______________________________________
عقدت حاجبي بتساؤل '
فيروز: منو هذا لهيم؟؟
هيصم: هذا السؤال موجه الج منو لهيم وشنو العلاقه اللي تربطكم حتى استنفر كل جماعته يدورون عليج!!
فيروز: احنه متفقنا تحقق ويايه وانت مو بوعيك روح نام وارتاح وباچر نسولف بهدوء""
ضرب على الكرسي بقوه وزئر بغضب
هيصم: لتحاوووولين تلعبين ويايه لسه متعرفين اني منووو اتقي غضبي وهاي اخر مره أسأل منو لهيم وشنو علاقتج بي!!!
أخذت نفس عميق وحچيت بقله صبر
فيروز: ماعرفه وهاي اول مره اسمع بي ماتربطني علاقه مع اشخاص يمتلكون اسماء غريبه اني مجرد بنيه حالي حال جميع النساء اطلع الصبح الوضيفتي ساعه 2 ينتهي الدوام ارجع لبيتي وهكذا حياتي ماشيه بهاي البساطه حتى اجيت انته وعقدتها''
هيصم: تصحيح اني نقذتج من موت حتمي چان ملاحقچ سواء صدگتي ام لا هاي الحقيقية شغله ثانيه فرضآ صدگت انتي متعرفين لهيم شنو چنتي تسوين ببيت مشبوهه ومثل متگولين انتي بنيه مثل باقي النساء من العمل للبيت ،، والعكس صحيح!!
فيروز: ماعرف,, اني همات تفاجأت من شفت نفسي هناك ونصدمت اكثر من شفتك
هيصم: سولفيلي بتفصيل شنو صار وياج بيوم الحادثه ،، من فتحتي عيونج من النوم حتى اغلاقهن من شفتيني
فيروز: ليش حته اثق بيك ممكن تكون انت هم خطر على حياتي وتريد تاخذ مني معلومات حتى تقتلني!!
هيصم: اني وعدتچ،، احميچ بحياتي مستحيل اخلي شي يضرچ كوني مطمائنه من ناحيتي''
فيروز: بس انت گلت اذا مقتلوج اني اقتلج اعتقد هذا كلامك ؟؟
هيصم: اني گلت؟؟؟؟
عندج دليل!؟؟
اخذت نفس بتذمر ورفعت حاجبي وحچيت بثقه
فيروز: معناها انت مينوخذ من كلامك حق او باطل
يعني ضماناتك بدون معنى!!
هيصم؛ شنو تريدين مقابل اعترافج؟؟
فيروز: شنو ممكن تقدملي؟؟
هيصم: اللي تريدي""
فيروز: حريتي!!
هيصم: مستحيل
فيروز:السبب؟؟
هيصم: الخطر، محاوطج من جميع الاتجاهات وگتلج من قبل اذا رخيت الحبل ممكن تموتين بدون ميكون الج قبر او عزاء يمكن جثه يستدلون بيها اهلج عليج!!
فيروز: لهاي الدرجه حياتي بخطر؟؟
شنو السبب ليش حته يصير ويايه هيج شي؟
هيصم: عن طريق الخطأ دخلتي قوقعه مچان لازم تدخلين بيها بنص دوامه چبيره وناس مجرمين لذالك اتحملي العواقب!!
