عنوان
حقيقة مخبيا
ليوم نضت وهداك لي يوزن طن مشي فوقي سمحولي خاوتي جابلي ضهري مباتش في دار ليوم خاطرش خوه كبير قاله يجي يسحقه بموضوع
مهم دوشت تدواش خفيف باش نحي ريحة رقاد برك ونزلت لقيت خاوتي خرجو
احم احم متخافوش موجد كلش من بارح ومصروف عمبالهم وين نحطو
خرجت لبرا نشم هوا نهدر معا شوي ناس عيت من قعاد وحدي بسكات ركب ليا اكتآب
مهم نمشي حتى تفكرت هداك ولد لي ضربه اسحاق في ضيعة
بديت نسقسي عليه وين يسكن وهكا صراحة غاضني عايش هو ويماه يتيم حالة مادية صفر خدم معا اسحاق ومنبعد لي صرا حاوزو قلبي ضرني حسيت روحي انا سبة معا ان ولد في غز شبابو
مهم رجعت للدار ديت شوي دراهم لي كنت ملايمهم خاطرش اسحاق مشي مخليني نحط الفرانك معاه يدير كلش من قضيان وخرجات وطلعات وفوقها راه مانعني من طياب لي هو حاجة وحيدة لي نديها و تحسسني بلي راني نقدم في حاجة ويالوكان صغيرة مهم ديت مليون من ستة ملاين لي لميتهم خدمت شهرين وكل يوم مياتلف فاا لميت ست ملاين وكيما قتلكم اسحاق مشي مخليني ندخل ياولوكان شيكولة للدار
روحت للدار تاع ولد اكيد بعد مسقسيت ناس وديت جي معا ياهورت خاطرش كانو كاينين في دار بازيادة جي عندي ثلث فاردووات و ياهورت بعشرين حبة
كثر خير اسحاق لي مخلانيش نحتاج تا حاجة دقدقت في باب دار خرجت ليا يماه مسكينة نخلعت كي شافتني
- سلام يما كي راكي ندخل؟
متتصدموش انا اي مرا كبيرة نقوللها يما وخصوص ان عندي عقدة من كبار نشوفهم برك راقدين نبكي بلا سبة نحسهم اععع منعرف
……: ادخل يا وليدي واش جابك لهنا
دخلت للدارها لي كان ليه وحد دفا هايل
- جيت نشوف وليدك اذا راه بخير اسمحيلي والله لي صرا بسبتي متديهاش بإسحاق والله هو راجل ونص برك غلباتو غيرة
……: لالا اوليدي راه مسامح عنبالي هداك برهوش فمه مشي ليه وثانيك من حقو يغار على غزال كيما نتا
حشمش صراحة خاوتيي حشمتتت بزااف ضحكت هديك ضحكة لي تجي كي متعرفوش تريبونديو
……: ادخل يا وليدي ضك نجيبلك قهوة
- لالا ايما متعبيش راسك قاع وثانيك شدي هدي مني والله مترجع
أنت تقرأ
بِيـْـنْـ يـَـدِـي
قصص عامة-طــُولْ حـْيــَاتَــكْ وَنْتىَ بِـيــْنْ يـَدِيـ باللهجة جزائرية bl *l'm just a girl🎀*
