التفت لها ليجدها تنظر له بنظرة لم يفهمها اقتربت منه لتربت على كتفيه بحنان.
تمارا : قرب يا بني انت خايف كده ليه لتجذب يديه وتجلسه بجوارها... انت شكلك عشت ايام صعبة اوي منه لله والدك.
عند هذه النقطة تذكر ما كان يحدث له لينكمش اكثر بمقعده.. لاحظت خوفه لتربت على يديه.
-محدش يقدر يقربلك هنا حط في بطنك بطيخة صيفي انت مش مع اي حد يا زيزو ونبي كلك البت ساجده.. الا صحيح هي فين.
نطق زياد اخيرا : انتي عرفتيني ازاي.
تمارا ابتسمت له بثقة : هفهمك كل حاجه بس تاكل الاول وتغير هدومك واوعدك هنقعد انا وانت نرغي بس قولي الاول حصل معاكم ايه... وليه ساجده و والدتك مجوش معاك.
-ممكن اشرب مايه انا عطشان اوي.
استغربت من رده لكن لم تعير انتباه لتدفعه نحو البراد : عندك يا حبيبي المايه انا سني ميسمحليش اقعد واقف كتير انا لاقيه ركبي في كيس شيبسي.
ابتسم زياد لها لتقول (ايوه كده اضحك خلي الدنيا تنور قوم يا ضنايا اشرب كده وروق نفسك وانا هخلي البت شيماء تعملك احلى غدا)
ـــــــــــــــــــــــــــــــــــــــــــــــــــــــــــــــــــــــــــــــــــــــ
فتحت عينيها بصعوبة لتحاول معرفة اين توجد ولكن لم تستطع لعتمة المكان.
جست على ركبتيها وبصعوبة استطاعت فك قيد يديها لتنظر نحو ساعة يدها لتفتح الكشاف.
ساجده وهي تلملم شعرها : والله لاوريك بس اعرف اخرج من هنا الاول.
ليأتيها صوته : تؤتؤ مكنتش اعرف انك بقيتي شاطره اوي كده لا وبتفكي احبال كمان... بس ملحوقة اصل العيب مش عليكي العيب على جودة الحبل اصله كان مربط اخوكي طول ال15 سنة.
وقفت ساجده بضعف من الم رأسها : انت كنت قايل انك مش ابويا الكلام ده حقيقة.
اقترب منها مالك ليبتسم بتشفي على مظهرها : اها الحقيقة اني مش ابوكي وعلشان خيالك ميروحش لحتة بعيدة انا عمك اللي ابوكي بعد عنه من يوم الحادثة.
ساجده بعدم تصديق : انت مصدق الكلام اللي بتقوله لا برافو بجد عشان اقول انك ضحية وكده لا فوق انت اصلا ولا حاجه.
ليقاطعها : عاوزه تعرفي الحقيقة ده اللي عندي مش عاوزه اضربي دماغك في اتخنها حيطه.
جلست ساجده وهي تحاول التنفس بصعوبة : حقيقة ايه.
تحدث مالك وعلى وجهه علامات الغضب : ليا شرط مش انتي عاوزه تخرجي من هنا انتي وامك اومأت له ليردف... جيبيلي زياد لهنا واوعدك انك هتبقي حرة ومامتك مش هقربلها.
ساجده بتفكير وهي تحاول الوصول لحل يجعلها فقط تخرج من هذا المكان : وانت عاوز ايه من زياد.
أنت تقرأ
سرابيل الزمن ©️
Приключенияحُكم عليه بالهلاك قبل ميلاده دون ارتكابه للأخطاء ولد ليصبح سجين الظلام و وحدته ونيسه وصديقه الابدي ليرافق لأعوام لا يعلمها الا سجانه الموت المنتظر ولكن بلحظة يتغير مصيره فتبدأ رحلته لعثوره على نفسه.
