بِيـْـنْـ يـَـدِـي

♡♡♡♡♡♡♡♡♡♡♡♡

- ايه ملاك كي راهم ولاد عمي لوخرين

" بخير حمد الله خصوص كي بعدو على ثعابين تاع والديهم وعماتي راهم عايشين لابالفي

- حمد الله...

مخلاتوش يكمل وقاطعاتو

" واش رايك تروح نشوفهم والله كي قلتلهم بلي خرجت من ميتم سفيان لخر وبدكا

- أن شاء الله

غزر في اسحاق باش يشوف وجهه إذا رآه يبشر بالخير ولا لالا حمد الله كان نورمال

• نديك ليهم؟

- اوكي غدوة؟

• لالا ليوم

- بصح

• قتلك ليوم هيا نديكم قاع

" لالا نتا جبت موطو فا ركب انت واياد برك

وغمزتلو وكملت

" ونا عندي موطو نركب فيه انا ومحمد

قالتها وشدت محمد من خصره وقرباتو ليها
بتملك وعنف شوي بزاف خاطرش مزالت منساتش كي عنق اياد

• اوكي متفاهمين هيا لبسو

- واه بيفيه مدرت تا حاجة نديرهالهم اسحاق معليش تستنا شوي ندير حاجة ونديهالهم

• نشريلك من براا لي بغيتها بلا متعب روحك

- لالا باغي نديرها بيدي

• ايااد عمري حبيبي قلبي راك تعيا برك في كوزينة والله اطيني إشارة برك فطور وعشا يجيك للدار ها بركا وكسب صحتك

- نتا راك دير كلش من طقطق للسلام عليكم تجيب كلش وتشري كلش على أقل ندير حاجة منقعدش كي صنم

• انا باغيك تقعد كي صنم وتأمر برك

- ونا مشي عوايدي هك

ملاك لي شدة محمد وخرجت باش تخليهم براحتهم

" أرواح لهنا هانا بقينا وحدا

' اسمعي مدرت. والو يهديك ربي

"لالا درت ومنبعد نتفاهمو

' اففف توجعني نقعرك

نولو للآخرين

• حتى كون مشي عوايدك  حاول تكسب راحتك النفسية و الجسدية راك عييت بيما فيه كفاية

- لي يسمعك ميقولش هداك لي رماني في دار مسكونة

•  غلطة وخلاص

- مخلاصش منسيتهاش

قالها بتشناف

• سمحلي زين تاعي

- نننن ضك ديني لولاد عمي

________________________

جاز نهار فل تلاقا اياد معا ولاد عمو نزيم وسفيان وصالحهم على بعضهم مور مكان نزيم زعفان من سفيان وكانت لمة عائلية حنينة اياد توحشها