لنطرق أبوابهم لنعرف قصتهم
ماذا فعلت الُدنيا لهم ! وماهي اقصى خساراتهم
لنستمع ماذا جرى لـ أبطالها ونعيش معاً أحداثها ...
- رواية مَحَطة ٢٠ م .
الكاتبة يَـقين الأكبـر 🤎.
حين الجنوب
يختلفون بلهجتهم عن المُحافظات الأخرى
يمتلكون قلباً طيباً وعلى گولتهم "گلوبنا حنينة ورجيجة"
الچا لا تُفارق ألسنتهم وعندما يحين وقت العَتاب وَالتعبير عن حزنهم يستعينون بـ "الشعر الشعبي "
مثلاً :
وكَت هَذا الضياع يَصير
بأكثر درب جَانت روحَي تندله .
"حَنيتلك يَا أحن چَتال "
وعندما يتعلق الأمر بكرامتهم يقولون":
عزة نفسي اهم من كلبي بهواي
وكسرت خاطري تسواكك كلك
اطخلك راس انا النخل حدري
ياحب ياغزل ياعشك عذري
من دوس كلبي اغفرلك يجوز
بس يم الكرامة اچفه شري ..
وعندما "يعشگون عشگهم يختلف "
وقالها أحد أبطالنا : ..
معيدي وأحبك وأنتَ تدري المعدان
أگطع هوى الله ولاتخرب عشگه ..
أهلاً بكُم بـ الميناء شط العرب
مُحافظة الــبصرة عام ٢٠٢٠ م .
ياقوت: الدنيا عصر بـعـد كم ساعة وتغرب الشمس ويأذن ريحة البخور ملت البيت والشجر أليّ يتحرك من الهوى الخفيف
گاعدة حاطة ايدي على خدي وصافنة بهدوء على الجو وتلفوني بحضني افكر بـ الصراعات الي عشتها والي طلعت منها
وَماعرف شنو رب العالمين ضاملي وهل راح رب العالمين يعوضني على الي عشته ونفس ماگالت رَوا
رَوا:راح يجي الشخص الراح تعيشين يمه "طفلة " وراح يرسم ملامحج بلهوى وراح يسمعج اغنيه يحبها ويذكرچ بيها وراح يجي نفس ماتمنيتي وراح يملي النقص الي خلو بيج اهلج من حنية واهتمام ..
قاطع افكاري صوت الأذان (بِسْمِ اللهِ الرَّحْمنِ الرَّحِيمِ )
أذن وأنا أسمع صوت الأذان والكلمات تخترق گلبي گبل مسمعي كل مرة أسمع صوت الأذان أحس مو مُجرد
صوت يذكرنه بوقت الصلاةأحس تنبيه وتحذير وكـ أنو ينادينه لنلتقي برب العالمين يي هيج أشبّه الصلاة
"هيه لقاء المخلوق بلخالق "..گمت دخلت جوه وأنه أدعي أنو ألتزم بصلاتي وما أگطع هلحبل الوصال البيني وبين رَبي
ونفس كل مرة يلهج لساني
بـ"يامُثبت القلوب ثبت قلبي على دينك وثبت قدمي في دربك ولا تجعل للشيطان مسكناً بعقلي "حطيت التلفون على الشحن وتوضيت وصليت صلاتي أقطع بيها ما ملتزمة هواي واحاول التزم بس كل مرة افشل بس ما ابطل مُحاولات خلصت صلاة بلصالة امي جاي اسوي عشه ورنيم تباوع بلشاشه هيه وأماني رحت للغرفة اخذت تلفوني اخلص يومي بقراءة القصص والكتُب ماعندي صديقات بس رَوا الي هيه صير صديقتي بلمدرسة وبيتهم يبعد عنه شويه بس هم ماعندي احد احجي ويا واقعياً ف التهي بلكتُب والروايات مُشكلتي كلشش انعزالية ومااحب اختلط احب غرفتي وتلفوني وبس اهلي مااحب اطلع يمهم لان كلامهم يكرهني بنفسي وانه نفسيتي تعبانة ف مـاريد اطلع يمهم واسمع حچي رغم يحجون عليه لان طول الوقت بلغرفة بس تعودو ..چنت گاعدة على الجربايه وأصفي بلصور والفيديوات
دخلت رنيم گعدت مقابيلي
أنتبهتلها تباوعلي
ياقوت:هممم شكو !!
رنيم:بعدچ تراسلين مُهيب
ياقوت:عفت الجهاز من أيدي
- ياطلابة مُهيب الماتخلص
رنيم:نصي صوتچ وأحچي بهدوء ماجاي نتكامش
ياقوت:شمرتلها الجهاز
- هاچ شوفي
دخلت على الدايركت مال الأنستا
وشافت صار هواي ماحاچين أخر محادثة لما گتله أمي ماتقبل أحاچيك وأنتهى حديثنه
رنيم:أمم زين بـعـد أحسن
ياقوت:بـعد عندچ شي وياي !!
رنيم:لا
- گمت طلعت من الغرفة وأنه أحس مزاجي تخربط
لازم يسممون الواحد مايگدرون ..
أنت تقرأ
مَحَطَّة 20 .
Romanceتاريخ ابتداء الرواية: 1/7/2024 من أصعب الأمور أن تختبرك الحياة بـعمر صغير وأن تختارك من بين الضعفاء لتُحارب أقدارها لتكتشف قوتك ومدا صَبرك ومن أقسى الأقدار هو أن تضع الأنسان في كذبه كذبه تسرق أثمن السنين من عمره كذبه تجعلهُ يعيش في غرفه مُضلم...
