ماغليت مثلك من البشر غلاك على كل البشر الاول

الجزء الرابع

صدت ايلاف وقالت:لاااااا
سيف لمحها وانفتن من قوة جمالها وقال:صديت روحيي بسرعه!
دخل المجلس وجلس مع جده وشوي شوي بدأ المجلس يكثر من أعمامه إلي واحد ورا واحد يدخل ومن بعدهم العيال وعيال عمه من جدهم
حازم:ياجد الفراش الي برا في الحوش وش نسوي به
ابو قاسم كان ناسي من الفراش:ايهههه صح الله يقطع ابليس اطلع برا شيلوه انت والعيال وروحو ودوه المخزن الي في المزرعه
ادهم:ابشر
سطام همس في اذن ادهم:اسمع نروح بعد الغداء نوديها ونروح ندور ومخيم لنا والعيال
سمعه جدهم بما انه جالس جنب سطام عقد حواجبه وقال:دور للحريم بعد!
انبسط سطام مرههه عشانه بيشوف الحب حقه:يالبيهههه ياجد افضل قرار اتخذته صدق
ادهم ناظر فيه بنظرات حاده وعرف المقصد من فرحته ضحك وقال:ياجدد تونا رايحين قبل يومين ماودك تأجل؟
الجد:مالك شغل الأجواء زينه ونبي نغير جو شوي!
ثابت طار من الفرحه اول ماسمع طاري المخيم وفز:بروح ابشرهمم يله ياعياللل
تعريف بسيط عن ثابت
اسمه الكامل:ثابت بن هادي بن حاكم بن سيف
عمره:٢٥ سنه
عنده ٦ اخوان
وبنتعرف اكثر و على عايلته في البارتات الجايه)
.
.
.
عند الحريم"
انغام:بنات يله تعالو نلعب شوي ماودكم نطلع الحوش؟
رمت نوارس المكسنه وهي لابسه روب ورافعته:قدامممم ياشيخه بلا تنظيف بلا بطيييخ
نجد:اقول أرجعي انتي وياها وبسرعه كل وحده تمسك شغلها لاحقين على التفاههه
صغرت انغام عيونها:وش تقصدين يا حيوانه؟؟
نجد شالت العصاء ورفعتها في انغام ونوارس:أوريتس الحين وش اقصد
انحاشو برا و نجد تلاحقهم فيها
وايلاف وريما وصمود ينظفون الحوش الخارجي وكان فيه صابون ومويه وزحلقو الثنتين على راسهم وجت نجد تهجدهم وما انتهبت المويه وطاحت معهم
ضحكت انغام:اخخخخخ يا بنات الطيحه كسرتني
نوارس:ياكلبه قومي تكسرتتتت حسبي الله
صمود:ههههااااااي تستاهلون القمووووو
قامت نجد اخذت البخاخ حق الما وجلست ترشها وترشوا
ايلاف وهي فاطسه ضحك:بنات ويويلنا من جده لو شافت حالتنا كذيه
انغام:انشهد وربي قومو خلصنا تنظيف الي داخل بس بقى المطبخ نكنسه وهنا بس
وبنص كلامها صرت ادهم:ياولد
انغام جت تركض لان الصوت قريت منها وزحلقت
لف ادهم يشوف وش صوت الضربه ذي ولقى انغام طايحه ومنهاره ضحك لفت وشافت ادهم وصرخت:ياملعونننننن اطلععععع
انخرش وصد وثقل صوته:معليش ماكنت قاصد بس جيت بشوف امي ناديها
البنات متخبين ويضحون على حال انغام
انغام:طيب طيب خلاص بناديها بس روح
ادهم:اقول ناديها
ماهي الا ثواني وصوت ام ادهم تنادي:انغام انغاممممم
قامت انغام شلت نفسها وانحاشت داخل وهي تلهث وتتنفس بسرعه:ياعم ياعم ياعمه ادهم برا يناديتس
ام ادهم:يله طالعه
________________
في مجلس الرجال
