اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الوحدة هي وباء عالمي جاي ينتشر بشكل مرعب ، واحد من كل ثلاثة اشخاص بالعالم جاي يعاني من الوحدة الشديدة ، صح الوحدة تعتبر وباء لكن سببها مو الفيروسات سببها هية النفس البشرية لان التلاعب بلنفوس البشرية شيء جداً ممكن وموجود على طول تاريخ البشرية ، والاكيد يا صديقي انو اكو ناس مو بس تنشر وباء الوحدة بالعالم بل جاي تحصل مرابح مرعبة من وراها ، الرؤوس المتحكمة بهلعالم فعلاً تريدك تبقى وحيد ، لذالك جهز نفسك لأن راح اخذك برحلة إلى ما وراء الكواليس حتة تشوف العالم على حقيقتة من نظرتي وبعدها اترك الحكم الك .
_______$________$________$_______
شوف ياصديقي كلما قضيت وقت على اكبر السوشيال ميديا راح يزيد شعورك بلوحدة و تنعزل عن العالم الخارجي ، الان من السهل جداً سواء كان موبايل او لاب توب او غيره وتهرب لعالم الإنترنت ، الفكرة انو ليش ما سألت نفسك من قبل هوة ليش هاي البرامج مصممة حتة الطفل بعمر 6 سنوات يكدر يستخدمها ليش هاي البرامج جداً بسيطة بلواجهة بينما هية جداً معقدة خلف الكواليس ، الجواب جداً بسيط وغالباً انك تعرفة إلا انك تحب تتجاهل الحقيقة ، الحقيقة اللي ما تتناسب مع رغباتك ، الجواب هوة بكل بساطة انو همة يريدون يستغلونك بأكبر شكل ممكن ، بنسبة الهم ما انت إلا مصدر ربح وبس والشي الأكيد انهم راح يحاولون يستخلصون منك اخر نقطة ربح ممكنة ، طيب حالياً راح تسألني هوة شلون السوشيال ميديا تخليني وحيد ؟ مع انهو هية أصلاً مصممة حتى تخلي الناس تتواصل مع بعضها بشكل اكبر ، تمام خليني احچيلك انت ممكن يكون عندك مئات او آلاف المعارف من متابعينك على السوشيال ميديا مع الرغم انت اغلبهم ما شفتهم بلواقع حتة منهم ناس يكونون جداً مقربين الك وتحجيلهم كلشي عن حياتك وتعرف كلشي عن حياتهم على حسب اعتقادك على الاقل ، لكن انت ما شفتهم من قبل انت ما جربت شعور انك تكون وياهم من قبل لهيج راح تحس دائما انو اكو شي ناقص دائماً راح تحس انو اكو شي غلط بس انت ما تعرف شنو هوة بلتحديد ، هاذة الشي يا صديقي اكدر امثلة الك بمثال بسيط جداً ، لنفترض انو شيطان عرض عليك انو يشتري روحك واللي هية اكبر جوهرة ممكن تمتلكهة بحياتك ، المبلغ اللي يعرضة عليك جداً خيالي ومغري وفعلاً انت قبلت ، من اشتريت روحك انطيتك شيك بقيمة المبلغ فه انت اخذت مني هاذة الشيك مني ومشيت ، طبعاً اول شي تفكر بية انك تروح للبنك حتى تسحب المبلغ لأنو شنو فائدة الشيك اذا ما كدرت تحصل على شي منه ، مقصدي انو صح الشيك يساوي فلوس لكن انت لهسة ما امتلكتها فه لما وصلت للبنك رحت للموظف وانت فرحان وسلمت الشيك حتى يسحبة الك الموظف لكن يفاجئك انو الشيك انسحبت قيمتة من قبل وحالياً هوة مجرد ورقة ، انت هنا بهاي اللحظة عرفت غلطك بعد فوات الاوان ، انت بعت روحك مقابل فترة بسيطة من الفرح بمبلغ وهمي انت ما امتلكتة بلمقام الأول ، وذا انت كتلي طيب هاي صفقة من طرف واحد اني انطيت اغلى ما املك لكن ما اخذت شي بلمقابل راح اكلك بلضبط هاذة هوة الجواب اللي اريد اوصلة الك ، بلسوشيال ميديا انت عندك علاقات كثيرة اصحاب اكثيرة وناس ومعارف لكن انت دائمن راح تكون مثل صاحب الشيك هوة عندة الشيك ويكدر يشوف الرقم الكبير المكتوب علية لكن بحياتة ما راح يكدر يسحبة ولا راح يحصل علية كل اللي يكدر يسويه هوة انو يباوع علية من بعيد ، ولهاذة فعلاً اثبتت الدراسات انو الأشخاص اللي يقضون اكبر وقت ممكن على السوشيال ميديا راح تزيد فرصة كبيرة انهم يدخلون بوباء الوحدة ويكتئبون وينتحرون أيضاً ، الفكرة يا صديقي انو السوشيال ميديا ماتسبب بس الوحدة وانما تخلي عندك احترامي ذاتي منخفض ، لانو انت لما تفتح الانستا مثلا وتشوف شخص عندة سيارات وفلوس وعندة بنات وقصور وعندك جسم افظل منك هنا راح تضل تباوع على نفسك بشكل غير واعي ودكول اني اكيد بية شي غلط ! ليش هوة عندة واني لا ؟! هوة بمثل عمري فه ليش هوة عندة واني لا ؟!! ، لكن يا صديقي اريدك تعرف انو هاذة العالم اللي احنة عايشين بية هوة عالم كاذب وأغلب هاذة الكذب منتشر بلسوشيال ميديا والكل يزيف حياته ، واريدك تعرف شي مو لانو شخص حصل على شي انت ما عندك يعني انت اقل قدراً او مكانتاً لأنو هاي العقلية مجرد قاعدة غبية انكتبت من مچتمع اغبى ، انت مو ممثل بشنو وظيفتك انت مو ممثل بشكد عندك افلوس انت مو ممثل بالسيارة اللي تسوقهة انت مو الشي اللي تملكه انت عبارة عن تجاربك انت عبارة عن افكارك انت عبارة عن مبادئك انت ( عبارة عنك )
