بِيـْـنْـ يـَـدِـي

♡♡♡♡

تلون وجه اياد ولا حمر  كي قرب ليه وبدأ يدغدغ فيه

- اس ههه اسسسحااااق حبس حبسسس هههههههه ووْقَفْ عفاك

قلتها وانا نتمايل وحدي بسبت يديا لي راهم
مربوطين

• تعاود هديك هدرة يا برهوش كلب.....

_____________

جازت هديك ليلا نورمال مور مطلق اسحاق اياد  وسبات لي طاهم اياد لأسحاق وكملو رقادهم خاطرش كانت ساعة ثلاثة بليل  وجا نهار لي بعدو ناض اسحاق وبدل حوايجو غطا اياد وراح

.....

° خويا خويا نوض راهي سبعة

كانت هدي اسراء لي جات تنوض خوها

°بعدي بعدي جايا تنوضي فيه هكا انا قدامك ومسمعتكش شوفي كيفاه تنوضي بنادم *تنهيدة *، اياااااااااااد نوضضض نوضضض يا كوالا  شكارة تاع رقاد ليل كامل وانت ضحكاتك تتسمع من بيتنا وضك أرواح ترقد ياااك؟ ااح

جاتها مخدة لنص رأسها من اياد لي طيرتله نعاس من عينيه

- روحي يموصيبة كلبة

° اياد خويا نوض تروح تخدم

قالتها وهيا تحسس على شعره وتلعبله بيه

- خلاص ضك نجي روحو بدلو نديكم تقراو في طريقي

روحت نلبس ولبسي لي كان عبارة عن

-هودي بيض

- سروال رمادي مشي مزير ومشي أوفر سايز في نص جاي مهم هكا كاتبة نسات واش يسموه

- باسكات بيضة

مشطة شعري لي جاي بني كلااااغ وطويل شوي من لور

روحت طيبتلهم قهوة بالحليب وطيتهم يشرب معا قاطو بيمو عشقي 

شديتهم واحدة من يد ولوخرا من يد نمشي ونوصي بإكرام باش مديرش مشاكل نعرفها يدها مشي ليها

وصلتهم دخلو وانا وصيت عساس تاع ابتدائية إذا كاش مصرا يعيطيلي بنيميرو لي طيتوله

*شدوها مليح*

كنت رايح لسوبيرات ولا فجأة تجيني مرا كبيرة في عمر وهيا تبكي

~ ياوليدي الله يرضا عليك روح سلكو  الله يسترك مزال صغير على هذا الله يسجيك يا وليدي

قالتها وهيا شوي وتطيح

- ييما تكالماي بسم الله عليك وين رآه هذا وشكون