدريشه ويأشر لحازم ويضحكون حازم بصوت عاللي:هلا والله دهوميييي
ادهم بصوت عالي:اقول انكتم مسوي تدلع الحين؟
ضحك ادهم و انغام كانت ذايبه وتحاول تقاوم عشان الكلام الي تسمعه عنه
نجد:بنت وراتس تهوجسين؟
انغام فزت:لا ولا شي
ام ادهم:ادهم قفل الدريشه برد وانا امك لا تتعب انت تعبك قوي
ادهم الي صامل يكلم حازم من بعيد:لبيه يمه ابشري
وقفل الدريشه وباقي شوي ويوصلون البيت نطقت ايلان:امم ادهم وقف عند البقاله شوي ابي اغراض منها
ادهم بقرف:ماني فاضي الحين خلي احد يوديك
::::::::::::::::
في السياره الي كلها عيال
سطام و بسام و ثنيان و وصقر كان حازم وادهم يتمنون يكونون معهم بس معهم اهلهم والباقين في سايراتهم مع بناتهم وصلو البيوت وكلهم بنفس الحاره وقفو السيارات
انغام:بنات بروح البيت ببدل و بجيب اغراض واجيكم طيب؟
ايلاف بهمس:بنات تكفون ساعدوني مابي ايلان تنشب كيف اصرفها
ناظرو نجد وأنغام بعض وفهمو بعض نجد:اسمعي قولي امي رفضت ثم تعالي ولا تسحبين عشان ما اصفقتس
ايلاف:تم يارب تمشييي عليها وتوافق
راحت انغام متجهه لبيتهم و ايلاف وأيلان متجهين بيتهم والكل راح بيتهم
انغام فتحت الباب وشافت بوجهها ادهم وقالت:بسم الله
ادهم بستحقاق وعكس الي بقلبه:شايفه جني قدامتس؟؟
انغام شمقت وتجاهلته وراحت جلست في المطبخ على الطاوله:يمه لا يكون بتنظفين الحين خليها بكره احسن وبكون فاضيه وبشتغل معتس
ام انغام بنظرات من فوق لتحت:اقول وش تبين انقلعي بحط الاغراض وبروح انام!
انغام:باخذ شويت اغراض وبروح عند نجد والبنات يمه
ام انعام:ايييه والعنود معكم؟
انغام:اي يمه هي اهم فرد
ام انغام حطت يدينها فوق راسها:والله واجتمعو المصايب كلهم
انغام
دخل بندر:وش السالفه؟
انغام تعال يا بندر والله ماحد يفهمني إلا انت
بندر وهو يضحك:ايه قولي
انغام قالت له واول ماسمع اسم العنود بنت عمه شاجع فزز قلبه
________________
عند العيال في الخميه في بيت ادهم
ادهم وهو نعسان:يله ياعيال سلامممم بكره وراي داوم
قام حازم من مكانه:ياولد اقعد معنا شويه!
ادهم:اقول توكل النوم بدأ يسيطر علي
سطام:احه ياعيال طرده!
ادهم:ماحد طردك اجلس بروح ارقد
قام ادهم دخل داخل وهو تعبانننن ويبي يسأل رند عن ملابسه حقت الدوم هي كوتها او لا دق باب الغرفه
رند:مين؟
ادهم بنعاس:أنا ادهم احد معتس؟
رند:اي عندي نجد والعنود و انغام ليه؟
انغام كان قلبها يدق بقوه اول ماسمعت صوته:يمهه لا يدخل يابنت
نجد:من ورا الباب شتبي
ادهم:اطلعي
طلعت نجد وتخصرت:وش تبغا؟
ادهم:ملابسي حقت الدوام فينها؟
نجد:خليت انغام تكويها وحطتها أتوقع بغرفتك
ادهم فتح عيونه:دخلت غرفتي؟؟؟ ومن سمح لها تدخل؟؟
نجد:ياولد اهداء اهداء كوتها واخذتها رند وحطتها بالغرفه
ادهم:اشوه يله بروح اننام
نجد:حتى ولو دخلت تراها بنت عمك ماهي غريبه؟
ادهم تنرفز ومسك فكها بقوه:نجد تراني ماني فاضي لتس روحييي مني
نجد:انقلع نفسيه
دخلت عند البنات وجلست رند تناظر فيها:وش في فكتس احمر؟
نجد:كله من ادهم
انغام:لا إلاله الا الله من ادهم ذا!
