شمعه في الضلام

البارت ثلاثه وثلاثون _الاخير _ "جزء الاول"

بقلم الكاتبة
"سعديه الساعدي"

"بنين"
﴿وَنَحْنُ أَقرَبُ إِليْهِ مِنْ حَبْلِ الوَرِيْدِ﴾
إنّك مُحاطٌ بالله مِن كُلِّ جانِب ، أطمئِن

مصطفى
_حضروا روحجن باجر نطلع ال نجف

باوع عليه شافني ابجي
كال
_شبيج

كالت شمس
_تبجي على اهلها

هز راسه وكال
_ماضل شيء ان شاءلله وتاخذين حقج مربع

مسحت عيوني وكلت
_شنو قصدك

كال بغمزه
_بعدين تعرفين

طلع التفتت باوعت على شمس
وكلت
_شنو قصده هاذه

رفعت اكتفهه وكالت
_مادري اتوقعي من هذول الاثنين كلشي

كملت كلامهه وكالت بحزن
_لا تبجين رب العالمين ان شاءلله ياخذ حقج

هزيت راسي وكلت
_ونعم بالله

كالت
_صدك نسيت اسالج شنو اخبار ارام بعده كاعد يم القبر

هزيت راسي وكلت
_يي بعده يم القبر وما صارلي اهواي من سمعت مشتري بيت بل نجف قريب يم الكبر ترف

هزيت راسهه وكالت
_اني راح اروح انتي محتاجه شيء

نفيت راسي وكلت
_لا ما محتاجه بس صدك تعاي انطيج ملابس الباجر ونسولف اشويه

هزت راسهه
كمت اطلع ملابس واسوالف وياهه طلعت الها بنطرون اسود وقميص اسود لان متقبل تنزع الاسود حقهه

وعبايه وربطه سوده وجنطه بيضه وحذاء ابيض

واني نفس البسهه

كالت بضحك
_غيرره مال صخووول

ضحكت وكلت
_شبيج اريد نطلع توام

اخذتنه سوالف مانحس غير صار نص ليل

كالت شمس وهيه تتثاوب
_اني راح اروح انام باجرر شيكعدني

راحت تنام كمت لملمت الغراض ورجعت كلهن بمكانهن وكفت كبال المرايه ارطب وجهي قبل لا انام

فتحت شعري دخل يسرر كامش جهازه يكتب ويبتسم
صحت
_يسر يسر يسر مو جاي احجي وياك متسمع

باوع عليه وكال
_ها يروح يسر

ورجع يكتب اشياء صارت تتخيلي طردت ابليس بس هوه يخلي الواحد يشك

رحت على الفراش تمددت اباوع عليه شلون يكتب كون صدك والكا يخوني اله اكض وجههه وشواههه واكلههه اخذييي للكي مشوهه ههههههههه

باوع عليه وكال
_نامي حبيبي نامي باجر ورانه كعده من صبح

نمت واني غارقه بمخيلتي
كعدت على صوت يصيح بأسمي
_يلا كومي بنين تأخرنه