عشقت عذابى للكاتبة زهرة الربيع

الفصل الخامس عشر

سراج قال …عايز مراتي وابني يا نادر مش همشي من غيرهم
نادر بصلو وقال ..مراتك مين انا مش فاهم
سراج قال بضيق وعصبيه..لا فاهم يا نادر طلع تقى بقولك
نادر قال بطريقه تنرفز..انت كده لخبطتني اكتر ..تقى مين …تقى مرات اخويا طارق ماتت الله يرحمها
سراج قرب عليه ومسكو من قميصه وقال بغضب..قلتلك طلع تقى احسنلك… وبقى يزعق ويقول…تقى..تقى اخرجي حرام عليكي تقى ..تقى انتي عارفه انا بحبك قد ايه ارجوكي متعمليش كده..تقى
تقى كانت بتبكي جامد وعلا بتحاول تسكتها وفتون زعلت جدا عليها وعلى سراج لانها عارفه هو بيحبها قد ايه
الحرس وقفو قدام سراج لانو عايز يدخل القصر وبقو يمنعوه ونادر بصلو بشماته وقال…اخرج من هنا على رجليك يا سراج احسنلك بدال ما اخليهم يرموك متكسح
سراج قال بغضب..مش همشي من هنا الا لما اخد مراتي ..وزعق وقال…يا تقى اخرجي بقولك
نادر شاور للحارس الشخصي بتاعو وقال بهمس..اول ما اشاور لكم عايزكم متخلوش حته سليمه فيه تمام
الحارس قال ..تمام يا باشا
نادر بص لسراج وقال..اخر تحذير ليك هتخرج ولا لا
سراج قال بعند ..بقولك عايز اشوف مراتي مبتفهمش مش همشي من غيرها
نادر حب يضايقو اكتر وقال…وهيه مش عايزه تشوفك ولا تمشي معاك بتكرهك قالت انك اتجوزتها بالقوه وهيه مبتطيقكش بتحب طارق وهتعيش على ذكراه مراتو بقى
سراج اتحول لكتلة غضب وبقى يضرب الحرس ويقول..تقى مراتي مراتي انا هتمشي معايا اوعى انت وهو ابعدو بقولكم
وهنا نادر شاور للحرس ونزلو كلهم في سراج ض*رب شديد بقو يضر*بوه بقوه وعن*ف وسراج كل ما يقوم يحاول يدخل القصر تاني وعايز يشوفها باي طريقه
سالم سمعهم بيضر*بوه زق الكرسي بسرعه وراح لهم واتفاجا بمنظر سراج مضر*وب جامد وبينزف بشده وبيقف بالعافيه
سالم قال بحزن..سيبو يا بني كفايه علشان خاطري
نادر كانت عيونه بتطلع نار وكل الي شايفو قدامو منظر اخوه وهو بيودعو وشكل العربيه وهيه بتنزل في البحر ومنظر تقى وكلام الدكتور قال بغضب اعمي…سيبو يتربى كان نفسي في الحظه دي من زمان
سالم قال وهو بيبص لسراج بخوف …لا كفايه كفايه كده هيموت ..يا بني كفايه حرام
تقى سمعتو بيتألم وسمعت كلام سالم بقت خايفه جدا عليه ومش عارفه السبب قامت بالعافيه وراحت ناحيه باب القصر واتسعت عنيها بشده لما شافتو واقع وبيكح والد*م بينزل جامد من بقو وانفو بقت تبصلو بخضه ونزلت دموعها وطلعت جري ناحيتو ونادر كان بيبصلها باستغراب شديد
تقى وقفت قدامو وقعدت جمبو على الارض وهيه بتقول بزعيق…سبوه كفايه..انتو حيوتنات حرام عليكم ازاي سهل كده تشوفو بني ادم بيموت وبصت لنادر وقالت بغضب..انت كده تفرق عنو ايه يا نادر ..انت عمرك ما كنت قاسي كده
سراج فتح عيونه بالعافيه لما سمع صوتها ومسك ايدها وقال بتعب شديد جدا…انا…انا ب…بحبك..ق…قوي….وحط ايده على بطنها وابتسم
تقى اتنهدت وغمضت عنيها بوجع وقالت ….سراج…سراج حاسس بايه
بس سراج ابتسم لها بحب ومبقاش يتحرك خالص
تقى اتخضت جدا وبقت تقوم فيه وتضربو على خدودو وتقول ..سراج..سراج فوق..سراج وبصت لنادر الي كان مش مهتم ابدا وقالت..انت هتفضل تتفرج كتير
نادر قال ببرود.. لا طبعا اكيد مش هتفرج ونادي على الحرس وقال…شيلو البيه ده وارموه في ابعد مزبله عايز كلاب السكك تاكلو قبل ما حد يوصلو
الحرس راحو يشيلو سراج وينفذو الاوامر وتقى اتخضت جدا وقالت ..انت ..انت بتقول ايه لا. لا انت اكيد مش هتعمل كده
نادر بصلها وقال..لا هعمل كده ده الي انا بتمناه من زمان هاخد حقك وحق اخويا ..وبعدين انتي عبيطه بعد الي عملو معاكي المفروض تفرحي فيه