سيف استوعتكم الله رايح اودي أختي السوق وشوي وراجع
الكل:الله معك
راح سيف اخذ اخته ريما وطلعوا السياره ركبت وهي جالسه تسولف لسيف عن بنات عمها والموقف الي صار وسيف كان مركز ب ايلاف بسالفه
ريما:وتخيل قامت ايلاف و طاحت ثاني مره ورجعت تقوم لين تكسرت البنت مسكينه
سيف:إذا رجعنا روحي تأكدي فيها اوجاع ولا شيء؟واضح الطيحه قويه
ريما وهي تضحك:قويه وبس نسمع صوت الضربات في الارض
سيف:نمر الصيدليه ناخذ لها مرهم
ريما:وقف برسل لها
ارسلت ريما لها وقالت:بنت فيتس شي تبين نجيب مرهم؟
ايلاف:اي والله والله جاء جرح يوجع وفوق ذا كله انحرقت توي
ريما:اقولك جيب مرهم حروق وحق جروح
وقف سيف عند الصيدليه وهو يقول بنفسه:أنا ليه متهم لذي الدرجه شكلك طحت ياسيف طيحه وماحد سمى عليك صدق
راح اخذ مراهم وقف عند السوق الي تبيه ريما و اخذت الي تحتاجه ورجعو البيت
نزل سيف من السياره و سطام وحازم وفيصل و سلمان كانو وبندر واقفين برا
سيف:ريما ادخلي داخل
دخلت ريما وهي قلبها ينبض اول ما شافت سلمان دخلت عند البنات
انغام:اخيراً شرفت ست الحسن والجمال!
ريما:ايههه مرينا بعد الصيدليه عشان ايلاف وجروحها
نوارس :عندي لتس اخبار البطلهههه
صمود:ايه وحنا غرفتين انتس تعشقين ذا الشي
ريما استغربت:وشو؟
انغام:بنروحححح الببرررررر
ريما نطت من مكانها:احلللفي!
انغام:وربي تذكرين يوم جاء ادهم؟
ريما:ايهه
ترا جاء عشان يقول لامه انحنا بنروح بعد يومين
ريما:فلهههه وربي يله شكلي بجهز اغراضي ونفسي من الحين
نوارس:كلنا كلنا يله!
انغام:اسمعو بليل دقو علي ونجهز اغراضنا سوا حماس ياخي
نجد:منجد
الساعه (١٠ اليل)الكل رجعو بيوتهم وكانو البنات على اتفاقهم.
__________
عند شلة ادهم الي مستحيل يهجدون
ادهم:يعيال يله ماودكم نفر فره؟
سطام:الله يفر راسك ترا قده ليل الناس تبي تنام وانت تفرفر
ادهم مسك سطام من رقبته وهو يمزح:اقول بعقلك في السياره من فوق وافر بك العالم كله احمد ربك عاد
حازم:بس بس فكونا الله يسعدكم وانت وين تبي تروح الساعه قدها بتجين ١٢؟
ادهم:والله من الطفش وش نسوي عاد
سطام:والله انك صادق طيب شرايك نسوي مصيبه وتكون فله
سلمان:شكلك من زمان ماجربت تسفيل جدي انت ماتتوب ماتتوب؟؟
سطام:بيني وبينكم لا في البدايه اذا سفل فيني اندم وبعدها اجلس انكت على نفسي
ضحك ادهم:انشهد انك ماتتوب والله بس يله كلنا في الهواء سوا
سلطان:يله نروح السطبل؟
ماجد:انت انت تبي جذي ينحرنا ولا وش ممنوع نروح ل السطبل ١٢ ساعه
سلمان:عادي ياولد من بيدري عننا!
ماجد ضربه ضربه خفيفه في راسه:ياذكي ناسي ان فيه كاميرات؟
بدر جاهم يركض واضح الفراحه على وجهه
سلمان:وش بلاك انت
بدر اخذ نفس عميق:بكره اعلنو في الاختبار رمضان!!
