#سدفة انتقام
#بقلم Fatima _kazem
سيحكم عليك الناس مهما فعلت ...
-لذا افعل ما يجعلك سعيداً ولا تبالي بأحد !💙
...............................................................
متمددة على فراشي احاول استوعب اني وين وصافنة على البردة لانها تطبب ضوة قليل هااي حالتي من زمان من اكعد من النوم واترقب نفسي بس كلعادة دمعتي منزلت وخنگتي مراحت يله عاادي اني متعودة فهسه لازم تكومين لان اليوم بداية جديدة ولازم تثبتين لنفسج انتي كدها فكوومي وتحضري اوكي مثل كل يوم احفز نفسي بس داخلي ميت مالي خلگ احرك اصبع واحد لاءء كوومي يله مو بكيفج ...كمت كمت ياا اووف رفعت جسمي والله مابيه حيل اووف شلت گذلتي بماشة وكمت لبست تشيرت لان لابسة كيمونة وشفت الساعة ب٦يله فد ساعة واطلع انوب ساعة واوصل هم يله ويه ازدحامات بغداد كمت اسحل بروحي فتت للحمام فرشت سنوني وغسلت وجهي باوعت لروحي بالمرايه وحجيت واحد اثنين تلاثة وبتسمت وطلعت نزلت لكيت مريم وايهم كاعدين على الميز ونايمين على روحهم ورانيا واكفة على طباخ تسوي ريوك كلت
صبااح الخير يحلوين
رفع راسه ايهم صباحو عمتو رحت بوسته ...يمه فدووة لحبيب عمته لقلب عمته وانداريت لمريم رفعت راسهاا وبوست خدووودهااا قوييي عاد تأفأفت ...تافيي اسوو عوفينيي واني مستمره ابوسها عاد طب يوسف للمطبخ وكال
ريم عوفيهاا شلعتي خدودهاا
حجيت ...انته شمخلف متكليي واحجي وابوس بخدودها لحد ماضحكت رانيا كالت ريم
حجيت ...هاا واني رايحة للثلاجة
رانيا ..ريم متأكدة من هلخطوة هااي
حجيت واني اتنهد وانتجيت على باب الثلاجة وهيه مفتوحة ...هيه بكيفي اجاني كتااب نقل ويا الي راح ينقلوهم عارضت وكلت لاءء كالولي المستشفى عدهم نقص بكادر الاطباء شسوي متكليلي
رانيا ...والله يا ريم گلبي مامرتاح خايفة
بأستهزاء...على شنو خايفة قابل راح ياكلني البعبع هه واندارت على الثلاجة طلعت بسكت وانوب حجيت
... صح المستشفى اهلي والحكومي احسن بس نجي علواقع الراتب اضعاف اضعاف الراتب الي استلمه بالحكومي
ومشيت طلعت مي وصبيت بگلاص الي وكعدت اكل بسكت واشرب مي لان مااحب اكل الصبح بس اذا مأكلت شي راح اوكع ادري بروحي
يوسف ...باعي اليوم اكيد راح توقعين على التثبيت بس لتوقعين رأساً خلي مدة شغلج حالياً لستة اشهر وشوفي صرفلج خيرٌ على خير ماصرف عوفيها ورجعي للمستشفى الحكومي
حجيت واني اكل ...هو هم هيج اني حجيت ويا المدير وكلي خوش حجي ودز خبر لمدير المستشفى وكله حقها تجي تدريب بكيفها اذا تريد تثبت على الاهلي اولاء
يوسف ...خوش حجي . رانيا صبت الچاي وجابت جبن وبيض وزيتون ووحليب للجهال وكعدو ياكلون بالكوة توكل بمريم نايمة على روحها مدري شلون مشطتلها ولبستها وهيه نايمة على روحها وايهم يشرب حليب صافنة عليهم يوسف حجه
...اكلج كعد مصطفى
...اهوووو كلشي ولا تكلي مصطفى هذا اموت روحي وانجلط وميكعدد قاطع حجينة احمد هو يدخل
...كعدته بالدفرات بالكوه كعد
حجيت ...ليش كعدت البارحة تأخرت بالمحل
احمد ...لاء ورايه ترتيب وجرد وكومة شغل
يوسف ...مني ومنك والله ولا اكعد هسه
مريم ...اي هباب دوم هلي نام اني وياك ويا تميلة (حباب كوم خلي نام اني وياك ويا جميلة )
احمد ...والله تسوون واهس للنوم خرب نعستوني
رانيا ...ولج اميي صحصحيي ورااج روضة
مريم ...اهوو والله تعتانه انييي .تحجي وتجر بحجيها ورجعت خلت راسها علميز
أنت تقرأ
سدفة أنتقام
Randomسدفة انتقام: يعني ضلمة انتقام من يكرس الانسان حياته واهب حياته على هدف هو الانتقام غركان بهاي الضلمه فجأة يضهر الضوء الابيض ياترى هذا الضوء هوه لي ينور حياته ويسحبه للحياة الخارج لوضلمة وسواد حياته حتطفئ هذا الضوء ام للقدر رأي اخر هذا ماستجدونه...