تقى قالت بخوف…لا اا سيبو ارجوك ده..ده انقذني من الموت لولا وجودو كنت مت مع طارق
نادر قال بغضب..لولا وجودو مكانش الحادث حصل مكانش طارق مات اصلا
تقى قالت ارجوك انا عارفه انو اذانا كتير بس ده… ده مش طبيعي والله ما طبيعي ابدا حياتو كانت صعبه اوي سيبو يروح لحاله يا نادر وانبي
سالم قال..ايوه يا ابني احنا مش هنعمل زيو ونقتل ارجوك اسمع الكلام يا نادر علشان خاطري يا ابني
نادر قال بحزم ..الموضوع منتهي خلاص يلا شلوه انتو لسه بتتفرجو
وفعلا شالوه ولسه هيخرجو بيه فتون جريت على نادر وقالت بدموع ..ابوس ايدك..ابوس رجلك يا نادر ارجوك سيبو ده اخويا متعملش كده وانبي
نادر قال بغضب..وطارق كمان اخويا.. انسي ده خلاص جني علي نفسو لما جيه هنا
فتون نزلت عند رجلو وقالت ببكا… ارجوك وانبي هعمل الي انت عايزه اي حاجه تطلبها مهما كانت هعملها…. والله ما هقدر على الوجع ده متخلنيش اخسره ارجوك انت مجرب قد ايه الفراق صعب ابوس ايدك …وبقت تبكي بشده
نادر لمعت عيونه بالدموع ومكنش قادر يشوفها بالحاله دي معها حق هو نفسو مش هيقدر يشوفها بتتألم لموت اخوها بس حاول يصتنع الجمود وقال…امممم ده عرض كويس وقال للحرس..استنو المدام هتدفع تمن حياة اخوها
فتون مكانش همها الا انو يسيبو قالت بلهفه..الي تأمر بيه هنفذو امرك
نادر قال…دخلوه واحده من اوض الخدم ولو انو هيوسخها لاكن مش مهم وكمان اطلبولو دكتور لان التمن غالي شويه… وبص لفتون بنظره مرعبه ودخل القصر
فتون خافت بس مهتمتش ومشيت مع الحرس هيه وتقى علشان يفضلو مع سراج
فتون كانت قاعده جمب سراج وبتبكي جامد جات تقى وقالت بدموع..انا اسفه انا السبب بس هو ..
فتون قاطعتها وقالت..من غير ما تقولي انا عارفه قد ايه اذاكي بس هو بيحبك اوي يا تقى والله
تقى قالت بحزن..اي واحده تتمنى حب زي ده يا فتون بس مش بالطريقه دي خالص ..ده جنون مش حب
فتون قالت بحزن..معاكي حق.. مع انو معذور انتي قمر ما شاء الله زي ما كان بيوصفك بالظبط
تقى ابتسمت ولسه هترد دخل خالد ومعاه الدكتور وعالج سراج وضمض جروحو وقال…هو عمل حادث ولا ايه
نادر قال باستهزاء…اه اصلو مش بياخد بالو خالص
الدكتور قال…طب انا كتبتلو على مسكنات و لازم ياخد بالو من صحتو اكتر لان الضغط مش منتظم خالص وربنا يشفيه
الدكتور مشي وفتون وتقى فضلو جمبو لحد ما فاق
سراج فتح عنيه ببطأ وقال بتعب..تقى
تقى قربت منو بسرعه وقالت…سلامتك
سراج بصلها بحب وقال…الله يسلمك… انا فين
تقى قالت..احم..في القصر
بيبص شاف فتون بتبصلو بدموع وخايفه ما تكلمو سراج بصلها بضيق وبعد وشو الناحيه التانيه ونزلت دموعو بالم
فتون دموعها كانت زي المطر وبتبصلو بحزن وقالت..سراج..انت كويس
سراج قال وهو بيقوم بتعب..هبقى كويس لما اخرج من هنا وبص لتقى وقال…يلا يا تقى واوعدك مش هزعلك ابدا الي تعوزيه هيحصل الي يريحك
تقى قالت تمام لو عايز راحتي..طلقني وسبني في حالي
سراج قال بزعيق…بقولك يلا يا تقى متخلنيش اعاملك بطريقتي
نادر جيه هو وسالم وخالد على زعيقو… ونادر قال بغضب..انت ايه حيوان بتزعق هنا فاكرو بيت الي خلفوك
سراج اتنهد بغضب وبص لسالم وقال…اسمعني كويس انا جيت اخد مراتي وابني وانضر*بت في بيتك مع ان ابنك لما جيه علشان ياخد مراتو ابويا سابو ياخدها ومخلاش حد يقربلو لان ابويا انا راجل وميضربش حد له حق… دلوقتي دورك هطلع انا ومراتي من هنا والا قسما بالله لو ما حصل لتكون الحرب يا سالم يا نوري قولت ايه
نادر قال بغضب…انت بتهددنا اعلى ما في خيلك اركبو و
لاكن سالم قال بحزم..خد مراتك واطلع
نادر بص لابوه بصدمه وقال..بابا انت..انت بتقول ايه.
