صغيرة زعيم المافيا🔥

تشويق🔥

دخل أسيد للدار يسمع في العياط
لقا فارس يضرب في ملاك
اسيد : عينيه حمارو فاااااااااارس بلعياط
فارس : صاي مقدرش علبالو بلى اسيد مش راح يرحمو و لا يخليه حتى يبرر
فارس : اسيد والله ماني غالط لقيتها مرندفة مع طفل في كلاصة وحدهم و قاعدين بحدا بعضاهم مقدرتش نشوفهم بهذاك لمنظر ازبي منيش غالط
أسيد : قرب ليه و فارس قاعد يهرب
أسيد: تهرب ني***امك  اني نهدر تتحرك او يزيد عذابك مكلاه تريسكي بروحك
حكمو أسيد يضرب فيه قتلو بالضرب و سليمة مقدرت دير والوا غير ساكتة و تدعي في ربي بيسك علبالها ماراح تقدر دير والوا مع أسيد و علبالها بلي واحد ما يقدر يحبسو في هاذي لحظة
قعدت غير تبكي هيا و لينا
ملاك في قلبها : كلب يستاهل نشالله يقتلو و يهنيني منو
و مبعد سيبو أسيد دار ليها ديراكت و عطاها بوحد الكف حتى طاحت في لرض كف تاعو قاوي على ضرب تع فارس يا الرحمة و الضرب تع فارس مقدرتش تحس بوجها
أسيد : لخطرة هاذي عاڨبت لخطرة لجايا نمحيك من الدنيا اكي علبالك نتا آخر خطرة بدلو وجهكم عليا منحبش نشوفكم طلعو في زوج لبيتهم و قعد يشوف في امو و لينا كيفاه الدموع في عينيهم و خايفين منو
طلع ديراكت لشمبرتو و غلق لباب و بقا يضرب في يده مع المرايا و الحيط يديه تحلو غير بالدم
أسيد: كيفاه نضربهم كيفاه قدرت نحط يدي عليهم هوما كلش في حياتي كيفاش نخيلهم يخافو مني لهاذي الدرجة و مبعد بشويا هدا و دخل للدوش يدوش
ملاحظة :
أُسيد: عمرو 24سنة

✨نروحو لحياة البطلة تاعنا✨
البطلة هيا أية صحبت مريم كان تتفكرو
أية كانت من الطبقة المتوسطة يعني الحمد لله ،في يوم من الايام العائلة تاعها خسرت كلش باباه انتحر و أمها توفت بعد ابوها بأيام  قاعدة يتيمة، عكس عائلة مريم لي كانت ثراوة تاعهم تزيد يوم بعد يوم و حتى غرور مريم بدراهم ولديها قاعد يزيد كي قاعدة أية يتيمة أخذتها عائلة مريم صحبتها زعما يربيوها بصح كانو يعملوها كيشغل خدمة عندهم
شخصية مريم مازالت متكبرة و مستفزة مغرورة و واحد ما يحملها
أصبحنا وأصبح الملك لله ✨
   ناضت مريم راحت ديراكت دوشت و مبعد لدريسينغ لبست حوايج الرياضة و خرجت تجري
ناضت أية دوشت و راحت لدريسينغ لبست حوايج و هبطت تفطر معا والدين مريم فطرو عادي و مبعد راحت تقرا رجعت لعشيا للدار
راحت ديراكت لشمبرتها دوشت ولبست بيجامة و قعدت تقرا في روايات تاعها

