______________________النيراث
في قلمي رواية النيراث .
أيدان بشار .
لطفاً لا تنسون التصويت بين الفقرات +تعليق
{يسُرا}
كعدت الدنيا صباح وعلى نفس الروتين اليومي اشتغل انضف واغسل وكله لخاطر ابني يوم اشوفه مو يمي ومايعرفني كلبي يتكطع الف كطعه . بس الحمدلله يوم اشوفة كل تعبي يروح .
كملت اخذت الصحون خليتهن على الطاوله الكل اجه كعد اجه ابني شايلته ياسمين تلعب ويا وتضحك وهو هم وياها يضحك ، باوعتله وبتسمت بخفه وحزن . كعدت وكدعته يمها وهيَ تباوعلي بخبث .
آسيا: كملتي كلشي يسُرا .
يسُرا: بلي مدام كُلشي جاهز تأمرين بشي بعد ؟
آسيا: اي اخذي رافي وغيريله هدومه حتى يروح للمدرسه.
تعجبت ياسمين ضلت تباوع عليها متعجبه عاكره حواجبها مو راضيه . خزرتني وهي موجه الكلام لمدام اسيا .
ياسمين: اني اساعده مدام اسيا . يسُرا عدها شغل لازم تخلصه .
آسيا: مو لازم . لمن تخلص من تلبيس رافي . تبقه تكمل شغلها .
ياسمين: بس مدام اسيا .
اسيا: يسُرااا . اخذي رافي وسوي الي كلت علية .
صاحت بتكبر وهيَ تاكل عيونها بالاكل .
ياسمين فد مره تخبلت من حجت هيج . ضلت تباوع علية تخزر بيه رحت تقربت اخذت رافي لزمت ايده واني ابتسم بخفه اجه وكف وهو يباوعلي مستغرب وبس ساكت . نزلت على طوله لزمت اكتافه بخفه ابتسم بخفه وهو يباوعلي وحجيت .
أنت تقرأ
النيراث وهَج انتقآم
Actionضيع الجرح مكانه وما عرف وين ينمد وتاه المرهم على يا جرح يرهم وينمد صرت دوه لكل عليل وبيه العافيه مني تنمد وبوكت فرت ناعورها وياي الدنيه محد رد دارت وجوها الوادم وسدت البوب ومحد عرف بخيه شصاير ويذمونه نوب'
