كانت لحضه محبطه جدا عندما أراك
قمرا مضيئٱ بينما تراني نجمٱ كأي نجمٱ أخر
______________________________________
صار يمشي قبلي واني تبعته افكار تضاربت بعقلي شنو المفاجأه مالته ؟؟
اتوقف كدام الباب اللي يصير بصف غرفته طبعا هاي الغرفه الوحيدة اللي لسه مدخلتلها لان مقفوله دائما عكس الغرف البقيه فتح الباب وشغل الأضويه وصاحني حتى ادخل بلعت ريگي ورجليه خدرن اكو شي يثبتني بالأرض ويمنع تقدمي يمكن الخوف من القادم لان حركات الأكشن مال البنات اشتغلت بعقلي بهاي اللحضه وتخيلت اكو سلاسل راح يربطني بيها ويبدي يعذب بيه نسيت هو ضابط وفكرته مجرم صحيت على صوته وهو يصيح بأسمي
هيصم: لباءٓه شنو حجينه؟؟
حجيت بدون مقدمات :
اشكرك لان فكرت بيه بس اني ممحتاجه شي من عندك ماكو داعي تقدملي شي بعدين اني نعسانه ولازم انام تصبح على الف خير
اتحركت كم خطوه حته ابتعد عنه وقفني صوته وهاي المره جانت النبره حادة و بيها نوع من الأمر
هيصم: لباءٓه تعالي
التفتت اله وابتسمت بوجهه وحجيت بنبره لطيفة حتى استعطف مشاعره :
ميصير تأجل المفاجأة لبعدين حيل نعسانه!!
هيصم: لا اصلا وقتها مناسب جدا الأفضل تتعرفين عليها قبل النوم
فيروز: ليش هي شنو؟؟
هيصم: وشلون تعرفيها اذا متشوفيها لباءٓه
فيروز: مراح تعوفني براحتي اعرف
هيصم: يلا هذا كله ينحسب وقت عليج كلما استعجلتي اكثر كلما خلصتي اسرع
دخل وتبعته جحضت عيوني من شفت الالات الرياضيه الموجودة ،، بوكس معلگه بالسكف وجهاز مشي وبايسكل واكو شاشه معلگها على الحايط مقابيل الأجهزه الرياضية اشرلي بأيده بمعنى اتقدمي سويت مثل ميريد وصلت يمه وهو بدأ يحجي
هيصم: لازم تصير عندج لياقه بدنيه من اليوم راح تدربين ساعة كامله ک بدايه وبعدين نزيد الوقت بشكل تدريجي
فيروز: يعني مچنت تشاقه ؟؟ ..
هيصم: مو من عوايدي اضحك بهيج أمور شوكت تفهمين حياتج مهدده بالخطر وانتي معرضه للخطف بأي لحضه!!
فيروز: مفكرت انو الموضوع بهاي الأهميه بس شنو السبب فهمني ؟؟
هيصم: القضيه اكبر من انو افهمج لباءٓه المهم هسه تصير عندج لياقه بدنيه وتكدرين تركضين وتقوين عضلات الأدين والرجلين حتى اذا تعرضتي لأي موقف سيئ بأستطاعتج تنقذين نفسج على اقل تقدير حتى تتخبين وتتصلين بيه أساعدج
فيروز: افهم من كلامك شنو
هيصم: صح البحث عن خالتج قائم بعد معرفه مكانها لازم ترجعين لحياتج الطبيعة بعيد عن الهيصم
