وأنا ضايع بين أديك الباردات وبين گلبي المحترگ""
______________________________________
الكاتبه رهف طالب 🦋
دخل للغرفه وهو يحچي سريع
هيصم: اتحركي لازم نطلع من هذا المكان بسرعه ماكو بعد وقت
فيروز: ليش شنو صاير؟؟
هيصم: عرفوا المكان راح يهجمون بأي لحضه لذالك لازم نغير المخبأ حفاضا على سلامتج
فكرت هاي فرصتي حته اهرب من عنده ومستحيل اضيعها لذالك نهضت بسرعه ولبست بنطلون اسود وبدي اسود للركبه و حذاء رياضي ابيض وطلعت من الغرفه صار بوجهي صفن شويه وبعدين اقترب البدي بيه كلاو خله ايده عليه ولبسني ماعرف على منو اتصل بعد عني وجاوبه
ضٓرضٓم: سيدي احنه گدام الباب الخلفي للبيت تگدر تطلع منتضريك
هيصم: والبقيه ؟؟
ضٓرضٓم: الجميع ينفذ الخطه سيدي
هيصم: ممكن ما التقي بيكم اليوم لكن اخباركم أول بأول اريد اسمعها وشنو يصير وياكم
سلامتكم اهم عندي اريد اشوفكم كلكم من ارجع بدون نقص واضح!!
ضٓرضٓم: امرك سيدي
رجعلي لزم ايدي سحبته من عنده رجع لزمها بقوه اكبر وگال
هيصم: اعرف عدل كونان بلش يشتغل بداخلج ويبحث عن طريقه للهرب لكن هذا الشي مستحيل بجودي لذالك عقلج الذكي اتركيه لأشياء ثانيه مثلا وين راح اخذج وخلال هاي المهمه شنو تعانين وانتي يمي؟؟
فيروز: شنو قصدك ؟؟
هيصم: اكره الشرح النضري أحب الدروس تكون عمليه هنا احس بمتعه اكبر
فيروز: معقوله انت انسان عاقل؟؟
هيصم: لسه ماعندي شهاده من الطب النفسي!!
فيروز: شنو تريد من عندي ؟؟
هيصم: انتي مهمه اليه لدرجه متنوصف وعقلج ليروح للحب لأن موضوعچ أعمق من هيچ بهوايه
فيروز: يجي يوم واخلص من عندك مراح ابقى بهذا السجن طول العمر!!
هيصم: تعجبيني من تحلمين احييج على هذا اصرارچ وعزيمتچ قله من الأشخاص المهددين يكونون بهاي العزيمه والشجاعه
وهسه خلينا نأجل هذا النقاش ونطلع من هذا المكان قبل متصيرين في فعل كان
سحبني من ايدي وصار يمشي بسرعه طلعنه من باب البيت الخلفي لان هذا بيه بابين اول مفتحه چان اكو ثلاث سيارات واربع رجال من نفس الشوارب والهيئه مالت هيصم لكن بيهم واحد حلو حيل شكله ابيض يعني مميز بينهم مچانوا لابسين زي عسكري بس عرفتهم اصدقاءه لان مبينين نفس شاكلته ايضا عضلات وكذا
