الفصل الثاني عشر...
رواية🌸قصيرة القامة طويلة اللسان🌸
#بقلم_شيماء_صبحي
قمر كانت قاعد مع سهر صاحبتها وبيتكلموا وفجأة لقت عبدالله واقف قدامها وعلي وشه القلق " قمر بصتله بإستغراب ووقفت وهي بتقول" خير يا عبدالله مالك !؟
عبدالله قرب من قمر وهوا بيقول بخوف" عمك جه يا قمر وجايب معاه اتنين رجالة من البلد واول مشاف الشباب شغالين في الورشه زعقلهم وخرجهم منها وأنا اول ما شوفته جيت علي هنا علي طول!!
قمر حست ان قلبها هيقف من الصدمة وقفت سهر ومسكتها وهيا بتقول بقلق" قمر انتي كويسه !!!
قمر هزت راسها وقالت انا لازم اروح اشوف ايه الي جايب عمي وعايز مني ايه!؟
سهر قامت معاها وقفلت المحل وعبدالله كان ماشي هوا الأول ولاول مره يخلي قمر تمشي وراه وميكنش خايف؟
قمر وصلت للبيت وبصت علي الورشه لاقت عمها قاعد علي الكرسي بتاع ابوها الي هيا دايما بتقعد عليه وكان ماسك الدفتر بتاعها الي بتحسب في كل حاجه وكان جمبه اتنين رجاله طوال "
قمر بصت علي الشباب وبتدور عليهم بعيونها واول ما شافتهم بعيد ندهت عليهم بصوت عالي وعمها انتبه لوجودها وقال وهوا بيبصلها بسخريه!!
اهلا ببنت اخويا الي ضعيت شرفنا وشرف ابوها!!
قمر بصتله بغضب وقربت منه وجمبها الشباب وعبدالله كان ماشي جمبها واول مهيا قربت قالت " عايز ايه يا عمي وايه الي فكرك بيا؟
عم قمر بصلها بغضب وقال" جاي اشوف المصيبه الي بنت أخويا عملاها جاي أشوف العار الي انتي جبتهولنا!!
قمر بصت لعمها وهزت راسها بعصبيه وقالت" انا مش بنت أخوك ولا أنت عمي ولو فعلا عمي زي مبتقول كنت وقفت جمب أبويا الله يرحمه في تعبه ولا وقفت جمبي أنا كمان بعدما أخويا جمال الله يرحمه مات " جاي دلوقت تقولي انك عمي !!
عمها بص علي الشباب وقال بضيق" إسمعي يابت انتي !!!انتي شاكلك كدا مخبوله في عقلق ومش عارفه انتي بتقولي ايه!!
عبدالله رجع قمر وراه وبص للشباب وكلهم بعدو قمر عن عمها وسهر أخدتها في حض"نها علشان تحميها من الراجل المريب دا؟؟
عم قمر بصلهم بسخريه ورجع بص لأولاده والي جم وقفوا جمبه وعبدالله قال" انت جاي عايز ايه من قمر !
عمها ابتسم وبصله ورجع بص علي الورشه وقال بابتسامه " عايز ورثي وورث ولادي!!
عبدالله "انت ملكش حاجة هنا ولا عيالك ليهم حاجه دا بيت عم عبدالتواب ودي ورشته وقمر هيا الوريثه الوحيده لكل املاك أبوها"
عمها قرب من عبدالله ومسكه من هدومه وقال" وانت بق ايه الي دخلك بيني وبين بنت أخويا!!
عبدالله نزل ايديه من علي هدومه بغضب وقال" انا ابق اخوها الكبير الي عم عبدالتواب الله يرحمه وصاني عليها والشاهد الوحيد الي عارف انك ملكش اي حاجه عندها!
