النيراث وهَج انتقآم

13

وجرحٍ تحت السرج مُتداري
لا الخيل تَشكي ولا الخيّال داري،

__________________________النيراث
<أيدان بشار>

لطفا ً لا تنسون آلتصويت

{رتيل}

فتحت عيوني بعد ماجنت متكسره وجهي يئلمني من الضرب الي عليه روحي بايده بالكوه احرك شي بجسمي، باوعت للشباك أشوف الدنيا صبح الجو مشمس يفوت ويطلع الهوه منه ، اهذت نفس سندت نفسي شويه وخرت الغطه عني وكمت ردت افتح الباب بس كلبي نقبض اخاف رامي موجود جوه وشلون بيه، خفت افتحه رجعت للسرير كعدت ودموعي صبن بقهر ، ليش هيج اني شسويت. ليش يعاملوني هيج والله ماسويت شي الهم، مسحت دموعي فتحت الجرار اليمي مالكيت تلفوني دورت زين مالكيته كمت فتحت الباب باوعت اشوف ماكو احد القصر هدوووء
سديت الباب على كيف ونزلت من الدرج متوجه للمطبخ رحت ركض ، شفت ميري رحتلها بسرعه اول ماشافتني حضنتني وحجت.

ميري: ماما انت شسوي هناا روح روح بابا رامي لا يقتلك.

رتيل: مارح يكدر يسوي شي هاذي خزعبلات مسوي نفسه رجال يمي ويم نسوانه خروُف .
اء ميري وين تلفوني؟

ميري: ماعرف ماما اكيد بابا رامي اخذه.