أنا والأخـــرس

البارت الخامس عشر

.مساء الخير بنات

#قصة_أنا_والأخرس

#بقلمي_جمان

هذا بارت يوم الاربعاء..   اعذروني ع التاخير

شكرا لكل شخص قرأ وترك اثر جميل
يلا نبدي

••••••

لبست  الجبة مالتي  صارت ب ثلاثة  واندك الباب
دخل  خالو وسلم  اجيت اسلم  عليه فاجئني شبكني وذب حسرة...  كال خالو تهون..  ما تبقة هيج

رحت الهم اتذكرت الايام الي من جنت ب المدرسة وخالو يجيبني  وانا اباوع من الجامة وكف  قبل لا نوصل للبيت واشتره عصاير 

طاهر..  ادري بيج تحبين هي العصاير
خالو لا تضوجين..  كل الازواج يمرون  بهيج
امور وبهيج مواقف وانتي فكري   لا تنفصلين عليه
لا تنسين هو وكف ب صفج وتره الطلاك شي مو هين

القرار الي انتي تردي مالج غرض ب كلام الناس
مالج غرض ب ابوج ب امج انتي قرارج اكعدوي نفسج
وفكري لا تخلين الكلام يغيرج

وارجع واكلج الله وهبلج ادريس  ونطاه الج
واكف وياج ضد اهله انا واحد من الناس ما اكدر اعادي
امي وابوي لخاطر مرتي لو مهما صار

رزان..  بس خالو انته امك وابوك مو مثل
عمو ومرته..

طاهر..  بوية مهما كان الشخص ما ينطي ب امه لو جانت الشيطان بحد ذاته ابد ماينطي باهله ذاك من ذاك الي  ينصفون زوجاتهم

رزان..  هزيت ب راسي  وصلنة للبيت
نزلت  دكيت الباب فتحت خالة درة بسرعة وكانها جانت
متانيتنه نجي..

شبكتهه وضليت ابجي
دخل خالو وسد الباب وضل واكف  وانا شابكة خالة
وابجي

طاهر..  كاافي بجي دخلن جوة..

رزان..  دخلت  وامي تلكتني وشبكتني
تمنيت احس بحنية من تجاهه..  تمنيت صدك هسه
اعرف اذا هيه شبكتني بحنية...  سلمت عليهم
واجينة كعدنه اجن بنات خالي  وسلمن عليه

دعاء..  هسه تسولفيلي من البداية شنو صار وشوكت

رزان.. ما ادري يمة بس اول شي  اجت رسالة ع الواتساب وانا حاجيت خالة درة

دعاء.. وليش مااول حاجيتيني وكلتيلي صارت الهوسة وراحت وانا اخر من يعلم

رزان..  اول ما فتحت التلفون اجت خالة درة وراسلتهه

دعاء.. اي كملي

رزان..  اخذت سكرين كلت خاف محد يصدكني
خالة درة كالت  الي كلي ل رجلج الصبح كعدت ردت
اراوي المحادثة ل ادريس ولكيت المحادثة ممسوحة

استغربت وما كلت ل ادريس.  وبعدين ضلن رسائل
ع الانستا وانا ما وافقت ع الطلب ولا مسحته
ورقية ضلت توديلي رسائل اية واسماء يحجن عليه