ولاد عم قمر بعدوا ابوهم وقربوا من عبدالله وكانو عايزين يضر"بوه ولاكن الشباب بعدتهم وهما لما شافوا ان قمر وراها رجاله رجعوا ورا أبوهم تاني؟
قمر قربت منهم تاني وقالت" خلاصة الكلام انك ملكش حاجه عندي ولو علي الورشه فهيا معدتش ملكي والناس الي انت خرجتها دي أصحاب الورشه وطلعت عقد من هدومها يثبت صحة كلامها وعمها قال بغضب!! ايه الي بتقوليه دا يابت انتي يعني ايه ياعني الورشه مبقتش ملكك"
قمر ابتسمت وقالت بسخريه" كويس انك عارف انها ملكي"
عمها مسكها من دراعها ولاكن خالد اتدخل ومنعه وشدها وراه وقال" انا لحد دلوقت محترم انك عمها ومش راضي اكلمك انما هتطول ايدك انا هقطعهالك"
عم قمر بص لخالد بصدمه ورجع قال وهوا بيبص لقمر بغضب" راجعلك يابنت اخويا راجعلك ووقتها هاخد منك كل حاجه هاخد حقي وحق ولادي منك !!!
قمر بصتله بغضب وهوا اخد ولاده ومشي قمر فضلت واقفه وهيا بتبصلهم بغضب وعبدالله قرب من قمر وقال وهوا بيمسك ايديها" متخافيش ياقمر مش هيقدر يعملك حاجه الجبان دا انا مستحيل اخلي اي حد يقرب منك طول منا عايش؟
قمر بصت لعبدالله بفرحه انه اخيرا ثبت رجولته ومبقاش يخاف زي الاول مسكت ايديه وقالت ا" طول عمرك وانت سندي يا عبدالله ربنا يخليك ليا!
خالد بص لعبدالله بغيظ وكان هيقرب ويبعدهم بس افتكر كلام قمر ليه فسكت "
محمد لاحظ ان سهر واقفه فقرب منها وهوا بيقول" ازي حضرتك يا أنسه سهر"
سهر بصتله باستغراب ولاكن قالت بهدوء " انا كويسه الحمدلله انت ايه اخبارك"
محمد ابتسم وقال" أنا الحمدلله كويس جدا !
قمر رجعت قعدت علي كرسي أبوها وهيا بتقول" ورشه المعلم عبدالتواب طول عمره بيكبر فيها وبدأها لوحده ولما مات انا وعدت نفسي اني هحققله حلمه واكبرها ومحدش شريكه فيها ومش انت ياعمي الي هتهددني لا انا قمر القويه الي عمر محد كسرلي جناح وطول عمري مبيهمنيش حد مستحيل اخليك تقرب من المنطقه حتي!!!!
عبدالله وقف جمبها وقال" بس ايه العقد الي كان معاكي دا!!
قمر ابتسمت وقالت دا عقد ايجار المحل بتاع البت سهر بس علشان أنا عارفه اني عمي وعياله جهله ومبيعرفوش يقرأو فخوفتهم بيه بس!!
كل الشباب ضحكوا علي كلامه وهيا ضحكت معاهم وسهر قربت منها وهيا بتضحك بهستريا وهيا بتقول" انتي مش معقوله ياقمر"
قمر فضلت تضحك علي ضحكة سهر وكان متابعهم محمد والي كان مبتسم وعاجبه اوي شكل سهر وهيا بتضحك"
قمر اخدت بالها بس تجاهلت علشان متحرجوش وقالت وهيا بتقول لسهر" خلينا نرجع تاني نكمل كلامنا وانتو يارجاله خلصوا شغلكوا علشان هنخرج مع بعض النهارده نغير حو"
الشباب ابتسمت وسعيد سابهم ودخل اول واحد وعمل مكالمه سريعه مع عليا وهوا بيعرفها انه هيجيلها البيت النهارده في السهره"
محمد سمع أخر كلامه وهوا بيقول بحزن" متعملش كدا ياصاحبي بلاش البنت دي!
سعيد بصله وقال" مفيهاش حاجه لما اتسلي شويه ايه المشكله"
محمد" في حجات كتير ممكن تتسلي بيها انما الا الحاجه دي بلاش يا سعيد"
سعيد مهتمش لكلام محمد وركز بس مع افكاره الي مرتبها ورجع اشتغل وهوا بيتخيلها ومبسوط!!
محمد بص علي المكان الي فيه قمر وشاف سهر والي عينيها جت في عينه بالغلط لف وشه بسرعه وهوا مش عارف ليه عاجبه تصرفاتها وأسلوبها جداا........