سطام:احلف يولددد
بدر:وربي
سمعهم ادهم وراح داخل يبشر العايله ان رمضان قريب
______________
عند الحريم بالصاله
انغام:صوت العيال يصرخون برا وش فيهم ذول
ام قاسم:مهابيل
ادهم:ياجده
ام قاسم:لبيه
رند:ياجده ليه تقولين له لبيه وحنا بالقوه تردين علينا
ام قاسم:انقلعي ياقوية العين
طلعت ام قاسم لأدهم الي مبسوط اكثر واحد انه رمضان:ياجده ابشرتس رمضان احتمال بكره ولا بعده
ام قاسم:طيب والبر؟
ادهم ضحك:ياجده انتي همتس بس البر عادي نفطر في البر مافيه مشكله
ادهم رفع صوته عشان الكل يسمعه من كبير وصغير:ابشركممممم بكره رمضان يعااالم
الكل سمعه وانبسطو خاصه ان العايله كلهم يحبون اجواء رمضان وعشان يتأكدون من الخبر فتحو قناة الاخبار
انغام:يالبيههههه الحين تجي احلى سهرات واحلى أكلات بعد
نوارس:صدق فلههههه
ايلاف:يله يا بنات امشو نروح نشوف احد يودينا ناخذ مقاضي رمضان مسرع جاء احس وما فيه وقت!
ريما:بقول لسيف يودينا وكل وحده تقول لامها تكتب الي تبيه عشان نرجع بسرعه ويمدي حتى نسوي سحور
رند وهي منسدحه على فخد غيداء:أنا مابروح معس يا انغام ترا مالي خلق
غيداء:كلنا بنروح حرفياً وانتي لحالتس؟
رند:بطقاق اهم شي انام
ريما دقت على سيف
سيف:هلا وش بغيتي في احد يبي شي؟
ريما:لا بس اسمع نبي مقاضي رمضان كلنا بنروح مو كلنا نصنا يعني
سيف:ايلاف معكم؟
فجأه تكلمت ايلاف وهي تصرخ:بنات يا كلاب نقابي ويننننن؟
سيف ابتسم من سمع صوتها وقال في نفسه:ليتنييي نقاااب
ريما:اقول اقول اقول اسمع لا تجلس تحقق من بيجي ومن مابيجي تودينا ولا ادق على ابوي؟
سيف:لا لا ابشري بوديكم أنا تجهزو واذا دقيت اطلعو
ريما:طيب
العمه فوزيه:بروح معكم اخذ مقاضي لامي وقفو
________________
بمجلس الرجال
سيف:يبه بوديهم يأخذون مقاضي رمضان
حاكم:زين سويت لاني عارف انهم بينادوني وانا مالي خلق بناممممم
ابو حاكم:والله لو أشوفك نايم ما تسلم مني جرب بس انقلع سو الي قلت لك
حاكم:يايبه ابشر بكره ان شاءالله
ابو حاكم شد على كلامه:حاكم قلت لك قم انقلع
ابو قاسم:اخذ العصاء ولسع فيها حاكم قم قم
ادهم مسك بطنه يضحككك
وطاح فوقه سيف الي انهار ضحك بشكل مو طبيعي على شكل حاكم
حاكم حك راسه:انكتم انت وياه انكتم
ادهم:اقول امش معي اخلص ورانا شغل واجد وباقي الذبيحه
حاكم ماني بقايم تعال قيمني
ادهم:الكسول
سحبه ادهم وطلعو وهم طالعين صادف انغام الي كانت لابسه نقاب وعيونها تفتن بشكل مو طبيعي يحاول ما يناظر في عيونها بس جمال عينها تغصبه
انغام كانت تحاول تشيل البزر الي متعلق فيها وتقول له:يله قوم بجي بروح الدكتور واجي
ادهم:حاكم افتح السياره بالله وجاي
حاكم:ابشر
راح ادهم عند الصغير عشانه يعرف يتعامل مع الاطفال صح انه عصبي ولاكن مع الاطفال شخص ثانننني قرب وجلس بعيد من انغام عند البزر و.....

هلا والله ارحبوووووووو
اسفه على السحبه وربي سحبتي ذي مالها عذر اسفه 😢
المهم رجعت لكم وبقوهههههه وابشرو بآليّ يرضيكم
ورمضان مبارك 💗
بعد الفطور او السحور من عويناتييييي الثنتين بنزل لكم بارت ثاني انتظروني وفوق ذا كله البارت قصيررر😔
بس ابشرو اليوم ترقبوووووو وضيفوني انستا 🤍.