مساء الخير بنات
شلونكم شخباركم
#قصة_أنا_والأخرس
#بقلمي_جمان_العلي
شكرا لكل شخص قرا وترك اثر جميل
يلا نبدي
••••••
نمت وانا انتضر يجي باجر خاطر اشوف ابني
الصبح كعدت لكيت اية منضفة البيت ومحضرة الغدة
صارت ب عشرة ونص واندك الباب
فتحت اية الباب عمتي داخلة ومخليه ابني جوة
عبايتهه وملفلفته كعدت يمي وطلعته من جوة العباية وعافته بحضني وانا ما مصدكة اول مرة اشوفة
من جبت لحد الان هي اول مرة الزمة بقيت ابوس بيه
وعيوني تجروي وحدهه واشم ريحته اية واكفة يم
الباب وتباوع عليه وتبتسم وانا مو مصدكة
وابوس بي
عمه شنو ما يكعد يرضع
حنان.. لا عمة هسه قبل لا اجي شرب مميه خليه ينام
شوي ومن يكعد رضعية
رزان... صبت اية الغدة تغدينة وعمتي نامت شفت اية
مو مرتاحة وتفتر ب البيت جنهه تريدني اسالهه
ع الموضوع
حجيتي وياه؟؟ باوعت اليه وفرحت احساسي جان صحيح هيه منتضرة احجي وياهه
اية... اي حاجيته يعني هو رجع سالني وكتلهه
الله يكتب الي بي الخير وكال ونعم ب الله بليل
انا جايكم وراح كلبي جاي يدك ع السريع
رزان.. الله يتممهه ع خير
العصر راحت اية وصدك اجو وخطبو اية
وعمي كالهه بكيفج. وهيه وافقت ورة اسبوع تم الخطوبة وراها شهرين صار العرس واحنه عشنة حياة حلوة ما بيهه مشاكل
كنت اضن انتهى الحزن وياي والحياة ضحكتلي اخيرا
وراح اقفل باب الاحزان بس جنت اتوهم ..
بليل كاعدين نتعشة وخلصنه عشة سويت الجاي واجيت اشوف ابني لان ما طلع صوته. مو من عوايدة هيج يبقه هادأ كل شوي يبجي دخلت للغرفة ورحت
يم الكاروك
لكيت الدم طالع من خشمه ونازل يم حلكه وجوة
مخدته صرخت واجت عمتي تركض وادريس وراهه
وجهه تارسة الخوف لبست عبايتهه عمتي وانا لبست عبايتي وابجي رحنه للمستشفة اخذو الاطباء من عدنه
يفحصونه وبسرعة مغذيات وكانونه
كالو سوو اشعة بس يخلص هل البطل مال المغذي
سوينه اشعة وكالو نريد سونار كالو ابنكم عنده
ورم وصاير نزيف منطك براسة طايح منكم
كتله ابدا ولا طايح حته ما اخلي وحدة بس من ينام
ضلو كل ساع يسالونه ويحسسوني انا ضاربته
لو موكعته بقينة ب المستشفة وكالو لازم توقعون نسوي عملية ونوخر الورم ادريس ما قبل
يكول بعده زغير
بليل انا وعمتي نسوي خفارات وحدة تنام وحدة تكعد
ادريس راح ل دوامة وبقينه نتأمل يصير زين بس
ابدا حته الرضاعة تركهه ضل عشر ايام ب المستشفة
كالو اخذو ل بغداد هناك دكاترة افضل من هنا
أنت تقرأ
أنا والأخـــرس
ChickLitفتاة وحيدة لامها تتطلق والدتها بسبب المشاكل التي حدثت بينها وبين اهل والدها فيقررو الانفصال عندما تكبر الفتاة يريد والدها ان ياخذها ويزوجها لابن عمها الاخرس ماذا سوف يحدث؟؟؟ القصة بقلمي : جمان. jomaan_Alali لا تنسون اضافة القصة الى قو...