رند لاحظت ابتسامة انغام يوم يجيبون طاري ادهم وعطتها على بلاطه:بنت انتي خاقه على ادهم؟
انغام عكس مشاعرها:يع مالقيتو إلا ادهم ياكرهي له
رند بأبتسامه طرف:اي متأكده؟
انغام:اعوذ بالله وش فيكم يع
نجد:بنات ايلاف مو كأنها تأخرت؟؟
العنود:يوههه شكل ايلان نشبت لها
نجد:بعدين صح يوم مسكتس ايلان وش كانت تبي بتس؟
العنود:ذي مقدر إذا جت ايلاف قلت لكم كلشي
اديم:يوههه لازم تحمسينا انتي اقول انطمي
انغام:جوالي تركته يشحن في المطبخ بنات بروح اجيبه وادق على ايلاف ومنها اشرب ماء
أديم:اقول اسمعي الحقينا في الحوش بنروح ورا في الجلسه ونضبط جلسه حلوه
راحت انغام المطبخ وهي تشرب مويه صوت احد يقول:احممم احمم احمم
انغام:لاحظه أنا في المطبخ
ادهم بصوت خفيف:انغام؟
انغام:لا تدخل يا ادهم لا تدخل؟
ادهم:اخلصي ولاهاتي لي كاس مويه من ورا الباب
انغام:خلاص خلصت لف وبذمتك لا تناظر؟
ادهم فعلاً لف وطلعت انغام تركض وريحة عطرها فاح في المكان وقال ادهم:والله ياادهم شكلك طحت على وجهك طيحه وماحد سمى عليك
شرب مويه وراح ينام
__________________
عند البنات في جلستهم
انغام وهي تتنفس بسرعه وترجف:اوفففف اخيرا وصلت
ايلاف اخيراً مابغينا ساعه تشربين مويه؟
ناظرت انغام وهي مخروشه:متى جيتي انتي بسم الله
ضحكت رند:اول ماطلعنا لقيناها قدامنا
ناظرت ايلاف بسفره:بنات اقولكم وين الفصفص اليوم ابغا احس
العنود:اليوم انتي حسناتس بتودع
أديم:مو بس هي كلنا يا العنود
رند وهي تضحك:الله يعين صح كيف صرفتي ايلان
ايلاف:قلت بنام و سويت نفسي نايمه لين نامت وسحبت عليها سحبه بنت كلب
نجد:اسفه لتس يا ايلاف بس اختتس غثيثه
ايلاف:صراحه قاهرتي حركاتها تنرفززز ابغا حل
العنود:اقولكم وش قالت لي
البنات عدلو جلستهم:ايييه قولي
العنود:ايلان خاقه على ادهم
نجد حطت يدها على راسها:تكفين قولي انتس تمزحين؟؟
العنود:وربي ماامزح ما تشوفين  انها تتميلح عند ادهم؟
انغام:يععع الله يقرفها هي وادهم
رند:شدعوه اخوي أصلاً ترا مايطيقها في عيشة الله
أديم:الله يكون بعون ادهم بسس
انغام عشان تشتت نفسها وماتبين لهم مشاعرها:بنات شرايكم نخطط لطلعه؟
العنود:صح بنات صح عمتي حصة بتسوي عزيمه كبيره؟
أديم:اييه
نجد:انغام انتي تقدرين تقنعيها قولي لها تسويه في شاليه كبيره مره وناخذ فيها يومين؟
انغام:إن شاءالله توافق
ايلاف:الله يسمع منتس
وبدو البنات يسولفون ويضحون ودايم إذا جلسو مع بعض مافي نفس ثقيله وصداقتهم حلوه بمعنى الكلمه لدرجه الكل يحسبهم خوات وانتهى يومهم في بيت نجد...
