سدفة أنتقام

Part 8

#سدفة انتقام

#بقلم Fatima _kazem

القوة هي ان تقوم القيامة بداخلك وملامحك لايظهر عليها سوى السلام 💙

..............................................................

كاعدة واسولف كبال گبر ماما ومسويه التلفون صامت ماخليت شي ماحجيته الها وضحكت  وفضفضت .جريت البطل المي وفتحته وشربت ونزلته ورجعت شربت ونزلته وهم شربت ونزلته سديته وكلت الحمد لله باوعت لگبرها واردفت

...علمتيني اشرب المي على تلث دفعات لان الرسول (ص)هيج علمنه واني من علمتيني لحد هلحضة اني اشرب المي على تلث دفعات ههه تعالميج ونبرتج لحد هسه بأذاني  ابتسمت وتربعت كبال اسمها واردفت
علمتيني ماااعلي صوتي على الزلم وعلى الاكبر مني اووكي لتباعين هيج صح مرات يعلى صوتي بس من اتنرفز مااسيطر على روحي هه عاديي ايي وعلمتيني مااختلط احترم الكدامي اي ان كان وعلمتيني مااغلط ولساني يصير موو حلو علمتيني شلون احترم نفسي بأسلوبي وكلامي واخلي الكدامي يحترمني وعلمتيني مااكره واحقد ومااحجي على احد بظهره ومااتدخل بشي ميعنيني وعلمتيني انو اني حلوة بس بالستر احلى ومحد يستاهل يشوف شعري او جزء من جسمي ولا احد يستاهل انو اتحاسب بيوم القيامة علمود اظهر جزء من جسمي او ارخص من نفسي علمتيني انو الثقة هي نجاح العلاقة ان كانت نوع العلاقة اخوة صداقة محبة اووو .علمتيني مااسامح لان الاسلام هو سلام هو دين التسامح  حتى لو الشخص المقابل غلط بحقي اسامحه لان اكو رب الحق هو الي ياخذلي حقي علمتيني اكون حدية بس مو متكبرة علمتيني انوو ماانغر بحياة الدنيا علمتيني اخلي حدود بيني وبين الرجال ومااتعده حدود الله علمتيني مااخلي عيني بعين رجال ولا يتقربلي شخص بحرام ولا يلزمنيي او يطخني واكوون بعيدة عنه
صفنت بنهاية كلامي نزلت راسي وفركت ايدي واني اتذكر الي صار بالمستشفى من جنه بالغرفة

...خوش فكرة لعقابج
باوعت عليه  وكفت كباله وكتله
...شنوو

ابتسم بشر وكال
...انوو توكفين يم الحايط وره الباب

فتحت عيني ونترت ...دكتور شنو السالفتك

كال بأبتسامة باردة ...ريم لتزيدين عقابج

كتله ...هو شنو ازيد بعقابي خير سالميين

كلي برود ...عاجبني اغير من عقابج

اتقرب الي اني رجعت ليوره وكتله اني ااشر بأيدي حتى يوكف
...لتتقرب دكتورر اببقى بعيد

مهتم وتقرب بخطوات هادئه وملامحه جامده تحفظ ملامح وجهيي وكان بنبرة ثقيلة

...ريمم مااحب ابقي الشغل واكف ومستحيل اخليج تكملين بأخطائج واني مااقبل بالاخطاء فلازم تتعاقبين

حسيت انو الحايط الي بصف مكتبة صار قريب بس مهتميت وضليت ارجف ليوره وجههي باهت وجسمي بداخلي يرجف حاولت قدر الامكان ماابينله ضعفي بس مااكدر اباوع عليه ملامحه الجامده والبارده وعيونه العميقة ترعبني وعرفت حيصير شي موزين انضرب ظهري بالحايط وكتله بهستيريه