خالد مسك عبدالله ودخلوا يكملوا شغل وهوا عايز ياخده يديله علقه علشان الي بيعملو مع قمر ولاكن عبدالله مكنش بيفكر في حاجه غير انه ازاي هيتصرف لو عم قمر رجع تاني "
وقمر اخدت سهر ورجعوا تاني للمحل يكملوا كلام لانها حابه تتكلم" وسهر طبعا كانت مبسوطه انها هتغير جو ومش حابه تفكر في اي حاجه تزعجها!!
___________
في ايطاليا هادي وروزي كانو قاعدين في العربيه الي اخدوها من القصر وهادي قال وهوا بيبص للشنط انهم لازم يبيعوا المجوهرات علشان يقدروا يتحركوا من هنا "
روزي هزت راسها واقترحت عليه انهم بعدما يبيعوها يمشوا من المدينه ويروحوا اي مدينه تانيه لحدما الامور تهدي مابين جون وألكسندر"
هادي وافق وقالها علي المكان الي ألكسندر كان قاله عليه وهيا طلعت عارفاه وراحوا هناك !!
وبعدما وصلوا كان مكان شكله غريب جدا ولاكنهم نزلوا وهادي كان بيبص لتفاصيل المكان الي مكنتش مفهومه ؟؟
روزي بصت لهدي وقالت " هذا منزل الروك !!
هادي بصلها وهيا شرحتله انه مشهور بانه بيشتري المجوهرات بثمن كويس!
هادي هز راسه ودخلو للروك دا وكانوا معاهم الشنط واول ما دخلوا رجالة الروك ثابتتهم ولاكن خرج الروك واول مشاف روزي اتعرف عليها !!
روزي سلمت عليه وشرحتله ان وقالت هذا صديقي مارك إبن ألكسندر
الروك بص لهادي بابتسامه وسلم عليه وروزي رجعت قالت" مارك يريد بيع مجوهرات ولاكن كثيره بعض الشئ !!
الروك ابتسم وهما فتحوا الشنط قدامه وهوا بصلها ورجع بص لهادي بابتسامه وخلي رجالته تاخد الشنط ويجهزوا الفلوس وهوا اخدهم ودخلوا مكتبه !!
الروك كان بيتكلم مع روزي وهيا حكتله عن الي بيحصل في شغلهم الفتره دي وهادي كان قاعد ساكت لحدما الروك دا وقف ورجالته دخلت ومعاهم شنطين كبار مليانين بـ الدولارات !!
الروك مسك الشنط وفتحها قدام هادي وقاله ان فلوسه مظبوطه لو عايز يتاكد يعدهم ولاكن روزي اتدخلت وقالت انه ملوش داعي انهم يعدوها وهادي وقف وسلم علي الروك وشكره انه ساعدهم وقاله انهم لازم يمشوا والروك هز راسه بالموافقه " وبعدها هادي اخد روزي ومشيوا من المكان وفي ايديهم الشنط ؟؟؟
وبعد ما بعدوا مسافه كبيرة عن المكان بتاع الروك وقف هادي بالعربيه وقال" الان لدينا ملايين الدولارات ولاكن السؤال هنا كيف سنعمل بكل هذه الأموال!!
روزي ابتسمت وقالت " سوف نذهب الي مصر وانت تفتتح شركتك وانا سأعمل معك"
هادي ابتسم علي كلامها وقال بإستغراب" وماذا عن جين حبيبك !!!
روزي قالت باستنكار" لا اعلم اذا كان جين علي قيد الحياة الان ام قتل!!
هادي لاحظ نظراتها الغير مباليه عن موضوع جين ولاكنه وافقها الرأأي وقرر انهم يرجعوا مصر فعلا ولانه معهوش غير البسبور بتاع مارك فقرر انه هيسافر بيه وطبعا الشبه الي بينهم محدش هينتبه اذا كان هوا ولا لأ!!!
_______
وفي روسيا
وقف جين مع رجالة ألكسندر وكانو قدام فيلا جون وكانو كثير جدا طلب ألكسندر من رجالته يكسروا الباب بتاع القصر وفعلا نجحوا في دا وكانو رجالة جون مصدومين من عددهم وخبروا جون بالاقتحام الي بيحصل علي القصر "
أنت تقرأ
قصيرة القامة طويلة اللسان
Mystery / Thriller🫀أنا امرأة عنواني ألّا أركع لأيّ إنسان. صحيح أنّه رجل لا يُكرره الزمن، ولكنني أنثى لا تُقدر بثمن🫀