_______________
الصباح الساعه ٧:٠٠
قام ادهم وصلى ورتب نفسه وقف قدام المرايه بهيبه ومسك العطر وحد ببدلته ومسك سلاحه وحطه ب الحزام ومشى وطلع برا وكانت انغام ونجد باقي صاحين وجالسين في الحوش سلم على امه وابوه وطلع
انغام ونجد في الحوش طلع وطارت نجد:ادهم ادهم
ادهم: بسم الله الواحد يسلم اول
نجد تخصرت واعطته بنظرات واضح مصلحه:اسمع ياخوي الكريم العزيز الجميل
ادهم قلدها وقال:اسمعتس سسمي وش بغيتي؟
نجد:امممم انغام هناك وتقول تبي البقاله
انغام وهي متخبيه وتصرخ من بعيد:نجد يااااكذاااابه ماقلت لتس
ادهم:الحين مين الصادق فيكم؟
نجد:مالك شغل المهم تجيب؟
ادهم:طيب بدوم مقدمات قولي تبين شي
نجد:والله انك الاخو البطل
ادهم:والله اني داري انتس ماتحبيني إلا للمصلحه
باس راسها ادهم وقال:توصين على شي؟
نجد:سلامتك
انغام انصدمت من تعامله مع أخواته لانه الكلام الي ينقال عنه يخرع بنص هواجيسها جت نجد تدقها:بنت امشي ننام ترا العصر الكل متجمع ببيت جداني
انغام:امشي ننام
___________________
اما عند ادهم الي طلع
قابل حازم وسطام وحسام و بسام و بدر
ادهم:اعوذ بالله يا الداشرين ورا ما تروحون دواماتكم؟
سطام:ننتظرك يا الضابط!!!
حازم:امش يله ودنا خلص بانزين سيارتي
ادهم وهو يضرب حازم بخفه وبصوت ثقيل:احتزومووو بس ياعيال العممم
حسام:انشهد انك الي ينشد بك الظهر
بسام:كل ذا عشان بيوصلنا
ادهم:اقول اركبو السيارات وانتو ساكتين طيب؟؟
ركبو السياره ادهم يسوق وحازم جنبه والعيال كلهم ورا ادهم شغل شيله وبدا يغني و حسام يصوره من ورا
ويقول بصوته الرخيم:

"مطنوخة الزين كله والدلع والحنان
الغاده الي سبت فكري وعقلي سبي
من زينها الطاغي يغارون كل الزيان
"العنق عنق ألمها والعين عين ظبي
موتً حمر وان تنَثنت كنها الخيزران
الحكي حكي عربي والدم دم عربي
سحر البيان اشهد انها صدق سحر البيان
ماهوب سحر البراقع واللثم والعبي"
حازم:العبببب من تقصد هاه؟
ادهم ضحك:اقولك انطم بس ماقصد حد إذا غنيت لازم اقصد احد ؟
بسام:ايييههه يله من هي سعيدة الحظ ؟
ادهم:مالك شغل بقطك الحين بدواممك
بسام:افا بس افا تطردني؟
حازم:ايه يطردك ليه لا
وصل ادهم الكل دوامه وخلص ونزل دوامه
___________________
العصر في بيت ابو ادهم
ام ادهم دخلت على البنات وتصحيهم:حسبي الله عليكم لا صلاة ولا عباده قومو حسبي الله عليكم!
رند:هاه يمههه شوي زياده تكفين
انغام:اي ياعمه شوي زياده
ام ادهم:كله من السهر وانا اقولكم نامو بدري
قامو البنات رتبو الغرفه و رتبو نفسهم وجلست انغام على السرير:هفففف احس شبعت نوم بس ماشبعت
نجد ضحكت:نفس الشعور وربي
انغام:يمهه ضحكتسس وانتي صاحيه من النوم تخوف
نجد:وجعععع يوجعتس
اديم:صادقه انغام طيب؟
دخلت ام ادهم بقوه:انتو بتجلطوني للحين ماتجهزتو
العنود:لبيه ياعمه عليه نجهز بروح بس بيت جده
ام ادهم:لا ماهو بس كذا فيه عزيمه ترا؟
ايلاف:جد ياعمه من وين لنا ملابس ؟
انغام:بنات بيوتنا قريبه من هنا يعني لاصقه ببعض روحو جيبو ملابسكم وتعالو عندي نتجهز سوا
نجد:بجيب ملابسي واجي معتس من مره؟
انغام تمام يله بقوم البس عباتي ونقابي ويله
قامت انغام وجلست عند المرايه تعدل طرحتها ونقابها:يله بنات امشو وبعدين البلشه وش ذي العزيمه الي احنا آخر من يعلم فيها؟
أديم:والله منجد
انغام سوت نقابها وطلعت هي ونجد والبنات طلعت اول وحده نجد وصادفها قدمها ادهم ناظرت فيه وهو يتأمل عيونها بنقاب و.......

انتهى البارت حبايبييي واعتذز عن السحبه الظروف حدتني اسحب وراجعه لكم بقوههه وبعوضكم عن سحبتي والبارتات الجايه احسنن(اسفه لان البارت قصير اكتب وانا مصدعه المره الجايه ابشرو يكون طويل وتستمتعون فيه🤌🏻🤌🏻🤌🏻