سدفة أنتقام

Part 2

#سدفة انتقام

#بقلم Fatima _kazem

سأهرب يوما ما إلى مكان ما تاركاً خلفي كل شيء للا شيء💙

..............................................................

حجيت وياهم اهديهم بس مااشوف الا الباب انفتح وصااار هدووء قااتل واشوفهم وكفوو ووجههم شاحب واتسفطو مثل طلاب الابتدائية برفعة العلم وكلت خلي اندار واحجي وياه واشوف ليش هيجي مرعوبين وخايفين وانداريت جان اشوف شاب طويل وضخم وجتافه عراض واكف وصافن عليهم و جان مبين من ملامحه حاد وشخصيته صعبة جان يكول بصوت بارد وحاد
...اريد تفسير للصار
اضاهر ممنتبه عليه اباوع عليهم كامو يتبلعمون وواحد يباوع بوجه الثاني اني ضجت وتنرفزت يعني مهما يكون ميصير يتعامل وياهم بقسوة ويرعبهم همه مو خدم عنده يضلون دكاترة وعليهم الاعتماد ميصير هيجي يخافون منه ويرتعبون جان افز من صوته العالي واردف
...حالاً
همه كلش صفر وجهم خاصة بسمة كلت راح تتخربط من الخوف لان هو جان يباوع عليها بمعنى انتي احجي فهي من الخوف نكزت امجد بعكسها بمعنى احجي وامجد ضل صافن جان يتقدم خطوتين وحجه بتأتأة
امجد ...أ أ دكتور ط طبعاً الي الي صاا
بعدنه ممكمل جان يعيط بي بس بصوت مو عالي بس بنترة وحدة وكله
...للتتلبك واحجي الي صار بتفاصييل
امجد من الخوف رجع لمكانه وخنس اني هنا صراحة بعد مااتحمل جان حجيت بصوت عالي شويه وثقة
...دكتوور ممسموحلك الي كاعد تسووي هذا الشي ممقبول ابداً شنو معناتها انو تدخل بهاي الطريقة وتحجي وياهم بهذا الاسلوب وتخوفهم هذا التصرف ابداً مو مال دكتور مسؤول شفته باوع وعليه بصدمة بس ثواني وتلاشت صدمته ورفع حاجبه بمعنى معاجبه وخله ايده بجيوبه ويباوع عليه بس مضهره يخوف والله بس ابد ولا بينتله واردفت بكلامي ويا بتحدي اكبر وثقة ...مهما تكون غلطت الاطباء المتدربين على الدكتور المسؤول عنهم يحترمهم ويعاملهم بكل احترام ويخلي الثقة بيناتهم موو الخووف يادكتور وبعدين انته منطيتهم فرصة يبررون ويحجولك من توترهم كلمة على بعضها ميكدرون يكولوها
باوع عليه ووطلع ايده من جيوبه ومشه ليكدام بتجاهي شويه ودنج راسه شويه لان طويل رفعت راسي وباوعت عليه دلالة انو اني مقابلة بهل شي جان يباوع عليه
وحجه بجمود ...ومنو حضرتج حتى تدخلين بيني وبين متدربيني
حجيت بثقة ...مو مهم اني منو المهم انو تصرفك مو مقبول من اي جهة كانت وهذا الشي مو صحيح
كال برفعة حاجب وبتسائل ...وشنو الصحيح ممكن تفهميني
كتلة...انو متتعامل وياهم ومتفكر انو انته الدكتور متخصص وهمه متدربين عندك لازم تخلي تفاهم وثقة بينك وبين متدربينك حتى وإذا غلطو راح يجون رأساً عليك حتى تحللهم المشكلة بدون خوف وارتباك او تردد وبعدين عادي ماكو احد ميخطئ لمفرروض انته تصححلهم اخطائهم
هو جان صافن عليه شلون احجي وساكت وخال عينه بعيني بس اني لا احجي ومنفعلة ومخليت عيني بعينه أبد عاد هو عدل وكفته وكلي بررود ...الي كاعد تدافعيلهم تعرفين شمسوين
كتله بنترة ...لاء مااعرف بس الي اعرفه انو كل مشكلة والها حل ويحتاج هلخوف الي انته معيشهم بي
عدل وكفته وباوع عليهم كال... هذوله الي وراج سوو غلطة جبيرة وبمجالنه ماكو فرصة للاخطاء
النبرة مالته شككتني وخفت هذوله شمسوين بس اكيد موو هذيج الغلطة انداريت عليهم صافنين عليه ومصدومين وشكلهم مقابلين على كلامي ويا عاد رفعت حاجبي الهم وهو واكف ورايه عاد سمعت صوته
كال بنترة وبحدة ...ممكن تحجون غلطتهم
باوعت عليه هذا شبي ميفهم مو كلتله ميصير هيجي يحجي وياهم
عاد زهراء حجت ...ريم حبيبتي احنه الغلطانين شكراً لدفاعج وكلامج بس غلطنه جبير ونستاهل هيج يعاملنه
دااحجي قاطعني امجد...صراحة ايي احنه على خطئنه مال البارحة كلش طبيعي يدزولنه انذار اذا مو يسحبون هوية الطب من عدنه
بسمة نزلت دموعها ...تره احنه منستاهل نكون جراحين
وفهد يهز راسه مؤيد لكلامهم اني انصدمت لكمية الخضوع الافندي مفهمهم اذا غلطو غلط بسيط انو متستاهلون تصيرون حراجين اني بعد عيني صارت براسي باوعت عليه ورجعت باوعت عليهم
حجيت ...هااي شبيكم شنو السالفة ماكو هيج شيي وبع
امجد قاطعني ...غلطنه بتقارير احد المراجعين ومن وره غلطنه جان الرجال صحته تمام دخل للعمليات ويفقد كلية الوحيده العايش عليها
زهراء...ودكتور عمر لحگله بأخر لحضات قبل ميدخل للعمليات
كملت بسمة بدموعها ...جان مات الرجال من وره غلطنه
فهد ...البارحة أشتكو علىالمستشفى وعلى دكتور عمر لان هو المسؤول علينه
حجيت ...شنووو
انصدمت صدمة حياتي يعني جان مات بيها الرجال لو ما وكفهم الدكتور عزه بس لا يسحبون الهوية منهم لان مشتكي عليهم شهل مصيبة وانيي انييي صارلي ساعة مطلعة لساني بطول النعال عليه وهو الصح خرب هذوله مال اعدام خرب يومهم بعدنيي داافكر وطلعني من تفكيري صوته