نرجعو لبطل تاعنا

بعد ما دوش  بدل حوايجو لبس و حط من ريحتو لي تتشم حتى على بعد 100klm كلعادة لبس ساعتو و هبط للعشاء لقاهم كل في الطابلة قاعد و بداو ياكلو و فارس و ملاك محبوش ياكلو زعما مشنفين
أسيد: تاكلو وحدكم و لا تاكلو بيا انا خيرو و اختاروا
و راح ياكلو تع بسيف و عم الصمت في الطابلة
قاطعة لينا هذاك الصمت
لينا : أسيد خويا راح نطلب منك حاجة
أسيد : تفظلي يا روحي اطلبي
لينا : اسيد غودوة عندي حفلة تع صحبتي روزا و حابة نروح تخليني نروح
اسيد : باينة نخلي بنتي تروح 💋
لينا : شكرا حتى انا علبالي ههههه
اسيد : وش راح تديلها كادو
لينا درتلها بارير تع ذهب
أسيد: اهيه مليح كشما خصك ولا باباك راني هنا
لينا : مرسي يا روحي ربي يخليك ليا نشاللله 🥺❤️
أسيد: نشالله بنتي الزينة ❤️
ملاك : لينا انا راح نديلها هذيك الروبة لغوز لي عجبتها
لينا : ايه تهبل لي كيما تاعك
ملاك : ايه
ملاك : أسيد مام أنا عرضتني روزا صحبتي غودوة للحفلة نروحو انا و لينا
أسيد: شكون قالك راح نخليك تروحي
ملاك : يخي خليت لينا تروح
اسيد : قلت لينا روحي مقلتش ملاك
ملاك : و كيفاه هي تروح و أنا منروحش
أسيد: إيه هيا تروح نتي متروحيش
ملاك : اسيد عندي شهر و أنا نوجد للحفلة أسيد مديرهاش بيا الله يسترك
أسيد:تعرفيني منحبش نعاود لهدرة قتلك متروحيش سي متروحيش صاي مكنش هدرة أخرى
ملاك :😲😡😭 بقات تبكي زعما باه تغيضو
أسيد:علبالك دموع التماسيح متعڨبش عليا ملاك
ملاك : ناضت من الطابلة علبالك نكرهك منحملكش ديما تفضل لينا عليا ديما هيا دير كلش انا لا ديما انا متخلينيش نروح و هيا دير كلش برحتها ايه علاه مديرش بيسك واقف معاها بصح انا لا معندي اب معندي اخ أبسط حاجة ام دافع عليا مكانش شغل زايدة انا في هاذي الدار نكرهك اسيد منحملكش نشاالله لحاجة لي تحبها تخسرها في حياتك و ناضت راحت لشمبرتها و قعد هوا في الطابلة
سليمة : أسيد ولدي مديرش عليها ختك في فترة مراهقة مازالت صغيرة مهيش عرفا وش تهدر
هز روحو و خرج ركب في الطومبيل و يمشي بسرعة فائقة تحدا كل إشارات المرور كلعادة  وصل للبحر وقعد على الشط يتفكر في هدرة ملاك

✨نرجعو عند لبنات ✨
مريم : الو ملاك
وي : مريم
سارة : وش لبنات وجدتو لسواري تع لعشيا
ملاك : خويا مخلنيش نجي
مريم : كيفاه يعني الحفلة موجدين و كلش و مبعد ميخليكش وشبيه هاذا
سارة : عادي زيدي حاولي معاه برك بلاك يخليك
ملاك : مشكيتش
مريم : ملاك يعني ابكيلو شويا حاوليه دموع التماسيح عادي مهم يخليك تجي لسهرة
ملاك : خلاص ضرك نزيد نحاولو
ملاحظة (ملاك اخت سارة من الأب و مريم هاذيك لي يكرها أسيد )بصح معلبالهمش بعضاهم بلي هذيك خت هذيك تسما صحبات برك 
مريم : لبنات هايا باي رايحة نوجد روحي
سارة : مام أنا هيا باي
ملاك : انا نروح نحاولو خويا باه يخليني
هيا باي
قعدت مريم تحوس على حاجة تجذب بيها كل لي في لملهى جاها اتصال
أسامة : الو مريم
مريم: الو أسامة وشراك
أسامة: حمد لله يا ربي اسمعي جايا لعشيا للحفلة يخي
مريم : اكيد اسامة
أسامة : اسمعي وجدي أية و جيبيها معاك نعڨبو بيها لوقت
مريم : صعيبة باه نجيبها يلزم حقها
أسامة : شاك فيه 10 ملايين وش رايك
مريم : صاي لعشيا تكون عندك
أسامة:  اني بعتلك وش تلبسيها
مريم : تحبها لهاذي الدرجة
أسامة مهوس بيها
مريم :هههههه لعشيا تكون عندك باي كوبات وصل بوكس في كلش غوب طالون اكسسورات كلش مي مشفتش مريم وش فيه جباتو و دخلت ديراكت على أية طيشتلها لبوكس وجدي روحك لعشيا عندنا حفلة
أية: مريم علبالك منروحش للحفلات هاذي
مريم :لا تروحي منعودش هدرتي مرتين و خرجت و قفلت لباب
يتبع .......