سالم بص لنادر وقال…تقى ما عدتش مرات طارق دلوقتي بقت مراتو وحامل بابنو ويقدر يرجعها بالقانون سيبهم يطلعو
نادر بصلو بغضب وقال بعصبيه…يروح يجيب القانون بتاعو ويوريني هيعمل ايه هيه مش عيزاه واستنجدت بينا و
سالم قاطعو وقال بحزم… انا هطلع اوضتي يا نادر ولو لسه عايز تفضل ابني سيبو يخرج هو ومراتو ولو قربتلو تاني لا انت ابني ولا اعرفك
سالم طلع ونادر وقف مكانو بصدمه مش مصدق الي ابوه قالو وتقى نزات دموعها بألم بعد ما عرفت ان مفيش فايده وانها هتروح معاه
سراج شدها من ايدها ومشيت معاه وهيه مش مصدقه انها هترجع لجحيمه تاني بقت مستسلمه بشده كان حياتها مبقتش تعنيلها ابدا
سراج خرج تحت انظار الكل من غير ما حد يمنعو ابدا وكانت ضربه قاتله جدا بالنسبه لنادر وبقى زي كتلة الجمر الحارق وهيموت ويعرف ابوه عمل كده ليه
طلع وراه بغضب وقال بعصبيه شديده وزعيق..ليه..ليه يا بابا..ليه عملت كده ..ليه
سالم كان بيتحاشا يبصلو وقال….البنت بقت مراتو منقدرش نعمل حاجه خلاص
نادر خبط الكرسي برجلو بعصبيه وقال..لا انت عارف اننا نقدر..نقدر يا بابا وعمره ما كان هيخرج بيها من غير ما نسمحلو …بتقلي قدامو انك هتتبرى مني علشانو ليه ..يعنيلك ايه علشان تدافع عنو كده
سالم قال بعصبيه وزعيق..افهم يا نادر افهم حقنا مش هيرجع بالطريقه دي اذا انت منعتو يا خدها بكره كان هياخدها بالمحكمه افهم بقى لما ياخدها برضانا احسن ما تبقى غصب
نادر قال بغضب ..يا خدها ازاي وهيه مش عيزاه بالعافيه
سالم قال..لا مش بالعافيه هتروح برضاها البنت معاه اكتر من سنه واضح انو اثر على مشاعرها مقبلتش تحصلو حاجه وحشه مقبلتش انها تشوفة بينضرب او بيتأذي لهفتها عليه واضحه ومش محتاجه اثبات ده حتى لو معرفش ياخدها بالود هياخدها بالتهديد
نادر قال بغضب…يهدد مين وهو يقدر يعمل ايه اصلا
سالم قال…يهددها هيه الي خلاها اتجوزتو علشان اهلها يخليها ترجعلو علشان اهلها برضو …فهمت يا حبيبي
نادر قال بغضب مكتوم..فهمت يا بابا ..فهمت ان فيه حاجه انت مخبيها وللاسف مش واثق فيا كفايه علشان تحكيلي براحتك يا بابا بس من هنا ورايح كل واحد يتصرف براحتو مبقناش نخطط سوا علشان حقنا يرجع لان الظاهر كده انك نسيت حق طارق او يمكن نسيت طارق نفسو… وخرج بغضب شديد
سالم بقى يبص لطيفه بحزن شديد ونادر طلع على اوضتو وهو جواه غضب يكفي كون بحالو اول ما دخل لقا فتون قاعده على السرير بتعب
نادر قفل الباب بعنف وقال بعصبيه…تعالي هنا
فتون وقفت قدامو بخوف شديد واول ما قربت مسكها من شعرها بقوه وقال..مين الي قال لاخوكي ان تقى عندنا ومين قلو انها حامل اصلا اذا كانت هيه نفسها مكنتش تعرف
فتون كانت بتتألم من مسكتو قالت بخوف والم ..معرفش با نادر..معرفش انا مكلمتوش ابدا والله سبني حرام عليك
نادر سابها بعنف وقال..انت لسه شوفتي وجع وديني لاخليكي تدفعي تمن الي اخوكي الواطي عملو لحد دلوقتي
فتون قالت بعصبيه..وانا مالي بالي عملو سراج ..وبعدين سراج اخد مراتو زي ما انت عملت قبل كده يعني مأجرمش دي مراتو وده حقو
نادر اتحولت ملامحو لغضب شديد وقال بهدوء مرعب ..حقو..اااه…قولتيلي على كده بقى انا ليه حق عندك كمان بما انك مراتي يعني ..خصوصا انك وعدتيني بكده لو سبتو عايش ولا نسيتي
فتون بلعت ريقها بخوف وقالت..لا ..لا منستش انا…انا عند وعدي..أأمر
نادر بصلها بوقاحه وقال..اقلعي اهو اعتبر اني جيبت واحده من الشارع.. انتي هتأدي الغرض ووووو

يتبع…..

بقلمي........زهرة الربيع