مساء الخير بنات شلونكم شخباركم
مشتاقتلكم الله شاهد عليه..
قبل لا نبدي ب القصة مالتنة حبيت اعتذر منكم
واوضح الكم سبب غيابي هي الفترة
اهلي بيوم خابروني وكالو راح نشيل من بيتنه ونريدج
تجين تساعدينه... استاذنت من زوجي
ورحت بيت اهلي وبدينة نعزل ب الاغراض
طول الايام انا ابجي لان راح افارك هذا البيت
الي نولدت بي وكبرت وشبيت وانخطبت واتززجت بي
ذكريات اخواتي ذكرياتنه وي اهلنه اتمنيت انو ما يبيعونه من صدك مقهورة لان باعو
وخلصنة الاغراض وشلنه للبيت الجديد وانا اباوع ع الباب شلون فارغ وابجي من حركت السيارة كانو يوم عرسي من زفوني 😭😭
وصلنه للبيت الجديد وبدينة نرتب
الاشياء والملابس وصخنت لان انقهرت والله وهسهالحمد الله انا زينة
اونتم اخواتي وتمونون عليه اتمنه تتفهمون وضعي
ما اطول عليكم خلينه نبدي
# قصة_أنا_والأخرس
#بقلمي_جمان_العلي
شكرا لكل شخص قرأ وترك اثر جميل
يلا نبدي
•••••
الصبح كعدت على صوت التلفون وهو يدك
عمة حنان.. شعجب مخابرة الصبح
انكطع ما لحكت افتح الخط.. فتحت التلفون 9 مكالمات فائته دخيلك يا ربي
رجعت خابرت عليه
فتحت الخط
رزان.. هاا عمة
حنان.. ولج يا ها افتحي الباب انصمطت صمط من الشمس
رزان.. يااااا صدك هسه اجيت
طلعت ع السريع فتحت الباب ل عمتي وانا لابسة برمودة وكيمونه
حنان.. يا ولج شلابسة
رزان.. هسه كعدت ع صوت الموبايل وانتي تخابرين
حنان.. هسه بلة ادريس ندري اخرس ما يسمع انتي
شمالج انطرشتي صار ربع ساعة ادك ب الباب
حته الجيران فتحو الباب
رزان... يا عمة البارحة تاخرت ما نمت من وكت
دخلي دخلي جايبة وياهه صمون واجبان ومربة
كالت خل نتريك
كعدت ادريس وحضرت الريوك تريكنه بس
بدون جاي لان ماعدنة لاماعين ولا قوري
شوي وندك الباب
رحت فتحت الباب طلع عمي عبد الله دخلي جوة
خل الولد يدخلون شوي ودخل عمي ومصطفى
جايب طباخ ودبتين غاز شاله هو وادريس وكتلهم عوفو الطباخ ب الترك وياه دباب الغاز
مصطفى انطة علاكة ل ادريس وكاله هي الك
ادريس فتحهه وهو يباوع ع مصطفى طلع جايب اله تلفون وادريس ما قبل ياخذه
أنت تقرأ
أنا والأخـــرس
ChickLitفتاة وحيدة لامها تتطلق والدتها بسبب المشاكل التي حدثت بينها وبين اهل والدها فيقررو الانفصال عندما تكبر الفتاة يريد والدها ان ياخذها ويزوجها لابن عمها الاخرس ماذا سوف يحدث؟؟؟ القصة بقلمي : جمان. jomaan_Alali لا تنسون اضافة القصة الى قو...
