مَحَـطَّة ٢٠ م .
# يَقيـن الأكبر 🤎.
البـــــصرة ٢٠٢٠ م .
أنة بروحي كل حزن المدينة
شوغة أم غركان ابنها ومالگوه
و أم مفگود ابنها وميت لگوه
وصريخ نثية صغيرة شرفها منها سلبو
وحرگة گلب قاضي يحكم أخوه
وطيرة مكسورة أجنحتها
وتعاين أعله الطيور ..
- بقلمي يَقين الاكبر .
ياقوت:فزيت مـرعوبة وأنة ألتفت جسمي كله يرجف جسمي عرگان باوعت بكل كتر بلغرفة ماكو أحد وهدوء
مشيت بخطوات ثگيلة وباوعت من البردة بدون محد يشوفني لگيت أبوي موجود وكلهم گاعدين بلصالة بس طافية الكهرباء
رجعت للغرفة ونزلن دموعي غرزت أصابيعي بشعري ودنگت وضليت أبچي بحرگة گلب بس كاتمة صوتي الى متى هلكابوس راح يبقى ملاحگني صوت يردد بـ أذاني بصريخ
- كل الزلم هيچ حتى أبوچ مُمكن يطمع بجسمچ
وصوت يرد علي
- ماكو هيچ شي چان هذا كابوس لاتوهمچ التخيُلات ..
بس أنة شفته !! والله شفته
مسحت دموعي وفتحت المجر أخذت من شموعي ألي أشتريهن وأجمعهن هنا لأن أحب الشموع هواي شغلتها وگمت طلعت من الغرفة
رفل:وين رايحة ؟
ياقوت:أسبح
أم ياقوت:ياربي هلبنية راح تموتني وين سابحة والدنيا ضلمة ياقوت:أريـد أسبح ميهمني هاي شمعة شغلتها
تجاهلتهم كلهم ورحت للحمـام گعدت بلگاع وسديت البـاب
هواي أسمع مايصير البنية تدخل للحمام بليل ولاتبچي بي بس ماچان عندي غير هلحل وين أبچي !
حطيت الشمعة على الرف وبقيت صافنة على الحايط
أسترجع كل ذكرى من الماضي المو راضي يعوفني ..
وضلام الماضي
على أيام صار طاغي ..
وملامح المرتاحة ودعتها
وأحلامي الرسمتها على الورقة شككتها
والونسة من الصغر فارگتها
والضحكة زاعلتها ..
والحزن وي سنيني صار صحبه
والدمع وي عيني صار سُمعه ..
أنت تقرأ
مَحَطَّة 20 .
Romanceتاريخ ابتداء الرواية: 1/7/2024 من أصعب الأمور أن تختبرك الحياة بـعمر صغير وأن تختارك من بين الضعفاء لتُحارب أقدارها لتكتشف قوتك ومدا صَبرك ومن أقسى الأقدار هو أن تضع الأنسان في كذبه كذبه تسرق أثمن السنين من عمره كذبه تجعلهُ يعيش في غرفه مُضلم...
