_بين قيود العائله
بقلم: نرجس عبد
ابديها بعلي
شـماتي مو شمات
شـماتي أخـوتي
حـتى أمي يا ناس تتـدعي ؏ مـوتي!!
تصويت وتفاعل بين الفقرات
«روانق»
_يمة كومي يلا مشطيلي
_رونق توخرين عني لا اكضج اموتج اني الي خلكج
_بابا جيبي المشط اني امشطلج
روانق: مشطلي ابوي ومثل كل مرة رحت للمدرسة لكيت غدير منتظرتني حتى تتنمر
_اجت المجداية بنات ههههه من مشطلج
_ابوي مشطلي ترة كلش حلوات
_هههه ليش امج شبيها معاقا
_لا تحجين على امي
_لج امشي ولي لا اطيح حظج
روانق: دك الجرس ورحنا للصفوف وكملنا الدوام
_ياحلو ممكن بوسة
_عمو ترة عيب والله اضل اصيح والم العالم علينا
روانق:سرعت مشيتي وصلت للبيت لكيت ابوي طالع وامي نايمة واختي الجبيرة ستوها جاية من المدرسة
_السلام عليكم محد رد تعودت نمت العصر كاعدة ابوع تلفزيون اندكت الباب
_روانق طلعين
_هسة اكول لامي واجي
_خوش
_يمة عادي اطلع ويا البنات
_ماتنكلعين
_هلو بنات
_هلا بيج
_بعد لا تمشين ويا زهراء بيها كمل
_لا ترة هي صديقتي
_اوي احنا معلينا
_اني تمردت طين اروح اخسل
_اني هم
روانق: حتى اني رحت دخلت للبيت جاي اغسل واندكت طلعت امي شوف منو بلباب شويه وسمعت صوت بنين وزينب يحجن ويا امي
بنين: خالة شفتي روانق شلون تغلط علية
زينب: اي خالة وحتى اني شتمتني
غفران: معليج هسة اطيح حظها روانققققققق
روانق: ها يمه
غفران: ولج ليش تشتمين البنات
روانق: يمة والله مامشتمتها جان تكضني موتتني وطردتني لبيت جدي السلام عليكم
الكل:وعليكم السلام
نجمة: ها شعجب اليوم
_بيبي امي طردتني لأن اجن صديقاتي كللها انو اني غلطة عليهن والله بيبي اني ماغالطة
_امج ولا تبطل سوالفها كومي يم البنات
_ها روانق هي انتِ هنا
_اي لعد عمو سعد وين
_مو هنا البارحه راح الدوام
_ها نلعب
_يلا رحنا نلعب شوية ورجعت للبيت رحت شفت ابوي
حمزة: وين جنتي
_يم بيت جدو
_ليش رحتي
_امي طردتني
_غفرانننننن
_ها
_ليش طاردة روانق
_سألها ليش
_بابا روانق ليش امج
_بابا اجن صديقاتي كللها انواني غالطة عليهن والله اني ماغالطة عليهن
_البنية حلفت ماغالطة عليهن
_وانتَ صدكتها
_اي
_بكيفك هو محد خربها غيرك
_تعاي بابا معليج باامج
_رحت كعدت يم ابوي وشوية وكوت اقرة لإن باجر عندي امتحان نهاية السنة قريت وكملت ورحت نمت كاعدة ثاني يوم بدلت ومشطت ورحت المدرسه وخلصت امتحان وخلت وطلعت قبل لا تطلع غدير لأن مالي خلك الها خليت ورجعت للبيت طبيت للبيت مالكيت احد نمت وكمت ماطلع بشارع وبدت الايام تخلص وخلصت امتحانات يوم كاعدين اني وامي واخواني ودخل ابوية
غفران: ها حمزة
_احمد تهمني متحرش بمرت فاروق
_شنو انت شكتلها
_مرت من يمي وكتلها فدوة للد........
_هيج كايللها ومامتحارش بيها لعد اذا تتحرش بيها شتكول
_وين رايحة
_هسة اجي خلي اشوف شنو هي المصيبة الطاحت على روسنا
_شوي وامي دخلت علينا مثل العصار
يتبع......
﷽
ﷺ
اللهم كُن لوليّك الحُجَّة
بن الحَسَن صَلواتُكَ عَلية
وَعَلى آبائه في هذة السّاعة
وفي كُلّ سَاعَة وَليّا وَحَافِظا
وَقائِدًا وَناصرًا ودَليلًا وَعَينا
حَتّى تُسكنَه أرضك طَوعًا
وَتُمَتِعَه فيها طَويلًا بِرحّمتِكَ
يا أرّحَم الرَّاحِمِين
