#سدفة انتقام
#بلقم Fatima _kazem
كل مر سيمر ليأتي الله باليسر الذي يسر💙
...............................................................
مكنبصة يم اذانها ومغمضة عيني واحجي الي بداخليي احس هلحضات كلش ثقيلة على روحييي ومدااكدر اوكف على حيلي بس مجبورة اخواني بره محتاجيني وجميلة وابن اخوية صح اني مدااسوي شي بس محتاجيني نفسيا فلازم ماانهار او اضعف او اضهرلهم خوفي بمجرد ماابين على ملامحي الخوف راح ينرعبون ويتوترون ويخافون اكثر لان املهم بيه دائماً اني هيج بعز وكعتي ووجعي اضحك واتشاقه واحجي واسولف لان مرة وحدة انهاريت وانهياري طول سنة كاملة من عمري و فلهذا السبب كلت ممنوع انهار ومن احس نفسي طاقتي خلصت وقرب انهياري اعتزل واخذ وضع السكوت واكفة وادعي بداخلي واحجي بهمس بأذانهاا هناك سمعت عيطت احمد
...لااااااا
خارت كل قوايه وگلبي دگاته صارت سريعة كلشش ونفسي ضاااق غمضتت عيني بكل قوتي وداانتضر الكارثة الي راح توكع على مسامعي وسمعت صوت عمر عاط بي بعصبية
...ووجععع شهل عياااط
احمد كله بنترة... المگص وكع وتريد تنطي الك وهو كله چراثيم
فتحت عيني واني مدااصدك الي سمعته والقرآن الخوفة بعدها بيه وجسمي يرجف من عيطته ونفسي لحد هسه مماخذته انتبهت الدكتور عمر يباوع عليه بترقب وعبالك دينتظرني احجي شيي احمد اندار عليه وكال
...اعتذر يجوز يجوز خوفتج
يجوز خوفتجج هذاا صدك يحجي شهكت ونفسي مديوصل لرئتي اختنكتت خنگة موطبيعية وايدي ترجف كمت استندت على السدية مالتها وذليت ثكلي عليها اريد اوكف دااطلع جهاز الربو سمعت صوت عمر يكله لاحمد
يهدوء
تعالل استلم الشغل عني
احمد كله... تمام وبعدين اندار عليه وكال
... ريمم انتي زينه
وكفت ومديت ايدي جوه قميصي اريد اطلع جهاز الربو ماكو غوشت عيني اكثر وكمت مااتنفس ايدي بالكوه احركها ادور على الجهاز ماكو الدكتور عمر وكف كدامي واتقرب عليه وكلي بهدوء
...ريمم دسمعيني
رفعت عيني اله ومدااركز ونفسي ماكو حموت بس انتبهت عليه اتقرب عليه رأساً رجعت ليورة هو رفع ايده بأستسلام
كال بنبرة غريبة... وين جهاز الربو مالتج
اشرت بايدي ماكوو واني استند على السديه باثنين ايديه وحسيت راح يغمه عليه سمعته عاط على الممرضة
...بسرعة جهاز الاوكسجين
سمعت صوت طكطكة غمضت عيني بخدر وفتحتها باوعت عليه واني دااسلم نفسيي للظلام حسيت بايد على ركبتي من وره وطب الاوكسجين بداخلي غمضت عيني واخذت نفس عميق الى درجة صدري انرفع ويا النفس من خنكتي نسيت اكو شي اسمه زفير كمت بس اخذ شهيق جان اسمع صوته بهمس
أنت تقرأ
سدفة أنتقام
Randomسدفة انتقام: يعني ضلمة انتقام من يكرس الانسان حياته واهب حياته على هدف هو الانتقام غركان بهاي الضلمه فجأة يضهر الضوء الابيض ياترى هذا الضوء هوه لي ينور حياته ويسحبه للحياة الخارج لوضلمة وسواد حياته حتطفئ هذا الضوء ام للقدر رأي اخر هذا ماستجدونه...
